76 玩樂樂壇 : 新星專訪 – AGA 江海迦

近期電台熱播新歌 《一》 頻頻追擊多個派台歌曲榜的三甲位置 ,而其主唱者 Aga  (江海迦) 亦在各頒獎禮中漸露頭角。究這位 Aga  是一個點樣既歌手呢? 佢既音樂路又係點行出黎既呢 ?  今日就等小記代大家了解一下呢位樂壇女新星啦 … !!!

0828 020

入行篇

點解會無端端轉行做編曲 / 歌手呢 ?

其實我自九歲起已萌生音樂夢。記得當年我細細個已經睇到爸爸係屋企用鋼琴同教會一班弟兄姊妹一齊 Jam 歌。當時除了帶著好奇,也帶著對演奏者的仰慕。所以當爸爸不需要用鋼琴時,我都會百厭咁走到鋼琴前面試彈幾個音符。久而久之就逐漸彈起一、兩首曲來,漸漸鋼琴等樂器產生興趣,一日即使練成 9-10 粒鐘琴也唔覺疲累。

另外,家人見我對鋼琴情有獨鍾,就順水推舟地鼓勵我 “專攻" 古典鋼琴。等我畢業時都有一技旁身,也可謀生,一舉兩得。然而,無心插柳反成為未來的發展的契機。當初我只是把心一橫,專注在琴藝並打算以樂器演奏者身分在幕前發展。點知冥冥中總有定數 …  除了有幸跟本地著名音樂人Ted Lo 學琴外,我更在偶然機會下 (知音人穿針引線下) 認識到本地著名音樂大師舒文,並向他學藝,都是無法預計的「音樂夢」。

0828 011

對師父舒文的睇法  ?

雖然話我同師父舒文都十分鍾意傾閒計。但一講到練歌同錄音,佢既認真專注態度就會出返晒黎。呢種對音樂的認真的做事方式對行外人來講可能會是一種苛刻,但對於我這類同樣愛「注重細節」的音樂愛好者來講,絕對是一種 「訓身」的體現。自問我經常都因「錄 Demo」而重複三、四十個 Take 不等。這種對心中「Ideal」(理想) 效果的追求其實是一種藝術家 / Artist  特質。所以屢敗屢試都是必然的專業態度。因此我非常欣賞他這份執著!!!

0828 014 0828 015

對於有歌手 / 藝人認為瑕疵就是特色風格,並以 Keep 住 「新鮮感」為由,單憑兩、三 Take 就想交貨。我個人認為 能被視作「風格」的「瑕疵」是 「刻意形做的錯漏」,而絕非因技巧、歌藝未達標所致的缺憾。這是我同舒文對製作真音樂的共同信念。

0828 045

學藝的過程雖辛苦,但亦值得回味。而且,最值得興幸的我自小就在父親「直腸直肚」的管教下長大。所以對師父「敢言」的作風都已經懂得配合。佢最令我敬佩的地方是他擁有極之驚人的 「閱人能力」。單是我地首次見面「吹水」(閒談) 時,他已「感應」到我鍾情於那某類歌手、某類音樂。感覺就似心理分析師遇見病人一樣,所「迷津」都一一被解開。所以合作得來都算是一種師徒緣份 …

0828 046 0828 048

與他最深刻的一次合作經歷是上年 (2013年) 錄製《哈囉》的時,足足花了整整十日時間。單是幾時用震音、放慢、加快,透氣,舒文都一絲不苟要我跟足。而家諗返都十分佩服當時自己的毅力及舒文的驚人耐性。

maxresdefault

做空姐時的深刻經歷 ?

做空姐時的最深刻的經歷首數是練膽量、練「挨得鬧」同見識過很多「截然不同」人和事。記得當年我18歲已經膽粗粗去做空姐。開頭咩都唔識梗係要「挨鬧」啦 !!! 不過,日子耐左、同班同事熟絡左,就開始懂得珍惜同其他交談的時間。有時我地會襯部飛機人少少,成班空姐圍埋一齊傾下「密計」,交流下大家的所見所聞。此外,做空姐四圍飛,都令我培養左一種極之愛探索「新事物」、「新體驗」的興趣。喜愛八卦一下唔同地方既風土人情。這舉除左豐富左我既閱歷之外,也有助我寫歌、唱歌時搵新元素。

0828 026

出道後 (成為歌手後)  音樂口味的轉變 ?

成為歌手後的改變係發現自己的曲風、歌路都不斷咁變。單是聽翻《Better Me》Demo 已經知道自己原來「成熟左」好多。而今年年頭我都經歷過一次創作低潮。花很多時間落去都久久未有一首新歌出到黎。好在舒文安慰我要憑自己直覺寫歌,將自己最原真的感覺寫出來,最終令我走出了這個「創意低谷」。此外,由幕後出向幕前都有很多部門 / 人要夾。這些都是我從來未遇過的挑戰。但多得身邊人支持,困難總是挨過去了。

音樂創作篇

對自己歌路 /  曲風的感覺 ?

其實自己始終鍾情於 R&B ,所以在有選擇下我都會以「快、靚、正」的R&B 曲風為自己首選。而且,我自己亦慣左先以故事為先、後有曲、歌的風格作歌。訊息正面的歌曲也會是我目前的風格之一。

0828 051 0828 052

最令人深刻的合作體驗 ?

我 最深刻的合作體驗絕對要數同薛凱琪在《Better Me》中的合作。過程中我認識到Fiona 原來都好似我一樣十分有個性,所以合作起來都甚有火花。而我記得我有次同媽咪一齊應邀出席Fiona 係紅館的大型音樂會。當中Fiona 揀了一首《Better Me》作即場獻唱,台下面的觀眾都隨即唱埋一份。呢一霎那感覺除了證明了自己的作品得到全場歌迷的認同外,也令媽咪明白到自己終日埋頭苦幹是值得的 !!!

回顧返當年鄭融 “大膽" 選用了妳的一首《第五類》(Aga 負責作曲 / 編曲),你而家有咩諗法呢?

我對鄭融的睇法是十分多謝佢夠膽在 「無往績」下選用了我的《第五類》(Aga 負責作曲 / 編曲)。個首歌係當時黎講都幾反傳統下。除歌藝外,我也十分佩服佢係社會公益活動既積極。以日夜顛倒的藝人來講,佢絕對係典範。最近佢都有透過短訊讚我首新歌 《一》「好聽」。 而我也復佢話好想搵機會同佢再合作,寫首新歌俾佢。

超正鄭~1 201206051519374cbcb

新歌《一》的靈感  /  帶出的信息 ?

新歌《一》其實是想講人生在世,要找尋真命天子/ 真命天女的機會其實有如在恆河中幫兩粒細沙「配對」一樣難。所以即使你未搵到,或者錯愛過都唔應該怪自己或怪對方。然而,如果你真的搵到你既「唯一」,你就應該好好珍惜對方,好好在他 / 她身邊守候,千其唔好浪費片刻。

0828 030

不過,呢首歌對我黎講係有多重意義。記得當初我創作此歌的時候撞岩有家人患上大病。眼見眼前醫院內咁多個家庭都要經歷離離合合,心中不禁感到唏噓。所以希望借歌紓解愁緒。所以,當初為此歌錄音時我都忍唔住將當時的複雜心情帶入歌曲之中。而家回憶起來都有 D 心情忐忑。

對未來在發音樂界的展望?

對展望將來,我個人層面上當然希望樂壇可以開放更多新平台俾新人。不論對已出道或是打算晉身樂壇的人來講都有利。對於自己,我當然希望能以「紅館」開 Show 為最大目標啦 !!!

0828 027

專訪有感:

在訪問中,你不難發現 Aga  確實是一位甚具陽光味的外向型女歌手,與她喜愛在歌中宣揚正面信息的歌路極之匹配。而她自小對音樂的熱愛同會唱、會編的功低都令她可在樂壇自由進出多個製作層面,令其發展可塑潛力大增。樂迷們拭目以待吧 !!!

想知道 Aga 的最新動向,記得緊貼 Post76 既報導啦 !!!

0828 023 0828 024

AGA Facebook專頁 : https://www.facebook.com/agaseen

我地不如睇睇近日AGA在各大電台非常熱播的<一>先啦.

 特別鳴謝 : LAB by Dimension+ 提供訪問及拍攝場地

 

有你既支持,就係我地最好既推動力,齊齊參與

FUNPost76.com

<

歡迎進入我地論壇對>>本文章<<發表您的回覆啦^^"
>

*** 溫馨提示:想更緊貼更多影音界的最新資訊,請到以下的 Facebook 專頁按「讚好」 Google+ 專頁按「加到社交圈」加入我們,每天就會收到全新的中文影音免費資訊呢!! ***


🏠 ★ Post76網店經已開幕 《store.post76.hk》

Hugo

關於Hugo

電影發燒友一名,自小喜愛睇戲聽歌。對發燒軟件、硬件充滿深究意欲。平時鍾意到影碟舖流連,收集冷門佳作,視影音周邊為精神主要食糧。

觀看所有 Hugo 的文章

相關文章