溫柔細膩的 – Hifiman HE560

係開箱之後咁耐先出篇文黎寫佢希望大家唔好責怪,因為呢隻耳機都幾好玩,幾值得同需要用多啲時間去研究下點樣玩好佢!!!!●前文提要HiFiMan HE-560 開箱 – 序

內地品牌Hifiman無論係便攜播放器定係耳機都有唔少良好既評價,佢地出既播放器HM802同HM901係網上討論都見唔少,我見呢度都有啲師兄用緊添。不過佢地出既頭戴式耳機就好似無咩人係度講,但係咪以為國內廠就只係得啲中低階野,佢地隻旗艦耳機HE6就係全球各地都有高度評價!

hifiman_h560_01


今次好好彩有得試玩佢地新出既平板耳機HE560,佢個耳機殼上有木貼皮,比起HE6輕左好多,呢點我覺得真係要讚下佢地,佢地隻旗艦HE6好聲就係好聲啦,不過又重又難推,用市面上常見既耳擴唔好話好聲,連夠唔夠音量都難講呀。而今次隻HE560比起HE500同HE6輕左唔少,連個頭帶設計都係全新既,配戴都舒適左唔少。你知啦,戴得唔舒服戴得唔耐,幾好聲都無用啦,直情連聽歌既心情都無哂呀。之但係咁,重量係改善左啦,不過新機就會有點夾頭,好彩戴多啲同用少少力拉開佢可以改善到夾頭既情況。

講完配戴又講下設計先,Hifiman對上一隻有木頭元素既耳機都已經係幾耐之前,今次HE560再次回歸返木頭都真係幾令人期待。係HE560正式開賣之前小弟都有睇過佢既產品圖,不過如而家既正式版都有幾大差別,材質由原木殼變左成木貼皮,聽落都覺得有點失落感,但正因為呢個原因,佢既重量比原型機更加輕,望落去都無咁笨重,最終效果都幾令我滿意!

hifiman_h560_03

講左咁耐,最重要既就梗係聲音啦。呢隻耳機原廠建議大家至少煲200小時,實際試玩時發覺佢係煲機前後又真係差幾遠!其實當佢一開聲個時已經可以聽到佢大概既聲底,溫柔耐聽不太刺激,音場寬度十分之不錯。咁係煲機之後又會有咩唔同?相比係開聲時,最主要係人聲會有的特別的凹陷感同過於虛既情況無左,整體聲音既立體感都好左。

HE560係數據上係一隻算係偏低阻但靈敏度也不高的耳機,實際上亦都真係唔算易推。係市場上有唔少叫做唔算易推既耳機,例如HE800﹑HE6同T1咁,而HE560其中一個好處就係唔會好似上面舉出既耳機咁,推得唔好會有好明顯的”惡聲”。佢即使係推動得唔太好既情況下,大多數情況都只會係俾啲唔夠好聽﹑無咩特別﹑唔值咁貴既聲你,而又未去到一聽就覺得好難聽既地步,即使好求奇插,都會係”聽得落”咁。呢種特性好容易會係試聽個時俾人以為佢真係好易推,其實都唔一定係好事架!

小弟覺得佢係驅動得一般個時,聲音會保有佢音場寬闊既特點,但係音場會無咩深度,感覺好平面,人聲會推得後左,密度不良,亦因為佢本身厚度無話特別厚或者薄,所以聽起黎亦可能會偏薄(點解係可能呢?呢個等陣會講),但係好在高頻都唔容易因為驅動不良而吉耳。

hifiman_h560_02

而係佢驅動得比較好個時,就正左好多!嘩,成個音場立體左起黎,但係寬度一樣咁出色!高頻延伸良好而不刺耳,好溫柔細膩唔會用鋒利既線條整損你隻耳仔。低頻總係俾一個適當既量你,不過如果鐘意低頻多而爽的就可能會感到失望啦,哈哈。

其實HE560對於你用咩推佢都幾感敏,前面有咩變化佢都會幾容易咁反映出黎,呢個亦都係我點解前面會話聲音有可能會偏薄,因為一般系統都唔會話整到佢特別厚嘛(咁當然要睇下唔同人喜好啦),推得唔好就自然容易偏薄了。好在佢無論點變化都唔容易高音”叫”,維持住佢柔和既個性,幾親民!

hifiman_h560_04

如果有興趣試聽的話建議可以用多啲前端黎試佢呢~~

PS : HE560就咁睇個名就好似係HE500既進階版咁,不過聲音取向上反而係比較似HE6既方向而唔係HE500。


>

有你既支持,就係我地最好既推動力,齊齊參與

FUNPost76.com

<

歡迎進入我地論壇對>>本文章<<發表您的回覆啦^^”
>

*** 溫馨提示:想更緊貼更多影音界的最新資訊,請到以下的 Facebook 專頁按「讚好」 Google+ 專頁按「加到社交圈」加入我們,每天就會收到全新的中文影音免費資訊呢!! ***

耳機真男人

關於耳機真男人

只是一個喜歡聽耳機的男人,對耳機之事不知何解,就是著迷,不會一直只對貴價品有興趣,因為最大的滿足反而就是找到性價比值高的玩物,再推介給老友。

觀看所有 耳機真男人 的文章

相關文章