【劉美君《偷 ~ Stolen Moments》全新廣東專輯分享會】

說起本地樂壇的老手與長青並重、而且還在圈中活躍的歌手,應該幾隻手掌既手指都數得曬,劉美君Prudence就係其中一個。咁點解要特別提劉美君劉公子呢?當然有原因啦。

有留意樂壇新聞既朋友應該會知道,劉公子最近推出左一張專輯《偷~ Stolen Moments》。而另外一年前,當劉公子推出《Love Addict》CD專輯既時候,我地Post76好榮幸可以立即透過唱片公司環球音樂,邀請劉公子來臨Post76舉辦既專輯分享會。一年後既今日,我地當然唔會錯過機會,繼續邀請到劉公子再次來臨,與一眾HiFi發燒版友分享佢今次《偷~ Stolen Moments》新專輯既心得同製作經歷。所以7月7號當日,我地就係老地方大昌影音中環陳列室,舉辦呢次既活動「劉美君《偷 ~ Stolen Moments》全新廣東專輯分享會」,與一眾版友共嘗「偷」倫之樂。

既然今日既活動又係得到環球音樂唱片公司幫手,禁當然今次又係唔少得請到環球音樂既市場及銷售經理Jeffery老大黎坐場,為今次既活動領航,務本為各版友度過一個「偷」得浮生半日閒既時光。今日既活動都係有兩部分,第一部分當然係個個齊齊坐係到,細嘗劉公子既新音樂作品啦,其中Jeffery亦同版友分享意見同感想。而第二部分就當然係各人最望到頸都長埋既活動-劉美君親身說法啦。

踏正兩點半,正式開始今次活動。又係果句,每次Post76既活動誓必有總版管小瑟帶頭逐一介紹自己及各工作人員。好快手介紹完之後,跟住就係環球大老Jeffery正式開始介紹今日既活動,佢講到上年劉公子專輯分享既活動深得Post76一眾版友既熱烈支持,而今次支持人數更勝往年,佢先深深感謝Post76各版友及工作人員對劉公子及環球音樂唱片的支持。

過後,Jeffery介紹今次劉公子推出既新專輯。佢講到呢個新專輯用到「偷」呢個字為標題,係因為「偷」呢個字由兩個字組成,分別係「人」字邊同埋一個「俞」字組成。「俞」本身有安定、允許同埋愉快既意思,所以「偷」係一係刺激快感,他人愈強加限制,自己就愈想破解。

跟住,為左要吊下一眾版友想見到劉公子既癮呢,Jeffery先用在場既器材,播放《偷~ Stolen Moments》專輯之中既第8首《午夜麗人》。《午夜麗人》既原唱者係譚詠麟,出至版友熱捧既《霧之戀》專輯中,唔知係未因為禁既緣故,由劉公子詮釋既版本,一眾版友都聽得如痴如醉。而更加驚訝既係,由於錄音質素實在好好啦,連筆者在內聽著都目瞪口呆了。播放完後,大昌影音既代表出黎,同大家解說今日示範既器材。原來今日場地用左金仔金嗓子Accuphase系列既Source,先有CD Player DP-900,接著再以DAC解碼器DC-910,再去到Pre-Amp C-3800。後級有Esoteric既A-02兩隻做Bridge,以提供400W的輸出。最後主角喇叭就當然有禁上下既份量,用上了Chario Serenendipity去表現劉公子美妙磁性既聲音。

介紹完器材之後,當然要繼續播放專輯了。Jeffery就選擇左第3首《明知故犯》,《明知故犯》既原唱係邊個呢﹖呢個問題成為左今日活動既第一個有獎問答遊戲啦。今次既活動會送出****。而Jeffery一問完問題,就有版友好快手答左係「許美靜」,而佢就順利成章禁得到呢隻CD啦。之後,Jeffery就邀請在座各版友對於剛才由劉公子重譯既版本有咩意見,有版友就提出了人聲太前既問題,佢覺得出黎既效果會比較刻意,有點不自然,亦有機會令三頻失去平衡。而Jeffery回答指,今次新碟有兩位監製攜手炮製,不同既歌由不同既監製製作,所以每首樂曲既調音風格都應該有d唔同。而調音偏向突出人聲,亦係迎合廣東歌的風格及香港人聽歌既習慣。

Jeffery之後亦播放了兩首音樂,分別是第7首既《甜蜜如軟糖》,同埋第5首既《小城大事》。禁點解要特別選擇呢兩首Track黎播俾版友們聽呢?係因為雖然呢兩首音樂都係分別翻唱至Twins同楊千樺,但Jeffery覺得劉美君能夠將原唱既感情重新演繹,並將意境帶到另一個高峰。

講左禁耐,係人都想快d進入高潮位(?)啦…….於是Jeffery就宣佈…….散場=.=,當然講笑啦,因為活動進入了第二部分,就係劉美君親身來臨現場啦@@。當劉美君開門一剎那,全場掌聲如雷,歡迎劉美君入場。劉美君就座時第一時間就講闊別一眾版友一年,而家可以再見面覺得好開心,又可以分享下多d野。而一眾版友見到「女神」,當然就眼甘甘啦,雙眼放到大一大都唔止,仲要拎埋私家鷹眼…….相機出黎幫手「閃」甘甘。

劉公子先補充話今次用「偷」呢個隻黎做主輯Theme,係因為呢個動作帶俾人一種自由奔放、自我釋放既感覺,雖然偷野係唔岩,不過呢種感覺好新鮮、好刺激,真係令人在一剎那之間滿足、無法抗拒,所以人會不知不覺之間愛上了「偷」的感覺。

之後,劉公子就講到今次錄音既經歷,佢講話今次佢唱得完全比起上一次更放更即興,事前劉公子同監製樂手們沒有太多準備,只係開會討論時監製提議話唱呢首,劉公子同樂手一點頭,就可以去錄音啦,沒有太多的rehersal,一到錄音室就可以開始了,尤其是第7首既《甜蜜如軟糖》,完全係即興既表現。不過試過錄呢首歌果時劉公子同樂手即興Jam左半個鐘,點知錄音師話唔記得禁錄音,全村人(包括在場既版友)大叫可惜。不過好在劉公子知道版友剎時的失落感,故立即即場即席揮豪,清唱幾句即興style的歌詞,逗得全場熱烈拍手掌(拍拍拍)。

此外,劉公子透露,因為今次有兩位製作人出手炮製,故需要兩邊錄音室Studio走黎走去,有時可以好似先前禁講就話可以同樂手即時錄音同步演出,但有時需要先錄背景音樂的部分,再後由劉公子單獨唱歌錄音,之後由混音師用專業的技巧將音樂同人聲混音Mixing。不過另外有時候當劉公子步入錄音室之際,睇見今日要錄既歌,感覺知道自己不是狀態,就即刻調頭走叫「收工」了,當然劉公子本人都唔想啦,不過為左錄出最好既質素,點都要難為一下了。

講到禁多,都係時候等到今晚活動既尾聲啦,亦係各版友最等到頸都長埋既時間-簽名時間啦,而當然一眾版友都好識做,立即一隻二隻禁掃貨,埋去counter到,好心禁情願地「吐血」,俾錢買CD,然後成堆版友就排滿曬簽名房前面等,成班熱烈討論戰後心得,有劉美君的忠實fans一次過拎曬劉公子出過既幾隻CD同埋黑膠,俾劉公子簽名,當然劉公子都係有求必應啦,一次過滿足曬版友既多個希望。

(以下已經是全部當日會員們的合照,如果你想取回原檔收藏,請抄底檔案名再 PM 小瑟 ,小瑟會比LINK大家下載原檔的呢。)

最後本來應該係拍照留念,紀念禁難得既大事活動,可惜一眾版友大部分拎到簽名後已急不及待收工返屋企,應該與家人共眾「偷」倫之樂啦,所以最後唯有我地工作人員同劉美君拍照留念了^^」,不過期待可以再環球唱片合作,下一次當劉美君出新專輯時,我地又可以再見面啦!


最後,當晚有參與既師兄們都已經在討論區將當晚分享會既感受同大家分享,而部份內容亦十分正斗,如果大家都想留言等劉公子睇到,分享一下你對呢隻新碟及一些心聲,歡迎來到以下網址。

http://www.post76.com/discuss/viewthread.php?tid=124050

以下節錄一此精華比大家快速收看吧!

阿正
http://www.post76.com/discuss/redirect.php?goto=findpost&ptid=124050&pid=1965223
http://www.post76.com/discuss/redirect.php?goto=findpost&ptid=124050&pid=1965721

sunboy(新碟逐首點評)
http://www.post76.com/discuss/redirect.php?goto=findpost&ptid=124050&pid=1966896

*** 溫馨提示:想更緊貼更多影音界的最新資訊,請到以下的 Facebook 專頁按「讚好」 Google+ 專頁按「加到社交圈」加入我們,每天就會收到全新的中文影音免費資訊呢!! ***


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

Post76 Reporter

關於Post76 Reporter

身為76戰地記者, 人玩我又玩, 人唔玩我都要玩, 咁先係76新聞, 事事上心, 願天下毒物都任我們76記者任玩任試.

觀看所有 Post76 Reporter 的文章

相關文章