旗艦耳機 Sennheiser IE80 小評

Sennheiser呢個品牌, 不嬲都比到小瑟一個耳機界專業品牌既信心標誌, 其他型號唔多講, 就以 IE 系列為例, 3年前既IE6 同IE8, 的確係成為左不少音響發燒友, 一個輕巧方便既隨身聽好選擇.

係今年既二月份, Sennheiser 方面就推出左新款旗艦耳機 IE60 同IE80, 小瑟好想知道, 究竟定價HKD$3420既入耳式耳機, 可以比到D咩效果出來呢?? 今日小瑟就有幸可以同代理借到一對返來慢慢試, 希望同各位76既師兄們作一個小小既分享呢!!!!

聽感小評 –

首先試聽古巨基[Guitar Fever 眼睛不能沒眼淚] 24/96 WAV檔, 先將耳機的低音調校校到最低度數, 一開始既結他聲又唔覺有咩特別, 之後基仔唱歌之後就開始有D料到勒, 佢唱歌時有好多細微既聲竟然可以聽到出黎, 呢首歌既左右結他平時都唔覺可以分得咁仔細同清晰地聽得非常清楚, IE80既分析力真係好高, 小瑟平時好小可以聽到分析力咁高既入耳式耳機, 呢對算係做得非常之好, 不過人聲同低頻既分離度就唔係好足夠, 古仔既歌聲同中低音既音樂有D痴地.

今次就將低音調校至中間位置, 頭先聽到既左右結他既仔細度唔同左, 依家既聲音係沉厚左小小, 而低音既效果係比較之前豐厚左, 有肉有汁左小小, 鼓聲實左, 但依家呢個設定既低音而又反而另小瑟聽得幾過引喎. 另外人聲分別不大, 都係有小小痴地, 唔知係咪因為隻耳機新開未開聲所致呢.

之後就聽下陳潔儀 [重譯] 專輯中的第二首兄妹, CD直RIP WAV檔, 音樂感非常重, 鋼琴聲同大提琴質感非常豐厚, 係 IE80 之下既 陳潔儀 把聲真係好靚, 好吸引人, 尤其最後的一句差唔多清唱既 “對我好, 對我好, 好得無路可退" WOW, 真係殺死人呀, 不過當音樂一多既時候, 所有樂器既分離度都係感覺唔係好足, 又係有小小痴地既感覺.

總結 –

小瑟對呢隻 IE80 既要求係比起之前既所有型號的耳機都要嚴緊, 因為始終呢隻耳機係 Sennheiser 既旗艦級耳機, 小瑟試佢既時候係絕對會用返 HIFI 音響既標準去作評價, 不過話就話係 Sennheiser 旗艦耳機, 不過其實個價錢又唔係真係好貴, 只係賣緊三千幾蚊, 小瑟覺得呢個價位出到呢個品質同音質效果已經係好好了, 起碼整體既音樂感染力已經另人非常容易投入音樂之中, 而IE80又有調校低頻功能, 小瑟個人就比較喜歡校到二格以上左右, 再用其耳綿, 咁樣聽得又舒服又岩小瑟既口味, 因為係呢個設定上, 無論係聽人聲同所以音樂高中低三頻出黎既效果都比較有質感同有肉地, 感情既量度又比較充足D, 非常之岩聽一D POP 同細緻度既歌曲, 正正係因為佢低頻豐富, 所以聽POP又岩, 呢下真係非常之深得我心呢, 今晚係小瑟最後一晚對住呢對IE80, 老實講, 真係有小小唔捨得, 不過要還既始終要還, 就睇下小瑟可唔可以堅持到啦!!!!!^^"

>

歡迎進入我們的影音玩樂討論區發表意見.
http://www.post76.com/discuss/viewthread.php?tid=121441

*** 溫馨提示:想更緊貼更多影音界的最新資訊,請到以下的 Facebook 專頁按「讚好」 Google+ 專頁按「加到社交圈」加入我們,每天就會收到全新的中文影音免費資訊呢!! ***


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章