懷念哥哥特集 之 一 “ReIMAGINE LESLIE CHEUNG 藍光+雙CD"

早前,環球係會展搞左個 ReImagine Leslie Cheung 音樂會,作為哥哥迷的我,又不是哥哥開Show,無去睇係必然的,不過早排路過信和,CD鋪門播著呢隻專輯的精華片段,又覺得唔錯啊,兩舊水左右,有藍光 碟,有CD跟隨,價錢不算太貴,就帶回家慢慢欣賞好了

封底可以見到音樂會有25首歌,CD有18首歌

20120608_115543.jpg

開盒後會見到 CD(左) 同 BD(右)

20120608_115614.jpg

仲有一本音樂會當日各歌手的相集

20120608_115754.jpg

睇完相,應該唔駛介紹都知曲目係哥哥環球年代的歌為主吧,唔知咩叫環球年代的,簡單d講即係哥哥復出後的歌,亦即係哥哥後期的作品,由各環球歌手來唱哥哥 的作品,老實講,作為哥哥迷,你叫邊個來唱都唔會好聽的,所以今次歌曲係重新編曲過的,每首歌都可以話係跟番歌手的風格來重新編曲的,講得直少少,部份歌 好唔好聽,真係可以好主觀,例如Prudence唱的左右手,你喜歡Prudence的話,一定好鐘意,但如果只係一個哥哥Fans,你可能會有所失望都 唔奇,簡單點講,獨立去聽,唔同哥哥比較的話,大部份都係高水準之作來的,由其幾位老牌歌手,林子祥式的陪你倒數,作為第一首歌,真係好好聽,作為哥哥 Fans,任何情況下我都唔可能認為有人唱得比哥哥好的,但林子祥唱,真係好有味道,有重新認識一首歌的感覺,而呢種感覺,幾位實力派歌手都做得好好,不 過話明係環球總動員,總會有少數資歷較淺或離開舞台一些日子的歌手你會聽到媽媽聲的

總的來說,成隻碟唔錯的,比唔到高分係因為我太過哥哥Fans而已,正如一開始我所講,無哥哥的哥哥Show,我無可能比得高分,但價錢相宜,有BD,有 CD,加上幾位實力派歌手的新演譯手法,10分我都比到7.5分的,個別唱得比較差的,就當係演唱會必有的介紹新人位吧,實在不應把他們的分數計算在內才 算公平呢,而且入行十幾年都無可能唱到哥哥八成啦,入行幾年唱到哥哥一兩成,其實也好合理啦!

最後畫面方面,由於成個show以唱歌為主,所以拍得好清的,絕對係1080P製作,大家無需擔心,而音效方面,做得亦非常出色,雜聲接近零,係最後大合唱有d亂而己,問題不大!

歡迎進入我們的影音玩樂討論區發表意見.
http://www.post76.com/discuss/index.php

*** 溫馨提示:想更緊貼更多影音界的最新資訊,請到以下的 Facebook 專頁按「讚好」 Google+ 專頁按「加到社交圈」加入我們,每天就會收到全新的中文影音免費資訊呢!! ***


🏠 ★ Post76網店經已開幕 《store.post76.hk》

阿定

關於阿定

喜愛動漫,喜愛打機,喜愛電影,喜愛運動,半個IT人,半個廢人

觀看所有 阿定 的文章

相關文章