【家訪】nicknick兄的為音樂而生的示範影院

小瑟未去 nicknick 兄家訪之前, 本身其實就係比佢用 Onkyo PR-SC5509 呢個前級所吸引的, 因為小瑟都係用Onkyo PR-SC5509, 但後級方面只係用上美國訂購返來, 低於萬元的性價王 Emotive XPA-5, 之前睇過 nicknick 兄買部 Nuforce MCH300SE 返來時的 Report, 吸引非常, 就係因為咁, 小瑟真係好想一試呢個 Onkyo sc5509+Nuforce MCH300SE 既組合究竟出來係咩效果呢???

以下就係 nicknick兄係forum上出既分享帖勒!!!^^"

[AV 擴音機] 令到兩聲道都收得工的av前後級組合
http://www.post76.com/discuss/viewthread.php?tid=99554

[AV 擴音機] 我的7聲道後級Nuforce MCH-300se-c7
http://www.post76.com/discuss/viewthread.php?tid=97127

我地不如先來睇睇佢屋既組合先丫~~~

二聲道系統:
Mac+Amarra
Zodiac Gold 384kHz DAC with Voltikus power supply
Linkwitz Design Pluto2+

7.1聲道系統:
Oppo BDP-95
Onkyo PR-SC5509
Nuforce MCH300SE
Linkwitz Design Pluto2+
Dali ikon1 ,On Wall,Vokal2
Sunfire EQ10
Cable:Entreq Challenger/Sommer Excelsior

小瑟第一眼睇到呢對 Linkwitz Design Pluto2+ 喇叭真身, 估唔到都幾大隻的, 感覺佢幾碌水喉"搭"出呢個喇叭, 究竟有幾神奇先!?!?!?

佢喇叭夠奇突都不特止, 佢仲要將個低音另外分出一個音箱, 呢個設計都真係幾巴閉, 呢個 Hi-END 設計又真係幾串, 究竟呢個設計有冇需要的呢?? 呢點我地先唔好探究住, 但係價錢上, 分開賣就絕對係非常之另人肉痛呢個就係鐵一般的事實, 但正如 nicknick兄話頭, 聽過佢二兄弟一同"工作"之後………都係算啦, 乖乖付款啦~~XDDDDDDD

因為 nicknick 對聽歌既要求極高的, 所以前置選擇左對Linkwitz Design Pluto2+, 但仲有5隻聲道, 佢既選擇左 DAIL 既做佢其他聲道既喇叭, 小瑟聽落之後就瞭解到, 點解 nicknick 兄要選 DAIL 勒, 高音既整合性同佢既前置喇叭夾得非常之好, 果然做足功課!!!!^^"

聽歌時, nicknick兄會用 MAC BOOK PRO來做其訊源, 再加上呢個價值2千多元的 Amarra 軟件, 再以USB方式插入 Zodiac Gold 384kHz DAC with Voltikus power supply 呢個 CAS 高貴系統上, 再直出對有源前置 Pluto2+…………….喂, 你都咪話呢個組合唔堅, 至小小瑟就覺得佢真係玩得好專, 每樣野都希望做得最好.

呢件木箱仔, 大家都應該係HIFI & CAS版既討論見唔小啦, 呢件 Entreq Minimus 係將器材既地線接上, 咁就可以另音色另純正穩定, 非常神奇的工具, 所以話, 玩 HIFI 真係可以玩得好神, 因為聲音冇色冇相, 可能一件好小好小既物件已經另到整個音場成個成猛哂都不足為奇呢, 係呢個時間, 小瑟知道, 六爺已經深深地中了高濃度毒素呢~XDDDDDDD

每部器材下, 都一定會有三粒"妹釘"仔招呼下老細的呢!!!!!^^"

CD, Blu-Ray的 Source部份, 就由OPPO BDP-95負責.

聲音處理方面, 就會交比 5509前級工作啦!!!

開頭都唔知呢炸野來, 後來先知道呢個係 Linkwitz Design Pluto2+ 既分音器部份,  大家平時見到既喇叭, 通常都一件過攪哂, 但依家佢就分開哂幾件唔同既組件, 喂………….呢D 咪就係HIFI囉~~~~XDDDDDDD

主角之一的 Nuforce MCH300SE 細細部, 又好力, 真係………………..如果平D就好啦~~~~___~~~~~!!!!

影院大後方既全景圖!!!

呢個皇帝位, 當日真係唔坐由自可, 一坐就知道……………nicknick兄對佢老細好差, 因為除左個皇帝位之外, 其他位真係起碼差 40% 既聽感呢, 大家睇下六爺既開心樣就知啦~~~~~~XDDDDDD

好勒, 正式開始今晚既主菜, 先黎呢隻 KEEPING SCORE 藍光來感受一下先, 今次好特別的, 因為 nicknick 兄一開始就好似我地 Event 開 show 咁, 會同我地3個介紹一下究竟點解佢會比呢段片我地聽先, 感覺真係好過引呢~~~~^^"

小瑟, 九爺, 六爺同 nickick 兄四個都非常聚精會神地欣賞一次整個樂章, 小瑟第一下聽感音場係唔錯的, 不過 DETAIL有小小唔清晰, 音場比較濛左小小, 而九爺呢個時候就去左機後攪攪野勒!!!!!

九爺去機背睇二睇, 就發覺原來係電源線材配搭出左小小問題, 之後將 5509 前級既電源線 83803 同 SUB仔條線一轉, 再試同一段, 今次真係好明顯了, 低音出來效果爽朗明快, 冇左之前既一點點拖泥帶水之感, 一開聲大家都已經知道呢個配搭係比較好聽同舒服. 之前大家換開線, 六爺竟然有帶來佢既家傳之寶 AET HIN EVO + Wattage 320i頭 + Wattage 5266i尾, 今次又係換左條 HIN 比 5509, 再睇返同一段, 九爺一換好線, 今次到小瑟坐皇帝王勒, 小瑟都未坐定, 隻眼一野"立立"個電視機, …………………….@o@喂唔係卦, 成個畫面唔同左, 顏色既色澤同對比度, 好似成部機唔同哂既, 果下野就連小瑟自己都打個突, 唔係誇張, 小瑟第一野感覺就係1080i 一野就轉左去 1080p, 色深同對比度都來了個大返身, 而當聽返同一段既爆棚位時, 今次係各樣既樂器同時發功時, 仔細度都得到唔錯既提升, 而前牆既音場立體感亦更加清晰, 老實講, 小瑟不嬲都唔會聽呢 D 交響樂既, 不過都不得不聽哂成段, 好好咁享受一番呢!!!!!!!^_^

之後我地就試左MI4, 一段車上既對話同刺殺一段勒!!!

點解我地要一前一後咁坐呢???? 事緣就係因為坐係皇帝位同冇皇帝位坐, 分別真係差好很遠, 所以大家都情願企係皇帝位之後呢~~~XDDD

小瑟試左一段坐皇帝位來欣賞, 當大家環境只係有對白時, 而車外既汽車聲開始駛近時, 前方既音場真係可以營做到係 nicknick兄家中既窗外傳返入來, 架車就好似係屋外既20尺距離慢慢駛近, 之後開槍一爆, 頂……………小瑟成個人不期然嚇到"彈"起左(小瑟雖然已經睇左呢段數十次), 不過果種真實感同到位感, 真係非一般 SHOWROOM 可以做到的呀, 小瑟呢一刻只覺得, 當做好左聽歌系統既環節, 睇戲絕對可以另人更加投入萬分呢. 家訪之後, 小瑟仲即時去買左隻MI4係屋企看門口呢!!!!^.^

試左一陣之後, 九爺提議將中置放返前小小, 另到前音場既平順性可以更好一點, 因為好似之前咁放, 當左中右有一線性音效走過時, 就有一種"深"左入去的感覺呢!!!

之後 nicknick 兄就介紹我地聽左呢隻 SACD 勒, 呢隻野大家可以既都係唔好聽勒, 因為一聽, 好多碟你都唔會再多想聽…..當日就完全係呢個情況勒!!!! 什麼東西都比下去呢~~~~~

呢隻……………….為支持本地製作而聽的…………………………………………………………………………………!!!!

之後當然係玩下CAS啦, nicknick兄就為我地開佢既MAC機聽下歌仔勒!!!!

CAS之所以係大勢, 就係因為真係好方便同音質已經追上好多傳統 HIFI 器材, 我地幾個人聽呢首, 聽果首, 轉來轉去, 試來試去, 非常過引, 而音質小瑟只可以用清澈無比, 仔細通透來形容, 詳細有幾清爽, 有幾通透, 不如就等六爺同九爺係FORUM上同大家分享一下啦!!!!^^"

nicknick兄非常什食, 上至發燒級CD, 下至HOT CHA都有, 點到你唔服!!!!@@"

最後多謝 nicknick 兄既熱情款待, 我地幾條友來攪攪震, 聽呢樣聽果樣, 嘻嘻哈哈咁就玩左幾個鐘, 仲要nicknick兄囉呢樣, 囉果樣, 真係辛苦哂佢, 而呢日小瑟就學到唔小野, 一套喇叭可以分開"分音", “高中", “低音"三件不同既配件之而, 而出來既效果比一件頭來得分離度更好, 定位更準, 真係一門高深既學問, 但更高深既學問, 都要有一班岩傾岩講既師兄弟妹來分享, 來以開心既心情去討論出聽音樂, 睇電影既感受同樂趣,  呢個先係"興趣"帶比大家既最大快樂同滿意感呢.

而今次小瑟此行, 主要目的係一試 Onkyo sc5509+Nuforce MCH300SE 的威力, 但因為 nicknick 兄既前置喇叭太出位了, 好難可以就呢二件器材合作之後得出結論, 不過小瑟有一點可以好肯定的是, Onkyo sc5509+Nuforce MCH300SE 呢個配合絕對可以用來聽歌, 你絕對唔會聽到有 “燥" 或"爆"既感覺, 出來效果比小瑟既 XPA-5來得細膩有致, 但亦不失影院應有既電影感之張力及瞬間爆發之澎拜感, 當然, 前置喇叭同太陽火既功勞絕對係應記一巧呢!!!!^.^

雖然 nicknick 兄屋企套架生其實絕對係強橫堅挺, 但 nicknick兄絕對冇一般發燒友的傲, 反之 nicknick 兄對人之真誠, 係另小瑟呢晚最為開心同喜悅的呢. 再三多謝nicknick兄比左一次家訪機會小瑟, 而呢刻, 小瑟相信佢已經想好左下一步玩咩, 因為我地當晚言談間, 佢已經講明, Zodiac Gold 384kHz DAC with Voltikus power supply 只係佢玩 CAS 既過渡玩物, 咁…………..之後既下一步, 佢又有咩目標呢?!??!?!?!XDDDDD

>

歡迎進入我們的影音玩樂討論區發表意見.
http://www.post76.com/discuss/viewthread.php?tid=117326

*** 溫馨提示:想更緊貼更多影音界的最新資訊,請到以下的 Facebook 專頁按「讚好」 Google+ 專頁按「加到社交圈」加入我們,每天就會收到全新的中文影音免費資訊呢!! ***


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章