性價比加強版的入門耳機 – Nuforce Ne-600X

Nuforce 呢個牌子,係上代藍光機OPPO 8系時,應該冇人不識,冇人不知,加多一個 Nuforce 版本既牌仔,就可以將四千多五千元既藍光機,搖身一變成為發燒友心中的發燒級光盤,你都咪話唔勁,而近年 Nuforce 就進軍耳機界,推出左好多市場上讚好又高性價比的耳機,今日小瑟就想一試呢隻新出既入門版 Nuforce Ne-600X 平價耳機,同大家分享一下。

耳機設計

NuForce NE-600X 耳機擁有高效的深層次聲場以及聲學隔離設計,除了可為使用者提供出色、精確的低音音調外, NE-600X 更內置該公司專利的發聲高效能聲學單元設計,在輸出出色的衝擊感低音時就可以更為準確。而規格方面, NE-600X 擁有 11MM 驅動單元尺、3 2 歐姆阻抗能力、 20 到 20kHz. 的頻率反應範圍、10mW 最大功率。此外,NE-600X  配有 40mW 的輸入功率、100dB+/-3dB 的靈敏度。NE-600X 的連接器長度是 3.5 毫米,可以 3 針立體聲插頭作連結。 NE-600X 淨重 12.5 克,長度為 110 釐米,有 3 種顏色可供選擇,當中有黑色、紅色以及石灰,迎合到時下年輕人陪襯潮人潮物的需要。

外觀及配件

以約二百多元的市價的入耳式扁線耳機來講, NE-600X 算是市面上幾好口碑的幾款。由其硬身膠盒包裝以及配有大、中、小三款的耳膠的配置,好難想像 NE-600X 只是一些數百元的入門級耳機。如果各位是使用耳機的老手,一定會知道耳膠的大小其實會直接地影響到耳機出輸聲效的音色和頻率。如果入耳式耳機能深入耳孔內部,即表示其低頻會比只緊貼在耳孔外部的耳機強。所以不合適的耳膠會令耳機無法緊貼耳孔和耳道,影響低頻的輸出效果。因此, NuForce  NE-600X 的生產商也體貼地為使用者提供了三款不同大小的耳膠,以配合各種耳孔耳道的用家需要。

另外,小瑟發覺這款 NuForce NE-600X 耳機的隔音能力非常之好,當帶上耳機之後,基本上已經可以隔絕 90% 外來的聲音,這樣可保其聲音的純度以及背景配樂分離度不受外界的干擾。此外,防勾結耳機基本上又真係可以做到其"防勾結"既功能,大家都知道,有時收耳機時,最煩人的絕對要數被雜亂電線困擾,更可減低被不慎扯斷的機會。

個人小感

小瑟就以基仔的"眼睛不能沒眼淚"來一試 NuForce NE-600X 既聽感及音色,開首此曲以結他為主,耳機出來既音色聽得出唔係用來聽呢類舒情小調音樂的,其高中音的分離度不足,讓人聽落有痴底感覺,而中音人聲亦都比較乾涸,但當鼓聲一出,小瑟完全明白了,此耳機低頻之豐富同埋其圓潤性先係佢既強項。

聽完一首輕快歌曲之後,小瑟轉去聽 POP 野,仲要係 Lady GAGA 呢 D 炸到你頭昏既音樂,一黎就整首"電話"聽下先,果然冇估錯,Ne-600X 係處理呢D一下一下低音狂炸既音樂上,的確有其吸引力,感覺就好似有一對12″ SUB仔係你兩邊耳仔不停狂轟,如果你係好此道者,呢隻耳機應該岩你呢!!!

總結

以Ne-600X訂價只需要HKD$220蚊來講,其入手價照計可以更平,市面上可以搵到有其名氣而又呢個價錢購入既耳機絕對係唔會太多,如果大家只係想以平平地既價錢,又多數係聽流行曲為主既,呢對 Ne-600X 絕對值得一試。

歡迎進入我們的影音玩樂討論區發表意見.
http://www.post76.com/discuss/viewthread.php?tid=117326

*** 溫馨提示:想更緊貼更多影音界的最新資訊,請到以下的 Facebook 專頁按「讚好」 Google+ 專頁按「加到社交圈」加入我們,每天就會收到全新的中文影音免費資訊呢!! ***


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章