專訪本港藍光資深制作人 – B&O Michael講解TrueHD 96k Upsampling

當大家睇到呢個文章時, 相信大家都已經知道今年Dolby 美國總部已經正式宣佈新的聲效格式 DOLBY TRUE HD ADVANCED 96K UPSAMPLING, 而因小瑟同 Michael 都非常老死, 所以早前就聯同數碼技町製作團隊, 向本地藍光資深製作人, Michael哥傾下計, 順道同佢瞭解下有關呢個技術的一些重點, 雖然數碼技町節目仲未出街, 大家未可以睇到, 不過小瑟就係度先同大家分享一下呢個新技術既一些要點, 好等大家可以瞭解多小小呢!!!

小瑟: 新制定究竟係咩一回事呢??

Michael: TrueHD 96k Upsampling技術係屬於一個新既壓縮技術, 新格式主要功能係有二點, 第一是當好多原聲效由電影公司拿到我們手上時, 原本沒有真正的 24Bit/96kHz 聲效的, 但經此技術, 就可以將聲效升頻到 24Bit/96kHz 既音效格式, 其二是所有的聲軌內, 其實夾雜住好多人耳聽唔到, 但依然存在既雜訊, 呢個技術主要要將呢D人聽唔到既野減去, 咁換句話來講, 同一存儲既空間內就會多左好多位置在放入更多有用而人耳又可以聽到既音效, 你可以想像, 音質一定比原先的好好多呢.

小瑟: 咁聽落好似好勁咁喎, 唔知呢個新制式既藍光碟, 第一隻會係邊套大片出先呢?? 係咪都係美國版出先呢??

Michael: 今次我地香港好榮幸, 唔需要再等美國做出第一隻既碟比大家試聽了, 我地香港已經可以完全自己獨立製作一隻港版的藍光碟, 而我地 B&O嘉耀製作有限公司更加係整個 大中華地區 唯一比美國杜杜比邀請過去既製作單位, 而第一隻會在香港出現既, 就係由BATMAN主角主演既[金陵十三釵]同[FLAMENCO], 我相信你呢個報導出街之日, 各大影碟鋪已經可以買到了, 大家可以買返屋企慢慢試呀!!!哈哈~~~XDDDD

小瑟: 真係好勁咁喎, Michael, 識你咁耐, 次次都有驚喜比我, 估唔到你單單堅料, 仲次次爆喎, 呢次你威哂啦, 美國佬都要睇你頭(大家都爆笑起上來XDDDD), 不過我想知道, 呢隻第一隻新格式會唔會有二個版本架, 即係簡單D講, 會唔會出一個著通版之後再出一個24/96既版本架, 你知啦, 好多我地既版友有時真係貪快, 一見隻碟就買, 唔睇咁多架麻.

Michael: 哈哈~~~呢點你可以放心, 大家係買呢D轉左新格式既既藍光碟時, 封面上都會有一個以下的LOGO比大家去知道, 隻藍光碟既音效已經用上最新既96k Upsampling 格式, 而我個人覺得,, 呢個新格式唔係只係係顯示或數據上多個LOGO比大家睇咁簡單架, 升頻左 24/96k 之後既影片, 無論細緻度同立體感, 以及爆炸力, 一定可以比到一個全新既感覺大家, 以往大家屋企套機可能以為已經好勁, 但係新格式之下, 我相信你會有衝動同期望, 你依家屋企手上既碟如果可以全部都轉哂新格式就太好了, 因為你會覺得成個音像都唔同哂, 絕對係一試難忘, 而我地亦會在本地既製作上以後都用上更多呢個新格式, 希望可以比到各位真正買碟既用家可以有最好既享受.

小瑟: E~~~~ 照你咁講, 呢個新格式真係好勁咁喎, 不嬲小瑟都知你其實玩AV既發燒度絕對係堅燒果隻, 你講得堅, 我一定信你呢~~^^" 不過我仲有一個好重要既問題, 我洗唔洗換機先?? 大佬, 我部5509半年都未有, 唔好玩野呀~~XDDDD

Michael: 呵呵~~~~~~ 呢下野我可以好認真咁答你…………….你5509咁新………………..當然係……………..OK啦, (呢個時候, 小瑟勁想"中"佢一野~~), 其實大家只要家中既AV AMP已經可以對應新一代既高清音效, 即係 Dolby True HD, 就已經可以完全對應返呢個新制式 DOLBY TRUE HD ADVANCED 96K UPSAMPLING 既新技術, 換句話來講, 你係絕對唔需要做任何野, 買任何硬件就已經可以食埋呢個24/96k 超高清既音效新制式, 喂……….你話呢樣野, 係咪真係正先, 唔洗比錢升級就有左升級既效果, 冇野好講啦.

小瑟: 呵呵~~~咁就真係好正喎, 聽你講得咁正, 咁我就期待你地製作既新碟見街時, 我會去買一隻來試試係咪真係咁堅呀下XDDD!!!!

< — 小訪完畢 — >

後記: 小瑟呢次因為拍攝數碼技町而有機會可以殺上 B&O 總壇同 Michael 吹下水, 平時大家都係係出面D活動見面多, 今次上埋佢總壇, 佢就拿拿林帶左我去睇佢地新返既“新玩具", 呢套值成四百幾萬既 [Dolby 修復用既器材], 全港唔係咁多間製作公司捨得投資金錢去買來做藍光製作架, 原因好簡單, 大家都知道其實香港知道咩叫藍光碟既人絕對唔多, 小瑟身邊有位朋友直頭連BLU-RAY係咩都未聽過, 根本好多人都仲係停留係VCD, 同DVD階段, 好彩呢幾年高清廣既教育之下, 大家先比較瞭解高質素既聲畫享受既需要性, 而香港藍光既市場係咁細小既情況下, 仲有D好似 Michael 呢D有, 對影音有一顆熱心既製作人同公司的確係非常難得呢.

小瑟呢日走左上去藍光總壇, 一於影幾張相同大家分享下先, 我地已經同Michael傾左係6月, 搵一日我地攪個活動, 比我地一眾 76藍光 FANS去佢呢個總壇去睇睇究竟香港藍光碟製作時既過程同埋最緊要當然係同我地呢位總陀主Michael暢談一下香港做藍光碟既樂與怒呢!!!!!^^"

>

歡迎進入我們的影音玩樂討論區發表意見.
http://www.post76.com/discuss/viewthread.php?tid=118677

*** 溫馨提示:想更緊貼更多影音界的最新資訊,請到以下的 Facebook 專頁按「讚好」 Google+ 專頁按「加到社交圈」加入我們,每天就會收到全新的中文影音免費資訊呢!! ***


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章