《大鈍裁者》The Dictator 喪笑優先場有獎遊戲得獎名單公佈

《大鈍裁者》The Dictator 喪笑優先場有獎遊戲

公佈得奬名單:

肥狗仔
Einstein
adamkong

大家唔好以為我Post錯區, 除左藍光版有遊戲玩, 都要照顧下電影版既會員,今次既活動希望大家多多支持, 如果今次反應理想相信日後大把機會可以玩下遊戲睇套好電影, 唔好諗啦! 人生苦短,香港人需要笑下補充正能量, 想睇笑片輕鬆下快D報名參加啦!

日期 : 6月6日 (星期三)
時間 : 晚上9:30分
地點 : MCL康怡戲院(3院)

**注意 : 優先場戲飛不設劃位,座位先到先得**

参加程序:
1.會員於截止時間前即6月2日(星期六) 晚上 11:59分到以下主題回應
講出"有咩原因令你想睇"《大鈍裁者》" 便可。
http://www.post76.com/discuss/viewthread.php?tid=119838&extra=page%3D1

2.只要有講原因想睇既會員於截止時間後翌曰即3號本站會以抽籤形式選出三位幸運兒每位各得電影優先場二張並用PM形式通知會員領獎事宜。

截止時間 : 2012年6月2日 ( 星期六 ) 晚上 11:59分

註:見習玩家/積分200-500或以上方可參加是次有獎遊戲

@特別嗚謝 : Perfect Advertising & Production Co., Ltd @

《波叔出城》系列編‧導‧演  再度踩界出招
金球笑匠 沙格畢朗高漢 單拖反轉玩嘢獨裁國

SACHA BARON COHEN

近年崛起的性格笑匠沙格畢朗高漢,憑騎呢笑片王《波叔出城:哈薩克鄉下佬去美國搵著數》全球狂收20億,奠定比星爺更無厘 頭、比王晶更踩界的不文笑匠地位之後,再憑《波兒出城之妖壇教祖三點畢露搞硬美國佬》盡顯扮鬼扮馬本色,繼續笑冧全宇宙。今年,他再度出招扮演《大鈍裁 者》,夾埋《波叔出城》導演,一齊玩轉世界!

《大鈍裁者》The Dictator 預告片段

IMG_2409.JPG

ddd1.JPG

飛彈核武當玩具 毆打細路當有趣
獨裁中東離哂譜 落難得罪美國佬!

今次沙格畢朗高漢(Sacha Baron Cohen)飾演一名意外被奸臣謀害,因而流落美國街頭的瘋狂中東獨裁者、華狄耶(Wadiya)國家元首阿拉甸上將(General Aladeen)。一代狂人,身無分文,現身美國四圍騰,可以點樣翻身?亦如《波叔》及《波兒》一樣,沙格畢朗高漢不但幕前演出,同時亦包辦編劇一職;實 行貫徹以往啜核抵死兼針針到肉的風格,令觀眾喪笑到肚皮抽搐再標眼淚。今時今日已經上晒位的沙格畢朗高漢,除了自己擔任男主角之外,更請來《搞乜鬼奪命集 作》系列搞鬼女星安妮花拉絲(Anna Faris)出任女主角;再加上首任《變形金剛》索女美瑾霍絲(Megan Fox)、《芝加哥》金像提名男星約翰韋利(John C. Reilly)及《甘地傳》金像影帝賓京士利(Ben Kingsley)助陣;幕幕笑料再加上星光熠熠,真係點睇都咁精彩!

FD-10779.jpg_cmyk_1.jpg

聯合國頭號敵人:阿拉甸上將 率領一眾猛人
現身《大獨裁者》

阿拉甸上將 (沙格畢朗高漢 飾)

中東國家華狄耶嘅獨裁者、金日正嘅死黨、前獨裁者奧瑪‧阿拉甸嘅獨子。佢7歲就手握軍政大權,家中石油多過食水,財產多到爆!有錢自然身痕,阿拉甸仿傚康 熙大帝,將全國3,000詞語統一成一個字:「Aladeen」,導致國家大亂!除咗文學有心得,佢運動更加「了得」。佢曾經舉辦「私家」奧運會,仲破天 荒囊括14個金牌添!另外,阿拉甸上將亦深得荷里活女明星「歡心」,傳聞Katy Perry、荷莉巴爾、美瑾霍絲為咗「錢途」,紛紛同佢鬼混。

今次,阿拉甸「勇闖」聯合國交代核子計劃,竟遇上皇叔塔米爾發動政變。一代狂人瞬間變成美國Nobody!其後遇上民權女鬥士蘇兒,喺美國街頭上演連場癲到爆、喪到喊嘅奇遇!

FD-07524.jpg_cmyk_1.jpg

蘇兒 (安妮花拉絲 飾)
外表似男仔多過似女仔,身材似細路多過似大人嘅美國民權女鬥士。祟尚女權主義、標榜素食文化。一次支持華狄耶爭取民主自由嘅示威上,佢遇到俾人剃哂鬚兼無 人認得嘅阿拉甸。火星撞地球,二人做咗朋友。蘇兒幫助阿拉甸迅速融入美國社會,同時開始對佢產生好感。之但係,要阿拉甸愛上一個男人婆,佢又肯唔肯!?

49561336584393-fd-19046c_1.jpg

塔米爾皇叔 (賓京士利 飾)
阿拉甸嘅親生皇叔。一直以嚟眼見阿拉甸敗壞朝政,心裡面極之唔妥佢!借住出訪美國嘅好機會,塔米爾佈下天羅地網,剃光阿拉甸嘅「招牌」鬍鬚,又用替身偷龍轉鳯;更將阿拉甸踢落美國街頭,勢要佢永不超生!

美瑾霍絲 (美瑾霍絲 飾)
熱情如火、身材索爆嘅美瑾霍絲,喺《大鈍裁者》入面飾演嘅角色係…佢自己!據知美瑾仲會同阿拉甸有場超激床上戲!Fans敬請期待。

神秘客串:
愛德華諾頓 (愛德華諾頓 飾)
據知情人士透露,愛德華諾頓都會出現喺《大鈍裁者》入面。佢仲會有犠牲色相嘅破天荒演出添。大家記住留意!

*** 溫馨提示:想更緊貼更多影音界的最新資訊,請到以下的 Facebook 專頁按「讚好」 Google+ 專頁按「加到社交圈」加入我們,每天就會收到全新的中文影音免費資訊呢!! ***


🏠 ★ Post76網店經已開幕 《store.post76.hk》

Ken704

關於Ken704

軟件發燒友, 由VCD年代一直燒到CD, DVD, SACD. 藍光, 對業界之舉動非常熟悉, 雖不在軟件業但比業界人士更有熱誠...

觀看所有 Ken704 的文章

相關文章