BandSond就是要"撐" – Mr. Misterdays小碟評

小瑟平時渣車都有聽 903 的,而早排聽到有 Mr. 新歌"人一世物一世",聽落非常好UN,而小瑟不嬲都會強撐本地音樂,而撐既最好方法仲唔係整碟返屋企慢慢聽??就係咁,隻碟就係我手勒!!!

雖然全碟得8首歌,不過歌既野,貴精,不貴多。

唱片係有一隻CD+DVD,小瑟聽來聽去都係隻CD炸,隻DVD MV未有時間睇,因為仲係享受緊音樂先,遲下先撈埋D MV。^^"

重點推介
小瑟一放碟入去聽第一首(就這樣忘掉…)好短好短,得1分12秒,但由佢想帶入第二首歌(良知門),非常好FEEL,就好似同大家掀起一個序幕咁,呢個編排好正,另小瑟印象深刻。之後就要數(人一生物一世),呢首對我地呢打工仔來講,非常貼題,所以真係話,劉卓輝先生填既野,有共嗚及可以幫大家平民出出聲,唱出心聲之感。另外值得一提既就係(昨天),呢首歌係呢隻碟有二個版本,一個叫(The German Story),小瑟係網上睇到KKBOX 同佢地既獨家訪問,個故事原因係咁既:(原來 German 是 Mr. 出道前的樂隊第六人,過往一直跟 Mr. 夾 band,後來為了生活而放棄音樂事業。直到最近與 Mr.聚會後,提到對音樂開始沒有感覺,刺激了Alan創作這歌。「其實這是很多香港人的寫照,很多人都在為生活營營役役,放棄興趣或理想,我希望藉此鼓 勵年青人不要輕易放棄,應要把握時間,努力向理想進發,希望大家在聽這專輯時會有所得著。」)
原文出處:http://hk.kkbox.com/column/interviews-44-268-1.html

後話
之前都有聽過 903 訪問,知道呢隻碟舒文做其監製,另外亦有Gary Tong、Davy Chan一同合作做呢隻 Mr.  既新碟,另外仲有小瑟係 Beyond 時期已經聽佢填既詞大既"劉卓輝",另外仲有小克,周耀輝為佢地填上歌詞,老實講,小瑟真係唔會對佢地D資料知道好多,因為小瑟已經唔係追星既人,就連佢地每個人既名都真係唔知道,但小瑟只知道好音樂,好聽既歌,另人有感覺既歌詞,先係聽音樂既需要,先係我地呢 D 70後需要既野,當然我地都會好想睇明星,靚仔靚女。不過在小瑟心目中,BandSound 就係一隊人做出黎既音樂,有其令人感動而又有著一種獨特共嗚感既一種聲音,好開心現今樂壇可以容納到樂隊既存在。可能大家會覺得依家既 Mr. 已經商業化,再唔係真正既 BandSound,但有一句野小瑟一生都會記住的,係家駒講既"你唔先令全世界先識你,認識你既音樂,你做出更好既音樂都唔會有人欣賞得到",而小瑟亦非常認同,今天,就係因為一首"人一世物一世",小瑟終於都進入左 Mr. 既世界了。

唱片資料(紅字為小瑟推介)
CD TrackList:

1. 就這樣忘掉…
2. 良知門
3. 昨天

4. 走獸
5. 現在
6. 人一世物一世
7. 未來在宇宙盡頭
8. 昨天 (The German Story)

DVD TrackList:
1. 昨天 現在 未來 劇場版
2. 昨天
3. 現在
4. 人一世物一世

歡迎進入我們的影音玩樂討論區發表意見.
http://www.post76.com/discuss/viewthread.php?tid=116766

*** 溫馨提示:想更緊貼更多影音界的最新資訊,請到以下的 Facebook 專頁按「讚好」 Google+ 專頁按「加到社交圈」加入我們,每天就會收到全新的中文影音免費資訊呢!! ***


• Post76網店經已開幕,請到: store.post76.hk


小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章