[精華文章] 家訪76師兄Raymond分享報告

圖/文:ckw3031

早前家訪咗一位76師兄Raymond,聽咗一套意大利組合,CDP及Amp用上意大利品牌Norma,而喇叭也是意大利的Eventus Metis書架,小弟從未聽過呢兩隻牌子,完全唔知係如何的聲底,係未聽前估計意大利的設計,通常係帶點藝術氣質的。
IMG_1687.jpg

IMG_1688.jpg

上得人地屋企,又點可以兩手空空呢,所以我差不多將所有補品都帶晒去比Raymond嘆,希望佢唔會補到出血啦,哈哈哈…
IMG_1690.jpg

上到Raymond屋企,見到一對Eventus Metis放咗係廳中間,外表可以用"型"來形容,喇叭外表已是一件藝術品,非常靚仔。而Norma CDP及Amp外觀較為簡約,不會有太花巧外觀。
IMG_1685.jpg

IMG_1686.jpg

Raymond表示由於家中老虎經常巡視家中地盆,所以要聽歌時才拉喇叭出來,平時要放埋一邊,以免被老虎問候….

Raymond的耹聽環境很不錯,太約12×15呎,左右夠晒闊,使左右音埸可以做到好大埸面。由於右邊前牆有個60吋電視,引致音場有小許不平衡,唯有 喺擺喇叭放面攪攪,希望減少不平衡的情況,由於Raymond兄有兩邊側牆,所以好容易便tune好喇叭位。可以開始聽歌了。

Raymond用上PAD Aqueous RCA由CDP去Amp,再用Voodoo Ultralinear SC由Amp去喇叭,CDP用Nordost Valhalla PC,Amp用PAD Crovus PC。
Nordost Valhalla 係一條純銀線,好有力,好闊聲,上下申延強,音色清的PC。

而PAD Crovus係一條8AWG純銅PC,好好力,中頻密度高,厚聲,柔和舒服,中低質感強的PC。

四條線加埋已要五萬幾。
CDP兩萬幾,AMP四萬幾,喇叭五萬。總投資約十七八萬。

先聽人聲,係音色上,呢套意大利Amp及CDP組合不是厚聲,是清而優美,密度不錯,不會覺得濛,有音樂感。

在冇用Filter PB下背景幾嘈及粗下,高頻有點嘈,中頻質感一般,引致感情度一般,沒一種Hi-end的感覺。

而Eventus Metis喇叭離箱感非常好,差不多完全隱形,箱聲好小,音埸廣闊,音色清。喇叭仔細細,係咁大空間下也比到應有的低頻量,我對呢一點有點意外驚喜!

由於Raymond兄一直只用英式牆蘇+轉插玩美式PC,咁樣真係大打折扣,因此小弟幫Raymond買入古河GTX(R),即場幫佢換走英式牆蘇。
IMG_1676.jpg

換完之後再試聽人聲,一開聲已經有好明顯的改善,呢隻GTX堅有料到,聲音明顯靜咗,小了粗聲感,音頻冇咁嘈,但仲未達到小弟的要求,音色開始有點Hi end及貴氣,感情也有小許提高,聲音邊位線條收靚咗小小,冇咁起角,邊位順滑咗,弱音及細緻度有明顯改善,比之前聽得舒服咗,感情也開始出了。

簡單的人聲播放過了關,我個人覺得效果為中上的質數。
Raymond兄熱愛古典音樂,家中有九成CD也是古典,當中包括好多罕有的靚聲版本,呢方面真吸引死我!

我個人覺得古典音樂要播得好,首先三頻要較平衡、高音不尖而要帶優美、中頻要有質感、低頻也要夠潛及線條收得好、要有重量感、整体畫面密度要夠高、樂器要有立體感及分隔前後感,咁樣播出來就唔會差得去邊。

先播放一些小提琴+銅琴協奏曲試試。聽咗一兩曲之後,小弟已經不耐煩了,由於冇任何Filter PB/Conditioner協助下,當播放古典時,聲音好嘈唔夠靜的問題就表露無遺,不耐聽,越大聲就越嘈越亂,聲音欠缺穩定性,幸好不至於失控。整體 畫面好單薄,小提琴不夠優美,銅琴也不夠活潑彈跳,冇乜鋼琴的共鳴聲,明顯係因密度不足及唔夠靜所引致,整體有一種"虛虛浮浮"的感覺。幸好樂器的定位及 立體感不錯,Norma amp夠力推Eventus Metis撐開整個音埸,CDP的細緻度及分析力還不錯,樂器不會嚴重抄埋一碟感。

“虛虛浮浮",當然要補下喇,就用RSA Duke兩位補補佢,將Amp及CDP插上Duke,再用Gutwire Crystal行頭。重覆聽返之前的樂曲,明顯嘈的問題也大幅度改善,當系統變得靜時,之後的連鎖反應就出現,小了嘈音,背景自然變得黑,弱音更明顯,細 緻度就提高,細緻一出,聲音密度就自然提高,線條及邊位自然收靚,順滑度再提升,分離度也更明確,使立體感更好。
IMG_1678.jpg

IMG_1679.jpg
用咗Duke之後播放小提琴的高音位已經比之前圓滑及優美,鋼琴的琴鍵質感浮現出來,由於密度提高咗,整體虛浮的感覺減小,變得純厚有重量,控制力及穩定性有明顯改善,也開始耐聽了。

之後再挑戰難道,試播放交響樂及大棚音樂,係Duke的幫助下,比起初初聽已有好大改善。但當播放交響樂時,對於樂器的分離度及前後感要求是相當高,除了 器材需要足夠的分析力外,線材也非常的重要。Raymond兄已用上Voodoo Ultralinear二佬喇叭線,身價也要約$13k,咁仲唔夠好咩?當然沒有最好,只有更好。於是再比條白蛇PAD Silver比Raymond兄補補,睇下又好幾多….

接上之後,出來聲音密度比要條Voodoo高出一倍有多,我開始感覺到樂器的實際形態,非常有質感,並非肥厚那種質感,信息量多咗,交響樂團似多咗人拉 咁,層次感可以話完全KO咗Voodoo,非常立體,前後分明,整個畫面開始有填滿的感覺,音埸比之前撐得更開。虛浮的感覺完全消除,係真實清晰的樂器表 現。
IMG_1682.jpg

因此PAD Silver用來播放古典音樂係非常強的線材,當然身價也是Voodoo Ultralinear的一倍,KO也是正常的。

到呢一刻Raymond兄的系統已進入高水準的狀態,之後再玩下七星俠、魚炮、notepad比Raymond兄睇下效果,玩下玩下就過了一個愉快下午,由一點玩到六點,時間過得真快,多謝收看。
IMG_1683.jpg

歡迎進入我們的影音玩樂討論區發表意見.
http://www.post76.com/discuss/viewthread.php?tid=111969&extra=page%3D1

*** 溫馨提示:想更緊貼更多影音界的最新資訊,請到以下的 Facebook 專頁按「讚好」 Google+ 專頁按「加到社交圈」加入我們,每天就會收到全新的中文影音免費資訊呢!! ***


🏠 ★ Post76網店經已開幕 《store.post76.hk》

Post76 Reporter

關於Post76 Reporter

身為76戰地記者, 人玩我又玩, 人唔玩我都要玩, 咁先係76新聞, 事事上心, 願天下毒物都任我們76記者任玩任試.

觀看所有 Post76 Reporter 的文章

相關文章