Concert YY 黃偉文作品展 (尾場 + 記者會實況 + E 神親述咀 Hocc 經過!)

今晚係 2012 年 2 月 14 日情人節,亦都係 Wyman 黃偉文作品展演唱會既尾場,今晚歌手陣容絕對係可以用空前絕後來形容,而整晚既過程絕對比之前的5晚都要來得更激,更令人興奮,小瑟有幸可以得到邀請,看完當晚整個演唱會之後,仲可以到後台拍攝各歌手的會後感受,不如就等小瑟數數今晚的歌手陣容先啦,今晚包括有,何韻詩、容祖兒、黃耀明、薛凱琪、蘇永康、傅佩嘉、盧巧音、陳曉東、謝安琪、梁漢文、李惠敏、王菀之、陳奕迅。

而今晚還有二位超級特別嘉賓,一位就係吳君如,佢仲同 Wyman 一同合唱左一首歌 (超珍貴呀!!! ︿︿)。

而第一晚出左場既彭羚,大家都估佢應該唔會再出,點知今晚竟然再係台上可以聽到彭羚再次獻唱小玩意一曲,真係另人非常興奮,在場各人情緒亦都即時高漲起來,掀起高潮,之前睇報紙得知佢已經出左場,本來已經打定輸數地以為佢尾場呢日應該都唔會再出,點知佢好頭好尾,再出一次,而今次仲係完場 Ending 時,再上台同各人祝酒及唱多一首"給我愛過的男孩們",譁 ………… 真係超滿足呀。︿︿

而場中更加有一段勁爆既《芳華絕代》,而唱到尾段時,阿詩同 Eason 竟然來一個激烈擁吻,真係估佢唔到咁激,而小瑟亦係記者會時,拍左 Eason 親述激咀阿詩同撫胸經過呢!!!

而另外仲有一位超感動既嘉賓就係大緊肚既楊千樺勒,佢一出場,無一不即時拍爛手掌同盡情呼叫,因為之前又係聽講佢應該都 唔會上台,點知今晚竟然見到佢,佢仲唱左三首歌,又一次超滿足,超興奮呢!!!

當完場之後,係12:15分左右,就開始作品展記者會勒。除左Wyman本身之外,當然仲會有一眾歌手啦。

各大媒體當然拉緊各人做訪問啦。

因為超激既演出,E 神同 Hocc 立即成為各大傳媒的訪問焦點,而小瑟就冇佢地咁好心機用筆寫,不如直頭錄比大家親自聽佢地自講仲好啦!!! ︿︿

會後感: WYMAN,多謝你的歌詞為香港的音樂界出力,發光發熱。 當聽到你說你是一位樂壇渣 “" 員,你帶完一位歌手上舞台之後,再落下面要帶另一個上來時,眼淚真的想湧出來,多謝你!


.

歡迎進入我們的影音玩樂討論區發表意見.
http://www.post76.com/discuss/viewthread.php?tid=105278

*** 溫馨提示:想更緊貼更多影音界的最新資訊,請到以下的 Facebook 專頁按「讚好」 Google+ 專頁按「加到社交圈」加入我們,每天就會收到全新的中文影音免費資訊呢!! ***

http://www.facebook.com/post76
https://plus.google.com/u/0/118072674924924911355


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章