阿定影評 之《無敵貓劍俠》- 笑到噴水的合家歡賀歲電影

上星期去了睇首影,由於實在太忙,今日先有時間寫番份 REPORT 比大家,一向對港產片興趣不大,而又對卡通片情有獨鐘的我,新年有兩套戲我係高度關注的,一套係宮崎駿父子的紅花板上的海,另一套就係呢套由夢工場製作的《無敵貓劍俠》。有睇過史力加的朋友都應該認識呢隻貓仔「皮靴貓」的了,真係有幾可愛,有幾可愛,喜歡貓的朋友就一定要入場睇,對貓興趣不大的朋友我都會推薦你入場睇,因為成套戲,笑料不絕,一浪接一浪,最適合新年當賀歲電影睇的了!

先講講呢套戲係 3D 的,雖然有唔係 3D 版,不過除非接受唔到 3D,否則推薦睇 3D 版,因為呢套卡通 3D 做得幾好,3D 效果唔係為 3D 而 3D,而係戲情好多位都要用 3D 來交代距離感,你會欣賞到不少淺景深的場境,同功夫熊貓 2 比,睇得到製作公司有不少進步,不過如果你對畫質有要求,呢套戲就有少少失色,d 貓毛無史力加時期咁細膩,不過 who care? 呢套係笑片來的,好笑有趣才是重點!

girl.jpg 

套戲有幾好笑,我無理由戲透的,但有幾樣野可以比大家參考,首先,配音的係《黑俠梭羅》型男安東尼奧班達拉斯,佢把聲真係好鬼 MAN,好鬼型,但配合有時扮可愛的貓仔樣,又或可愛貓仔樣情深深咁扮有型時,你一定會從心裡笑出來,而正如剛剛所講,時而有型,時而可愛,加上有歌舞助興,細路仔睇得開心,大人亦睇得過引,而其中有不少戲情係亂來的,例如唔應該好勁的野,變身成好勁的野,應該好緊張的戲情,原來一d都唔緊張,亂到我自己都唔知自己講咩,但入場睇你就會明架啦,戲入面其中一個笑位,全場除左無人唔笑外,我仲聽到幾個大男人笑到拍手掌,同埋有人笑到氣咳,以卡通片來講,交足功課有突的了!

egg.jpg  

角色方面,除左男主角超有型之外,女主角同樣有型得很,由初初調戲男主角,到後來愛上男主角,唔係果貓樣的話,我以為睇緊愛情喜劇,而壞蛋角色亦非常好笑,話佢蠢,佢又唔係,但好多低能行為,實在係估你唔到,如果睇粵語配音的話,呢個咁鬼馬的角色係由張智霖配音的,不過我個人習慣聽原裝配音,而且《黑俠梭羅》把聲亦係呢套戲的其中一個賣點,不容錯過!

pp.jpg

講左咁多,講到好似善稿咁,不如留番比大家自己睇吧,今個新年,比錢去睇3D動作片,不如比錢睇套 3D 卡通片開心下吧,起碼唔會好似果套講光合作用的咁,個個睇完都係 Facebook 媽媽聲!

電影詳細介紹: 《無敵貓劍俠》Puss In Boots – 1 月 21 日 貓賀新禧

歡迎進入我們的影音玩樂討論區發表意見.
http://www.post76.com/discuss/viewthread.php?tid=101959

*** 溫馨提示:想更緊貼更多影音界的最新資訊,請到 http://www.facebook.com/post76 的專頁內頭頂按「讚好」加入我們,每天就會收到全新的中文影音免費資訊呢!! ***


🏠 ★ Post76網店經已開幕 《store.post76.hk》

wil-wil

關於wil-wil

由新手入門玩家, 玩到變成 Post76 副版管, 對流行事物非常熱衷, 點子多多, 周身刀, 張張利.

觀看所有 wil-wil 的文章

相關文章