【Post76 影音玩樂網】祝大家 2012 新年快樂!!

回顧 2011 年,【Post76 影音玩樂網】真係創造左好多個不可能,除左可以同更多志同道合既版友有更近距離既接觸外,一個原本只以男子組對影音喜好既一小族群,竟然與世界接起軌上來 …

成為香港數一數二影音玩樂網之餘,更伙拍到知名網站 car1.hk、 unwire.hk 及衝出香港,與台灣癮科技網結盟同合作,為大家提供全方位影音及流動器材資訊;同時我地亦與各品牌代理、合作夥伴,合辦破紀錄接近四十場不同類形既影音、攝影或分享活動;又成立 76FriendClub 會員制度,為大家爭取不同形式既優惠或優先試計劃;年尾既九週年台慶晚宴,更加廣邀到多方影音媒體、代理、合作夥伴及版友,合共達 150 人之多聚手一堂,而且多達 50 個贊助商戶所贊助比大家抽獎及遊戲禮品金額接近 10 萬元 ~ 今年種種好消息加起來,可謂再一次超額完成我們年頭為大家定立既目標!!!

雖然這一點點成績,較香港其它大網站仍有很多既進步空間,還需要繼續努力!!! 但對我們來說,其實已經給予了我們很重大的鼓舞作用。來年 2012 年,我們會繼續給大家多點驚喜,辦一個真正有聲有色,屬於你同我既《香港人的影音的玩樂網站》。有你既支持,就係我地最好既推動力,希望大家同樣繼續全力撐 76,為 2012 留下比今年更美好既回憶!!


祝大家 2012 新年快樂!! 身體健康!! 繼續享受影音帶比大家既樂趣、繼續以影音會知音!

.

.
歡迎進入我們的影音玩樂討論區發表意見.
http://www.post76.com/discuss/viewthread.php?tid=99936

*** 溫馨提示:想更緊貼更多影音界的最新資訊,請到 http://www.facebook.com/post76 的專頁內頭頂按「讚好」加入我們,每天就會收到全新的中文影音免費資訊呢!! ***


🏠 ★ Post76網店經已開幕 《store.post76.hk》

wil-wil

關於wil-wil

由新手入門玩家, 玩到變成 Post76 副版管, 對流行事物非常熱衷, 點子多多, 周身刀, 張張利.

觀看所有 wil-wil 的文章

相關文章