【港樂 x 張敬軒交響音樂會】藍光首播會 – 軒仔獨家專訪 (影片)

2011 年尾時,得知我地 Post76 可於 2012 年頭首個辦既活動,就有機會同咁有人氣既張敬軒做一個 ~ 佢即將推出既【港樂 x 張敬軒交響音樂會】藍光碟首播會,心中已經非常興奮,但當時都唔知會唔會有機會,同我一路都好想見既軒仔有一面之緣呢?

呢日,小瑟就有幸可以同呢位香港樂壇中,對音樂抱有熱誠,亦對音質非常之有要求,不惜一切去為音樂做好每一個步驟既張敬軒 (軒仔) 去爭取到一個 5 分鐘既簡短訪問唔講大家唔知,小瑟其實好早已經有聽軒仔既歌,由佢出道既 My Way,小瑟已經有好鍾意聽,當年亦都次次去K都會唱一唱先滿足,到今天能夠有機會可以同佢面對面地問下問題,叫做傾左一陣計,心中真係非常非常之興奮。(不過當然表面就要扮哂淡定啦 XDDDDD)。

好勒,大家都好想快D可以聽到軒仔親身講下呢隻藍光演唱會既分享架勒,好。。。去片!!!
(請不要介意畫質,因已現場環境燈光問題,所以質素已盡力了!)

係短短分鐘面談過程中,小瑟真係估唔到軒仔對音樂既要求去到咁深入,雖然知道佢係廣州開左錄音空來幫人做唱片既錄音工作,但真係估唔到原來佢對音樂既抱負係咁大,對音樂係咁有理想,佢除左想唱好歌比大家聽之外,更加希望可以用唱片呢個媒體來比享受音樂既朋友,一個最完美同最原音既體會,呢個出發點小瑟相信當今樂壇唔會好多歌手有呢個想法,但佢有,一個咁後生又咁靚仔既香港歌手竟然會有此大志,小瑟真係好開心我地香港可以有一位咁有抱負又年輕既歌手,會為我地既本地音樂創作及製作投入 100% 既資源同心機,因為小瑟都成日講,小瑟係聽流行曲多既,我地經常都對家中既器材換來換去,加來加去,其實都只係希望可以好好享受一下電影帶比我地既夢,音樂帶比我地既幻想,而一個好既訊源,往往會另到聽者更加投入,更加專心,所以小瑟最希望各大唱片公司可以對唱片的要求做好一些,盡力去做好一點,雖然大家都知道,呢個世界樣樣都係錢,不過只要用心做好件事,欣賞既人自然會一傳十,十傳百,就以軒仔呢隻碟來講,就當只係聽完當晚佢對整個演唱會各樣野既 “一絲不苛 “呢份誠意,已經絕對需要入手。

試問,如果香港仲有呢 D 咁有誠意既本地作品,我地都唔支持既話,日後如果再冇人願意去做呢D作品,我地先再去埋怨香港已經冇好野,咁。。。。。。。仲有用的嗎????  其實當日就算黎唔到活動,但有睇過我地活動前安排比大家睇既《製作特輯首度曝光優先睇》(呢段內容亦將會收錄係【港樂 x 張敬軒交響音樂會】藍光碟內)已經知到軒仔個演唱會搵黎香港頂尖既制作公司 Video Channel Production Ltd. 負責現場攝制工作,所用既攝影機數量有成 13 部之多,而且更用上超強廣播級錄影系統,製作隊伍比電視台直播節目既團隊還要龐大,再加上 Best & Original Production Ltd. 嚴謹既後期藍光碟制作,相信一定令大家十分期待,仲未睇呢段片既版友可以睇睇先:

如果想睇哂當晚軒仔同大家分享既原整版本,小瑟就會係軒仔既專輯【港樂 x 張敬軒交響音樂會】藍光碟見街 (2012 年 1 月 20 日 星期五) 既前一天 (即 1 月 19 日) 將軒仔當晚既分享足本送比大家呢!!!

大家可以覺得小瑟講得誇張,不如大家又睇睇當晚有去過現場既各位版友既會後感好嗎??? (節錄小段會員分享)

teddyng637:
在首播活動中,我覺得軒仔對音樂嘅熱誠,做音樂嘅態度, 都非常認真。另外,講番軒仔隻 BLU-RAY,我覺得全碟最正係音效、畫質、個包圍感非常夠,比其他 BLU-RAY 無得比,可能大昌器材嘅功力有關,但係在活動中播《大熱》時,我覺得個現場感唔夠,總知都係個一個好正嘅活動!

percyyip:
軒仔好 Pro! 識好多音樂同 HiFi 野,言談間顯示得出他對自己的作品好有誠意,極力做到盡善盡美。隻 BD 畫面真正十分高清,果然 Video Channel 出動 13 部 HD 攝錄機是物有所值的! 交響樂音質澎湃,當然軒仔的表現更是一流啦。

阿正:
今次港樂 + 軒仔,以 Blu-Ray 的聽/看後感肯定係有誠意及認真的製作,全碟最深刻仍是《等了又等》,《大熱》我很滿意港樂的超卓表現,而軒仔便成了這首歌的半件樂器。

KITYING0307:
其實個人覺得今日睇 Blu-Ray 正過現場 … 雖然 show 個陣好 high 好興奮,不過現場有好多閒雜聲 … 唔似得今日大家都咁靜心欣賞:-) 所以 Blu-Ray 聲音呈現得好真實呀!!:D

會員會後討論:【港樂 x 張敬軒交響音樂會】藍光碟首播活動

http://www.post76.com/discuss/viewthread.php?tid=101316

*** 溫馨提示:想更緊貼更多影音界的最新資訊,請到 http://www.facebook.com/post76 專頁內頭頂按「讚好」加入我們,每天就會收到全新的中文影音免費資訊呢!! ***


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章