又玩 DAC – 德國 Rein Audio X-DAC

小瑟不嬲都用開 OPPO BDP-93 夾 Taralabs M3 RCA 出 ONKYO 5507+XPA-5 聽歌. 其實不嬲都知道呢個組合聽歌只係頂住引先既過度作品, 就大家見小瑟會買 Taralabs M3 RCA 來出 CD, 都知道其實小瑟都想有一天, 可以係 2CH 上攪攪新意思呢, 不過一來覺得玩 2CH 一中毒可能會好大件事, 二來就係想一次過換左依家屋企個地櫃先, 之後再先慢慢逐步來換野去實現呢個 2CH 入門夢, 始終個地櫃內有好多碟, 我唔搵到方案去解決D碟, 基本上都好難可以換到地櫃, 不過就係呢個時間, 小瑟就同我地其中一個有合作開既商戶, 傾開佢地係德國岩岩引入左一隻新牌子既 DAC, 就係呢隻德國 Rein Audio 既 X-DAC 勒, 咁小瑟就當然又好多口咁話, 不如借來玩下啦 …….. 就係咁, 就問佢地借左部 X-DAC 返來玩勒…….(其實仲有條 XLR 的, 不過呢個下個 REPORT 先再出!!!^.^).

*老實講, 小瑟非常之鍾意呢張廣告海報, 因為個女主角, 真係好靚!!!*.*!!!

頭先小瑟講既前文, 其實已經係 10 月時候發生既事, 小瑟多口問完之後, 其實本身都真係冇咩時間試玩呢部野的, 就係咁, 部野放左係小瑟度好幾日之後, 同 HIFI & CAS 版版主  chimkit 傾開, 佢話想借來玩玩, 咁我又冇時間攪, 佢想玩就不如借佢玩下先勒, 反正我都冇咩時間開箱, 就係咁, 我地 Chimkit 版主就囉左部機返去玩左幾日, 仲出左個 “有新玩具玩~~~(DAC,XLR)" 小小分享呢!!!!

而過左好一大排, 部機終於夠鐘要還返比人勒, 就係咁, 小瑟就終於的起心肝, 開部機來玩下勒!!!^.^

一開盒, 又有小瑟好 LIKE 既海報同埋一本MENU, 當然部 X-DAC 就一定係度啦 ~~~~~ (夠勒小瑟, 唔好再廢話啦!!!XDDDDD)

囉部機出來睇下先, 簡簡單單, 黑色機身, 機面非常簡單, 二個大圓制, 一個用來控制開關, 另一個就用來選擇輸入信源.

雖然小瑟冇開機內部來睇, 不過小瑟 “CLOCK" 過部機既殼, 都幾實淨, 厚度絕對實在!!!!

呢張 LABL E 就列明哂呢部機既 SPEC, 夠哂清楚啦!!!!!

機身背後有一組輸入同輸出, 數碼輸入分別係 USB, 光纖同同軸, 而模擬輸出就分別有 XLR 同 RCA. 小瑟第一次睇個機背, E~~~ 有 XLR, 部野好似有 D 料到喎, 本來都好想用佢條 XLR 試, 不過小瑟想試返用開既T記M3, 所以都係用M3出啦!!!

好勒, 攪完一大輪, 又蚊又插又拉又推, 終於都比我將 M3 由 93 蚊出, 再搵左條早年 TDK 既光纖線將 93 連接, (其實小瑟都想用同軸試, 不過搵來搵去, 原來我已經冇同軸線係手呢~~XDDD), 而 POWER 方面, 就用左PE LAB既ST系電源線插上, 小瑟不嬲都覺得光纖聽歌, 都唔會好得去邊, 不過因為時間無多, 呢次都粗粗地試住先啦!!!!!

而前後級部份, 依然係用 ONKYO 5507 + XPA-5, 喇叭方面, 都係以小瑟一向用開來睇戲既喇叭組合來試玩, 老實講, 小瑟呢套野, 睇 AV 就冇問題,但 聽歌就真係 ……….. 麻過油麻地勒 …… 而今次小瑟就會用哂 5507 同 93 中既 PURE-AUDIO 模式來測試的, 而除左用返前置二隻喇叭之外, 仲會用埋隻SUB仔作低頻輸出, 呢個咁 AV 向既組合, 其實小瑟都預左唔會有咩驚喜呢~~~~

好勒, 先聽一次由劉美君小姐親筆簽名既 Love Addict CD 第三首的 “你把我灌醉" 來試試人聲同當中既音樂感先!!

呢首歌小瑟之所以鍾意用呢首來試機, 就係因為佢既編曲, 呢首歌編曲既感染力, 係會令人快速投入歌曲之內, 真係可以做到"你把我灌醉"呢個化學作用呢, 小瑟就係係上次大昌試聽會時, 深深感受得到的呢, 而用上呢部 X-DAC 作解碼之後, 估唔到雖然係以光纖輸入, 當中既音樂感, 依然比到我有感情既效果出黎, 小瑟聽左一陣就知道, 原來之前用部 93 聽歌, 真係只可以用個 “玩玩下" 三個字來形容, 呢次聽落, 成首歌好似食左清心丸咁, 音樂中既層次度同劉小姐把獨特的聲線, 竟然可以比小瑟感受到原來小瑟呢套 AV 向既組合, 都有可能做出 “感情" 二字出來 ………. 好感動呀 ~~~~@.@!!! 呢個時候, 小瑟好想可以有杯紅酒係手, 好好咁享受一下呢個咁 JAZZ 既感覺呢~~~~^_*

好勒, 試聽完流行曲之後, 就想試試 D 比較 HIFI 既碟勒, 上次去西毒度家訪時, 六爺同狐少俠都一致推介呢隻 Onkyo 既 LPCD, 小瑟今次當然就藉機會試一試, 睇下又有咩效果呢.

本來係想用學友仔既偷閒加油站來試的, 但入左隻碟之後, 因為聽左個電話, 咁就由得隻碟自己 PLAY, 就係咁, 就 PLAY 左第一首既 La Campanella「鐘」(老實說, 小瑟真係唔多聽呢 D HIFI 音樂的 XDD), 點知聽聽下, 唔係喎, 好堅料喎, 好多不同既樂器既聲音中的 DETAIL, 線條, 動感, 竟然係小瑟呢三隻前置喇叭同 SUB 仔走到出來, 小瑟第一次覺得, 自己對SUB仔聽歌竟然可以咁夾對喇叭, 去到中段, 呢首歌咪好多全部樂器一齊爆出既, 小瑟合起雙眼去聽呢首歌, 就好似前面出聲既係一對人咁高既座地喇叭, 雖然小瑟套機絕對係 HI-FI 發燒友眼中既小學雞器材, 什至係 “垃圾", 不過 …………… 小瑟耳中收到既音樂感, 立體感, 音樂中既共鳴感, 就係同每年去高級音響展聽既 HI-END 野時, 二成幾三成既感覺 ……………………. 當然高音同低音仲有好多好多地方不足, 但識小瑟既人都知, 小瑟聽咩都要將音樂大聲到包哂成個人先滿足既, 所以係呢個音亮中仲可以 KEEP 到呢份二成幾三成既 HI-END 感覺, 真係另小瑟非常之驚喜及異常陶醉, 完全估唔佢到…………..聽聽下, 竟然可以成首歌都聽哂, 原來呢 CUT 成 10 幾分鐘咁長, 小瑟真係第一次可以聽哂, 呢個感覺真係太正, 太正了…………….@@!!

咁你一定會問, 去到咁正你都仲唔買既??? 你完全對, 我真係好想買, 尤其佢個價只係四千幾有交易 (實價我都唔知^^"), 但因為知道依家個地櫃問題, 我真係好想好想一次過攪好哂先開始學人地正正經經聽下歌呢!!!!

大家都見, 小瑟部 X-DAC 竟然要放係部 AMP 既散熱位, 咪玩啦 ………. ~_~ 就係咁, 我最終都係還返部機比人, 但我已經決定, 當我攪掂哂D野之後, 呢位 X-DAC一定係我歸中密友呢!!!!!!!!!!! XDDDDDD

.

.

歡迎進入我們的影音玩樂討論區發表意見.
http://www.post76.com/discuss/viewthread.php?tid=96322

*** 溫馨提示:想更緊貼更多影音界的最新資訊,請到  http://www.facebook.com/post76 的專頁內頭頂按「讚好」加入我們,每天就會收到全新的中文影音免費資訊呢!! ***


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章