小瑟都要整個IP CAM…..AVTECH AVN80X

小瑟都同大家一樣, 日頭要返工, 夜晚先有時間返去睇下個囡, 不過小瑟就比較好彩, 有外母可是幫手照顧囡囡既日常生活, 不過因為時間太小, 好多時都希望可以係公司做做下野時, 會睇下個女, 所以,一路都有留意下市場上有咩 IPCAM可以裝係屋企, 好等我一得嫻就上網睇睇個囡, 而咁岩, 我地 76-FriendClub又有個合作商戶, 岩岩係台灣返左個 IPCAM, 價錢比市面上一般既品牌都平, 都係千零蚊左右就有交易, 咁平平地當玩下, 又可以有內置錄影(可插入MINI SD CARD), 又可以雙向對話, 又有推送功能, 用來睇下個囡, 我覺得都可以一試呀!!!

功能多多, 不過有D家用就好似勁左小小….

估唔到, 依家原來都仲有野唔係MIC既~XDDDDD

支CAM樣子非常簡單…一枝鐵製既腳架, 一枝720P既鏡頭, 一個LED燈同一個紅外線既感應器!!!

砌好個樣, 就係咁簡單勒~~~

後面一個LAN頭, 一個電源位, 好基本啦….不過…綠色果舊野, 係咩來呢??? 問過鋪頭先知, 原來佢仲可以連接門鎖警報感應器, 方便大家用係商業用途上既.

黃圈位置, 就係插入MINI SD CARD用來做內置錄影功能既儲存地方勒, 依家原來 D MINI SD都好平, 4GB野都係幾十蚊有找, 而呢4GB野, 就已經可以錄到3個星期左右既影像, 當然, 唔係24小時不停咁錄, 同埋720P高清畫面啦, 而係當有人郁呀, 又或者你SET左畫面中邊個位會郁先開始錄影啦, 而解像度就係 640X480, 即係VGA既畫汁勒, 如果大家要用來睇住屋企個工人, 呢個功能都幾好架, 起碼唔洗好似其他品牌咁, 要加多部PC轉門做錄影先啦, 一來一回, 又慳左地方之餘, 仲易於設定呢~~~~^^”

插好LAN線, 電源線之後, 就當然係用 iPhone 玩下先啦, Apple Store 上有一個叫 EAGLEEYES-LITE既FREE PROGRAM, 就係專門比呢枝 AVTECH AVN80X IP Camera 用既, FREE版用到既功能, 已經夠哂我, 正!!!!

裝好左之後, 就可以新加一個連線比自己既 IPCAM, 大家記得要將部 iPhone轉左行屋企內既wifi先, 之後再按呢個 LOCAL NETWORK SEARCH, 咁呢個PROGRAM就會搵到你既CAM既IP位置, 之後就可以跟住指示去更改為岩你既網絡用既設定勒~~~~

裝好之後, 開一個新連線, 再開埋連線左邊既開關以開始呢合推送功能勒~~~~

除左 iPhone 版之外, 仲有埋 HD 既 i-Pad 版, 而 i-Pad增加可以同一時間睇哂4枝 CAM既情況, 呢個功能, 小瑟就冇機會用勒, 除非小瑟屋企過千尺又或者用來比鋪頭用啦, 咁就會岩哂勒~~XDDDD

之後做好設定之後, 就要試下用 IE 試下入去控制界面睇下勒~~~

終於都可以睇到屋企既情況勒, 畫面預定係行VGA先既, 如果大家想睇 720既畫汁, 就先需要 DISABLE左個推送功能, 就可以選到 720既解像度勒!!!
(^^因為外母大人有令, 要保障佢屋企既私隠權, 所以小瑟只可以將家中畫面以PS處理~XDDDD)

推播通知呢欄, 主要就係用來設定枝CAM幾時會經INTERNET推送呢個畫面比你睇, 就小瑟所知, 呢個功能有個好處, 就係平時如果有PUSH呢D功能既CAM, 佢通知得你黎, 件事都已經發生完, 但佢既好處就係當你指定既事件出現時, 例如你放係你既店舖門口, 你收工之後, 當有人係你既鋪門口爆格咁樣, 佢除左會PUSH通知你之外, 佢仲會即時自動同你錄影埋, 等你可以睇返整個事發經過, 都OK有用既.

最後我都情商到合作商戶, 比佢公司既ACCOUNT我, 係呢個夜麻麻既時間, 比我進入佢既公司, 一試畫汁比大家睇, 係 iPhone界面上, 仲有好多功能制, 小瑟一時三刻未有時間好好咁研究, 所以都未能同大家分享, 但歸納左幾點, 都可以同大家作一個小小既戀結既!!!

優點: 性價比非常吸引, 以千頭又有內置入卡錄影功能, 又有LED補光燈, 算係唔錯. 而相對既保安設定非常詳盡, 設定簡單又可以, 你想精細設定又可以. 另外對電腦有小小認知既朋友, 裝呢枝 CAM 應該絕對冇難度.

缺點: 冇得PAN, 冇得光學ZOOM, 冇 WIFI, 係活動性上, 比較輸蝕, 冇高清錄影, 呢點對我地追求高清既用家, 當然係差左一皮啦~XDDDD

吹水區之討論串
http://www.post76.com/discuss/viewthread.php?tid=77202&extra=page%3D1

小瑟上網搵左好多呢枝CAM既資料, 原來台灣都好多人有出過REPORT, 睇返佢地既設定, 就知道原來仲有好多功能未用到, 係度比D LINK大家分享下呢~~~

http://www.computeractive.co.uk/ca/news/2075884/avtechs-security-camera-links-phones-tablets

http://www.iqmore.idv.tw/computex2011-avtech

http://www.youtube.com/watch?v=3o7LCvMZ2M0

http://www.wretch.cc/blog/myground/23343369

http://blog.chinatimes.com/kocpc/archive/2011/06/17/720205.html

http://iphone4.tw/forums/newarrival-avtech.php


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章