【影音入門小知識】喇叭擺位的標準

小瑟上年去左一位影音新手既家中家訪,呢位新朋友仔岩岩買左成套5。1冇耐,因為本身未玩過,所以基本上好多知識都係由網上或睇書學返來,不過最後SET好哂出黎既效果都唔係咁滿意,就係因為咁,所以希望小瑟上去佢屋企,睇睇可以點SET,不過, 今日我唔同大家討論呢個家訪住,反而想同大家分享小小既係喇叭擺位標準。

好多新手影音玩家基本上都會有同一個問題,就係:『究竟係我屋企D喇叭,點擺先岩呢?』大家都知道,我地身處香港呢個彈丸之地,要好似外國D地方咁,有一間四四正正,長方形好似戲院咁比例既空間玩我地既家庭影院,雖然未講得上天方夜談,但好多人都係同小瑟一樣,只可以將日常既生活休憩空間(即係小小既客廳啦!),盡量設計成一個適合自己既家庭影院。不過雖然話地方限制好大,但始終都有一D基本擺位係可以比我地作參考既,當然一本通書就唔可以睇到老,不過大家可以當先了解左基本既理論,之後就加以變通,玩影音既固中樂趣就係呢度勒。^^!!

ITU-R BS。775-1國際標準

究竟呢個標準係咩來呢?佢係一個國際公認擺位既標準,基本上好多錄音室,影音制作室,標準播效都係依從呢個標準既,不過今次就唔會同大家詳細講解呢個標準,小瑟只係係度將佢要求既重點同大家分享先。

1.各喇叭以圓形環繞皇帝位,而所有喇叭既距離係要一致的。

 

2.各聲道既喇叭牌子跟型號絕對一定要相同。

 

3.喇叭高音單完要對準皇帝位人耳位置。

 

4.超低音因為頻率人耳未能清楚分辨位置,所以擺位可以隨意。

 

5.以中置0度計算,左右前置要夜在30度位於,而左右後置就可以效係100度-120度範圍之內。

 

6.各聲度之擺放高度應以皇帝位之人耳為水平,而後置可以略為高小小,但都可以大於前置以上15度為準。

 

大家睇完以上既ITU-R BS。775-1國際標準之後,係咪覺得太不切實際呢?雖然我地有D地方一定唔可以跟到,例如"喇叭以圓形環繞皇帝位"但有D情況例如"各聲道既喇叭牌子跟型號絕對一定要相同。"呢類要求我地就可以考慮跟從,以小瑟就係以呢個標準去將家中既5隻喇叭都用相同型號去令整個環繞系統既聲音性格達至絕對一致勒。

DOLBY與DTS之建議擺位

大家都知道,高清音效有DOLBY TRUE-HD同DTS HD-MA,係DOLBY的擺位設定上,基本都係以上面提及到既ITU-R標準衍生出來既,所以,係DOLBY LABS的5。1的擺位角度,都是跟ITU-R一樣的,而在7。1的系統上,DOLBY就建議後中置的擺位以135-150度之間來擺放就可以了,咁樣講,DOLBY的擺位即是跟ITU-R的一樣嗎?那DOLBY又有什麼不同之處呢?分別就在於音場範圍,大家都應該仲記得,ITU-R標準只係針對一個皇帝位,即係如果你坐係非皇帝位既位置,就好難得到最好既包團感同環繞聲效果,而DOLBY方面,就是以強調希望整個家庭影院中,每位觀眾都可以得到完整的包圍感以及最好的環繞聲為原則,所以在喇叭擺位的建議中,DOLBY方面就會建議前置喇叭除了可TOE-IN(將高音擺向直接指向皇帝位之位置)之外,還建議可將前置三隻喇叭以平排擺法,再將擴音機的前中置的DELAY TIME設定成一樣,後置喇叭的位置應高於人耳及指向聆聽範圍方向而不是跟ITU-R的建議只是指向皇帝位位置,此舉是希望可以另到整個後置聆聽空間都有一定的包圍感,坊間很多的音響書教授擺位時,都係參考自DOBLY LABS的擺位標準的。

其實DTS的建議喇叭擺位方法,都係跟ITU-R和DOLBY大同小異,萬變不離其中,而現時7。1系統基本上已經成為業界標準玩法,所以DTS反而係7。1擺位方法上,有更多唔同既建議比各位AV友,DTS既建議分別有"傳統擺位法(TRADITIONAL)""全後方擺位法(FULL REAR SURROUND)""強化前方擺位法(FRONT WIDE)""前高擺位法(FRONT HIGH)"等等,因為DTS所介紹的擺法基本上都真係幾多(仲有至小5種,詳情可進入DTS網頁了解),仲要係非常之五花八門,而有好多我地一般玩家都唔會夠膽擺既,所以小瑟都唔係度同大家遂個介紹,因為大家唔怕睇到悶我都怕講到悶。所以我地不如就以傳統7。1擺法比大家一個基本既參考,好等大家係建立自己既家庭影院時,好好考慮是否有足夠既空間去擺正式的7。1,咁來得比較有意義呢。

就以基本7。1來講,前置三隻喇叭當然不變,而後置喇叭方面,就需要放係皇帝位既左右,成90度咁擺放,即係正左同正右啦,而二隻後中置就分別是在左同右的各150度左右的位置,整個布局大家見圖就知了。咁咪即係話,係梳化既後方要預留都幾多既位置來做呢個後中置喇叭既擺位嗎?冇錯,基本上,玩家庭影院就係需要一個非常之四正同足夠前後空間先可以玩到7。1嗎?全對,所以其實如果大家既屋企,梳化已經係貼哂牆放,又或是只係有1-2尺位可以比後中置喇叭擺既話,小瑟真係好誠意咁向您講,不如玩返5。1好了,因為如果夾硬安裝7。1喇叭系統的話,要是真係比你裝到,不過後面的喇叭位置因為太近,跟本未有足夠空間同位置比聲音離箱,係呢D情況下,出黎既效果絕對唔會比5。1既好,反而係會差好多,D聲會一舊舊,散唔開,到時需要非常之長既時間去作出反覆調校,先可以得出比較好的環繞效果。到最後,咪即係得不嘗失呢!

究竟,我屋企應該點玩好呢??小小實戰心得!

講開大家既梳化位置,小瑟睇過好多朋友家庭影院位置,8成朋友梳化都係貼牆安放,所以由於皇帝位後跟本冇空間去營造氣氛效果,所以係呢個時間,大家都係擺返5.1既喇叭好了,而又有好多朋友問,究竟後置喇叭既高度,應該係掛幾多尺先岩,其實一般來講,由聆聽位既人耳向上2-3尺位置,係最合適的,而喇叭既指向,係指向整個聆聽空間,這樣就可造出包圍感很強的效果。而後置既擺法,仲有好多五花八門既說法,好似將喇叭不指向聆聽位置而係改變指向,利用反射方法來增加喇叭聲音離箱既方法,借以加強後方音場,都係一個可以一試既方法呢。^.^!!

而係近年,可能廠商都知道,要大家格硬開拓家庭影院後方既位置去營造環境氣氛呢個方法,始終有其局限,所以DOLBY就發展出DOLBY PRO LOGIC IIz來將喇叭由後方轉戰到前方,係前置既喇叭上方再加多二隻喇叭,俗稱"上前置 Front Height,主要功能就係將音效中的無方向性既氣氛音效交比呢二隻上前置輸出,務求將前方位置的整個畫面內的環境同氣氛進一步加強,而小瑟係試聽過咁多次之後得出既感覺,呢對上前置喇叭如果有位置的話,不妨加入,因為佢真係可以將整個前方既音場提升以及營造出更強既現場氣氛,係值得投資既項目來呀。

同大家分享左小小家庭影院既環繞聲喇叭擺位方法,其實就算係ITU-R,DOLBY或DTS的建議擺法都好,其實大家都係圍繞住一基本法則,就係唔理幾多個喇叭既系統都好,基本上都係需要將整個環繞聲系統以一個"圓"形既方法,將整個家庭影院既聆聽環境緊緊包圍住,盡可能做到360度連貫就好了,大家記住,5隻喇叭又好,7隻喇叭都好,所有喇叭都係一個連線來,因為我地睇既戲除左子彈會從左邊去到右邊之外,仲有機會係由左前去到右後方的,所以將整套系統設定成有絕對連貫性就係睇戲既最大目的,而整個系統既基石當然就係以擺位行先呢,如果擺位得宜,之後既設定就會輕鬆好多呢。

而另一個重點亦係好多玩家都不能誇越既心理關口,就係究竟我應該玩5。1定7。1好了,其實,如果您既屋企,梳代位置真係只可以貼牆放,老實講,真係玩返5。1算啦,不過我知道,當你買左部AMP返來係可以支持7。1,又或是9。1既系統時,如果叫你只係用返5。1既喇叭系統,點都係有一點點不是味兒的,呢點小瑟絕對明白,所以小瑟就會話呢個係心理關口呢!!哈哈。

有關喇叭擺位既討論, 大家可以到以下網址一同討論啦!!!
http://www.post76.com/discuss/viewthread.php?tid=72209&fromuid=4


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章