非波特迷看哈利波特-死神的禮物Part 1

圖 / 文:SonSon

雖然我每套哈利波特都有睇及有買,但係我真係唔波特迷,就連上集{混血王子的背叛}我已經唔記得劇情 。所以呢次出死神的禮物Part 1,只係入手普通版算吧,雖然隻鐵好靚吓。

獎品好吸引,不過自已無抽獎命,呢D機會留比大家啦 !

其實當初睇哈利波特都係被片中魔法特技吸引,好似叮噹百寶袋咁每次都有新鮮感,層出不窮。但好似由上集{混血王子的背叛}開始,全片氣紛已變得非常沉重及黑暗,你睇華納個logo幾陰深就知呢次內容會係點啦!

片中其中之一話題場面,七位哈利仔同場出現。

睇哈利波特居然有飛車埸面睇呢舖都算第一次

為咗尋找消滅佛地魔既分靈體,沒有校長鄧不利多既保護下正式展開冒險之旅。3人之間考驗友情、愛情、互相猜疑貫穿整套戲下半部份,呢次真係考演技呢。

觀後感:

我冇睇開原著小說版,但據聞最後呢集最終於原著,正因為咁片長要分上下兩集。作為最終章上集,大部份以鋪排情節為主,3人內心戲亦係7集之中最多,動作場面大多集中在前半段,雖然為數唔多,但特技及音響效果質數非常高,加上波特一貫電影感,實在睇得人賞心悅目 。不過第一次無[鄧不利多]及[霍格華茲]出現就有少少失落感 。喜歡觀能刺激既可能認為Part 1較平淡,但波特迷又認為Part 1最有原著神髓,姑勿論喜好與否,作為一套陪伴大家成長既電影,點都要見証一下哈利、妙麗及榮恩既成長,但最重要係睇完Part 1,再睇埋Part 2預告片,真係好想Part 2快D上畫呀 ……………….。

http://www.post76.com/discuss/viewthread.php?tid=69153&extra=page%3D1

• Post76網店經已開幕,請到: store.post76.hk

Ken704

關於Ken704

軟件發燒友, 由VCD年代一直燒到CD, DVD, SACD. 藍光, 對業界之舉動非常熟悉, 雖不在軟件業但比業界人士更有熱誠...

觀看所有 Ken704 的文章

相關文章