跳脫的音樂感 – 李國祥 HQCD Supereme Collection

小瑟平時真係唔多聽歌, 因為唔知點解, 硬係覺得要坐定定聽歌係一件好難能可貴既事, 可能依家大家都生活係忙碌既世界內, 要坐定定聽歌真係好似好浪費時間咁.

但有時候, 遇上一D自己真係鐘意既歌手出碟, 都會真真正正買隻碟返去, 當係支持下又好, 搵個機會係屋企炸下機都好, 不過今日要同大家分享既呢位歌手,  如果大家係同小瑟差唔多年齡既朋友, 應該都會識得佢, 李國祥先生, 當年一曲《藍色Sha La La》, 絕對係李國祥先得最得意作品, 之後既《摘星的晚上》,《餘情未了》, 都一樣係當年樂壇上既大熱既作.

係上年, 豐華唱片就出左一連串發燒級既 HQCD, 而小瑟係眾多既碟中, 就選擇左李國祥先生既精選碟, 來一嚐呢類新出既發燒碟究竟同一般既CD有咩唔同呢!? 順道可以懷緬一下李先生當年既金曲呢………."★願摘下千束星光 將夢兒懸在你窗 溫暖這最美的晚上……."

THE_BEST_SONG_CD_01

THE_BEST_SONG_CD_02

呢隻碟係 HQCD100%純日本壓碟, 分別係二碟裝, 收錄左既歌都唔小, 不過小瑟最岩聽既就有: 餘情未了/摘星的晚上/藍色SHA LA LA/ 最美世界=你+我等等…

THE_BEST_SONG_CD_08

THE_BEST_SONG_CD_06

THE_BEST_SONG_CD_07

大家都知, 小瑟既器材都係以睇戲為主, 不嬲聽歌都唔入流, 不過聽完呢隻碟之後, 雖然我炸野聽歌真係可以返歸, 不過都明顯比我感受到李生把聲唔似一般CD咁死古古, 人聲非常之有生命力, 係夜晚 DIM 暗D燈, 李生直頭就好似企左係小瑟面前咁, 音樂既拍子同旋律直頭可以用"跳脫"來形容, 尤其以"摘星的晚上"更為突出, 我依家終於都明白, 點解咁多人會番歌舊歌來出發燒碟, 歌, 始終都係舊既好!!!

如果你都想同大家分享討論一下CD音樂既, 就請 CLICK入以下網址啦!
http://www.post76.com/discuss/viewthread.php?tid=58379&fromuid=4


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章