全港獨家 OPPO BDP-83SE 詳盡小評

前言

係市場上,算得上有質素既BLU-RAY機唔係太多,10隻手指數得哂,一般都係大廠大牌子,有勁多既銀彈攻勢為產品做宣傳,攪發佈會,但近呢年,係美國影音AVS Forum傳來左一個新品牌 OPPO 呢個新既藍光機品牌,細聽之下,原來就係我地國內研發既產品。仲要得到AVS Forum既版友一致推崇為質素非常之唔錯既BLU-RAY影碟機,本來小瑟對國產既牌子都會第一時間,立即地,帶上有色眼鏡,以獨特既角度去睇國產既產品。始終,係以前既一眾國產牌子上既影音器材,可能都比到好多不快經歷大家,所以一提到中國品牌既影音器材,大家都會先先以懷疑既眼光去睇先。

最起碼,小瑟就一定係呢種人,但係POST76既討論區上,竟然聽過不小網友既討論中,竟然係好多數都係十分正面既評價,更加係好多唔同既小道消息上,得知OPPO呢個品牌既藍光機,竟然連外國某某發燒級牌子原來都係用佢既內部結構,簡單D講即係OEM自OPPO既,就係因為好奇心之下,小瑟就 EMAIL去OPPO既網站,表明身份,希望可以有機會一借OPPO名下既三部BLU-RAY PLAYER,分別係OPPO BDP-83SE,OPPO BDP-83,OPPO BDP-80,而今次呢個小小試後感,就會先試 BDP-83SE先。而其他既機種,就會由我地特攻隊既成員,或者係版友們,逐一同大家報告一下勒!!!

內部簡介

小瑟係官方回覆中,先瞭解左呢三部唔同MODEL既BLU-RAY機既分別先,同大家解釋一下,佢既級數應該係咁順序落既OPPO BDP-83SE > BDP-83 > BDP-80。

BDP-83SE既BLU-RAY機係基於BDP-83既一個升級。BDP-83用既係全新既模擬音頻組件以進行升級,形成了此BDP-83SE呢個特別既版本。

而SE版絕對係為真正2CH音響發燒友度身訂做設計既,83SE版本可以提供非常廣寬既動態範圍,超低失真,精確音場以及通過其專用的2CH立體聲及7.1聲道模擬音頻輸出無損失,無抖動音樂訊源。務求將一般人心目中,BLU-RAY PLAYER只可以睇BLU-RAY呢個觀念改變。

係影像處理器上,BDP83SE係用上Anchor bay ABT2010第二代既影像處理器,佢除左可以大大優代BLU-RAY影像之外,仲可以將DVD增線成1080P解像度,再加埋佢有精準既 Noisc Reduction既功能,真係未打得都睇得下先呀。而詳細既測試,小瑟會係之後再逐一同大家分享既。

另外SE最另人津津樂道既,當然就係佢份DAC,83SE採用左來自ESS Technology既Sabre32 family系列既DAC。呢個Sabre32 family係好多發燒級既音響器材上相信都好多人聽過,而呢份DAC亦都係專業音響既領域上,得到十分之高既評價而出名既,而係7.1多聲道輸出上,係用上了8聲道 Sabre Premier(ES9006)DAC晶片。 而立體聲輸出採用左另一個8聲道Sebre32 Ultra(ES9016)DAC 晶片,左右二個聲道就各自使用4個DAC去做數碼同模擬既轉換處理,淨係聽都已經頭都大埋,洗唔洗用咁多CHIP呀,真係估佢唔到喎,小瑟都估唔到既係OPPO方面竟然係用上呢個晶片組既組合來將2CH二聲道既音頻效果,推到頂尖既境界。

OPPO-83SE-41

Blu-ray-BDP-83SE_AudioBoard_hr

功能介紹

現世代既藍光機,基本既都一定係 PROFILE2.0 架勒,對應 BOUNSVIEW同埋BD-LIVE,內置1GB既RAM去SABE返BD-LIVE既內容,HDMI就1.3 VERSION既,對 Dolby TrueHD同埋DTS-HD Master Audio都係可以以HDMI BITSTREAM入AMP或者係由83SE自己解碼輸出至你既其他影音組合,其他既功能就係基本果D 1080/24P,DVD-VIDEO/AUDIO,SACD,CD,就連我地中國先流行既VCD佢都可以玩到,講多樣野比大家知,佢連VCD都可以增線成為1080P輸出架,畫質仲真係幾唔錯,當然係以VCD質素來講啦…XDDD 點解小瑟會知??因為小瑟有囉部機來PLAY VCD比小女睇卡通片丫麻~~哈哈XD

開箱

好勒,介紹左咁耐,不如就同大家一齊睇睇小瑟收到呢部小玩具時既開箱情況先。

個盒其實都幾簡單,一個紙盒入面有裝住左部83SE,之後有個黑色既小盒子就裝住左D REMOTE呀,電源線呀,紅白線果D,不過部機身就有個不織布既袋袋住部83SE,都幾新鮮,小瑟都係第一次見呢個包裝方法,不過就方便左小瑟囉住部機返屋企玩!!哈哈~~~

OPPO-83SE-01

開機真身

一返到屋企,二話不說,當然係先黎同部83SE影返D寫真先,事關一入左櫃,就冇再咁好心機再慢慢影相比大家睇架勒。哈哈!! (所有相片都可以CLICK圖放大的)

其實部機都算幾重手的,唔好睇佢簿簿地,佢都重成11磅架,小瑟囉返屋企時,咩住係膀頭上,行一段路,都有小小辛苦……:-P

OPPO-83SE-02

後面既輸入端子,當然要比張全相大家睇啦~~

OPPO-83SE-03

大家留意一下橙圈上既位置,SE貴就係貴在左呢個地方勒~~~^_^

OPPO-83SE-04

前面當然會比返應有既獎章[SPECIAL EDITION]去獎勵一下付出左既朋友們啦~~XDDD

OPPO-83SE-05

好,坐好好就預備開工勒,小瑟今次只係用上OPPO跟機送來既原裝電線,冇用到平時小瑟用開既電源線呢!!

睇完個機身,當然要睇下個REMOTE先啦,平實既設計,簡單無花巧,囉上手唔會太重,普普通通一個REMOTE。但唔好既就係膠感極重,小了一份高級機種的"高貴"感。

OPPO-83SE-07

呢個REMOTE有夜光功能,方便係全黑既環境下使用。

OPPO-83SE-08

OPPO-83SE-09

好勒,外觀就睇哂勒,等我囉出幾隻平時試開既BLU-RAY碟出黎先,不過因為時間既關係,最終今次測試到既電影只係 [美版G.I.JOE],[港版功夫熊貓],同埋[港版鐵甲奇俠]。

OPPO-83SE-10

開機選單

好,一開機既時間,會出現一個快速設定畫面,呢個設定會STEP BY STEP咁幫大家將83SE既基本設定SET好,唔洗大家開完機再進入MENU先慢慢搵,都算幾貼心既功能呀!!^.^

OPPO-83SE-11

但小瑟當然唔會只做完一次簡單設定就開機啦,大家都知道,國產既影音器材,往往好多時都係衰係FIRMWARE手上,究竟呢部官方定價HKD$7480既中國品牌OPPO藍光機,佢既FIRMWARE會唔會做得比較國際化D呢?!?!

好,我地先入去SETUP MENU玩玩,一入到去,首先字體大小適中,排位非常整齊,功能控制既排位都非常實際,左邊係MAIN MENU,而第二層係SUB MENU,之後第三層就係功能選擇,好易睇,幾唔錯呀!!

大家可以睇到,係呢個PLAYBACK SETUP內,可以設定既野都算係幾仔細既~~

OPPO-83SE-12

而去到VIDEO SETUP呢度,小瑟就最感興奮架勒,因為小瑟玩BLU-RAY機,都係睇下畫面上可以設定既野究竟可以有幾多,有幾深,係呢頁上,BLU-RAY可以選既野都有齊哂比我,而再落既仲有其他野可以SET既,詳情大家可以睇埋下面幾張圖,我就唔再逐一同大家介紹勒。(因為小瑟真係好心急想快D開機睇戲呢~XDDDD)

OPPO-83SE-13

OPPO-83SE-19

OPPO-83SE-20

呢個設置對畫面係有非常大既影響,相信我地既影音特攻隊既成員鐵心心兄同ANTHONY兄睇到呢個MENU一定知道,呢部機可以玩既野真係非常之多既呢!!!

OPPO-83SE-21

AUDIO FORMAT SETUP上,大家可以睇到連LPCM RATE都可以選。我諗呢D功能應該都係中高階機先可以有得 SET的呢~~

OPPO-83SE-14

OPPO-83SE-15

如果你係唔想用BITSTREAM輸出去AMP而係想由83SE作前級解碼既 7.1輸出,你亦都可以係 SPEAKER CONFIGURATION內設定,小瑟一進入呢個 MENU時, 真係唔知仲以為自己入左AV AMP既MENU呢~~~~@@"

值得一提既,就係係操作呢個 MENU既過程入面,小瑟出出入入各SUB MENU,嘗試調校更改任何設定時,部機既反應都非常之精神,要佢入就入,出就出,絕對冇話轉一個SETTING又要等一陣,去果度又要等一陣,而操作介面又非常友善,基本上我整個過程都冇需要用對眼去望住個 REMOTE去操作就可以選擇到我想要既野,老實講,佢呢下野真係比到小瑟一個唔錯既第一印象呢!!^^

OPPO-83SE-18

OPPO-83SE-16

OPPO-83SE-17

埋牙實試

好難得終於可以快掃完一次整個SETUP MENU,終於都可以入正提勒,首先以美版G.I.JOE開始先,因為係早前既試聽會,對佢某些地方都有幾深刻既感受,所以希望可以係屋企,試試會唔會比到我另一番既體會先。

OPPO-83SE-22

必試段落, 由男主角二人著起神奇戰衣開始。呢段畫面轉變超快,音效更加係氣勢迫人,如果套機既感染力唔夠,就會睇到有[悶]既感覺。

首先小瑟想試既係佢24P既效果,小瑟既電視係Philips PFL9664H 42″ LCD TV,雖然睇SPEC都知道佢有好多畫面優化既功能,不過小瑟最後設置之後,反而有關既功能都關哂,冇用到,事關一開就冇哂電影感,係83SE出黎既24/p畫面,畫面既流暢度都非常之好,效果滿意(呢點部PHILIPS當然係功不可抹啦XDD)。

而畫汁方面,畫面既SHARP度非常之利,但又唔會利到起邊,細緻度令小瑟非常之滿意,而光暗位都岩岩好,光既位光得來唔會爆,暗既位都有返應有既DETAIL,而最另小瑟驚訝既係,83SE畫面比出黎果份立體感,層次感,人物同景物既景深,都真係十分之突出,當然,小瑟講係唔夠既,最好就係大家睇睇啦。

以下既所有畫汁圖片,都係小瑟影RAW之後用CANON DDP直轉TIFF,再由PS RESIZE做1280橫度的。(CLICK圖片可睇原圖)

OPPO-83SE-23

睇呢個畫面時,銀色既金屬感,佢果身戰衣質感,真係比到小瑟好大感覺!!

OPPO-83SE-24

當然睇人物既膚色更加係最重要既一環啦!!!XDDD

OPPO-83SE-25

另外有一樣野又係值得一讚既,就係如果大家想係套戲播放途中,調校一D重要既聲畫功能,佢都可以即時處理,而佢既MENU BAR唔會太大阻左整個畫面,呢點係對影音發燒友來講,一個幾重要既功能呢!!

OPPO-83SE-26

OPPO-83SE-36

之後我地換上又係必試項目,功夫熊貓勒。試呢套,當然又係試大砲逃獄果段啦。

OPPO-83SE-27

呢個畫面,試層次感就一流勒。

OPPO-83SE-28

係整個逃獄既過程大家都知有幾爆得架勒,而83SE出黎既定位非常準確,拳拳到肉既爆炸力,穩定性非常好,係咁覆習既音效上,都可以有條理地交代所以細節比人,算係交足功課既,呢點我諗如果係上次ONKYO+MK既試聽會上,大家都已經試過部83SE既力量。

OPPO-83SE-29

試得功夫熊貓,呢幕師徒搶包一定唔小得,小瑟好鍾意聽到呢段既"胡","哈"同中國樂器既音效聲,而最留意既就一定係佢對"筷子"係畫面上轉圈果野環繞聲啦,聽到5隻喇叭快速地轉個圈比我睇,真係好鬼死爽呀,果然83SE係音效上都非常對辨,音樂既空間感同感染力都非常之好呀。^^!

OPPO-83SE-30

OPPO-83SE-31

最後就試埋[鐵甲奇俠]勒,一般人都鍾意試奇俠逃走果段,不過小瑟就比較喜歡以下奇俠比人打飛機呢段,因為當奇俠由地下扒上黎既時候,奇俠面部既金屬係最能反映顏色既同質感既。

OPPO-83SE-32

OPPO-83SE-33

OPPO-83SE-34

雜訊處理

另外83SE另一強項肯定係處理雜訊既能力,奇俠呢隻碟都算係比較前期既藍光碟,所以雜訊其實都幾勁既,尤其以下呢二段,小瑟好多時係試器材時都會以呢段來做測試,因為真係多NOISC到非常之慘不忍睹既,但係經83SE既處理之下,雖然都依然有唔小雜訊存在,不過畫面睇落已經合理返好多,而難得既係,佢減小左NOISC之後,都依然可以KEEP到畫面既銳利,我諗呢點應該係歸功佢粒上Anchor bay ABT2010第二代既影像處理器勒。

OPPO-83SE-35

OPPO-83SE-37

試DVD升頻

既然佢既CHIP咁勁,咁就不妨比多小小時間,睇下佢升頻DVD做1080p既效果係點先。

OPPO-83SE-44

始終睇得多BLU-RAY,高清TVB,依家睇DVD真係好辛苦,不過雖然係咁講,不過以SOURCE論畫來講,佢既升頻真係算係咁,起碼畫面都係實淨清潔,顏色豐富,係個銳利度差D.但DVD始終係DVD,以佢呢個升頻既表現來講,起碼一定跑嬴左上年揚言可以將DVD轉成高清既 TOSHIBA XDE-500 DVD。

OPPO-83SE-45

OPPO-83SE-46

OPPO-83SE-47

OPPO-83SE-48

試2CH模擬輸出

而最後,小瑟囉住部SE,如果我唔試埋以RCA聽CD既效果,我怕大家真係打爆個MON之後再搵黑客來入侵我部電腦呀,所以,小瑟專誠搵左電王康康師父既PE Lab RCA線來測試一下用SE來聽歌既表現.CD我就唔多架勒,不過人有我有我總會有一隻AV展入場既SACD既,小瑟既機都係用來睇戲,不嬲都真係好小聽歌,事關都知用HDMI聽歌都唔會入流得去邊,所以呢隻CD其實都只係開左一次,聽左1/3首王菲就收埋係櫃底,好彩冇掉,如果唔係試都冇碟試呀。

因為想好好試試用部機出RCA既分別,所以小瑟決定先以HDMI試聽一次(其實都聽唔哂。。。大家明架啦!!XDD),之後再轉去RCA聽多一次,好,入碟,PLAY歌,,好快,成羌首歌就聽完,老實講,小瑟屋企既器材真係唔係聽歌閎材料,冇感情,人聲好硬,好死,音樂冇空氣感......算了.....唔好再講,好,拿拿林轉去RCA果邊再聽多一次,音樂慢慢響起,開頭都係一般,冇咩大感覺,到王菲開始唱 」有一個人曾讓我知道...」 佢既人聲真係唔同哂,厚返,暖左,王菲個人都企返定係小瑟面前好多,而音樂既空間感都明顯比之前有層次左,估唔到,連小瑟套硬橋硬馬既BLUE-SKY喇叭都可以出到呢D有音樂感既音樂,不過雖然小瑟話好左好多,不過小瑟知道始終同音響發燒中既"好"係有好一大段距離的,因為始終小瑟不嬲都係玩AV為主,但係以小瑟現在既器材可以出到如此既音樂,已經好足夠了!!!

OPPO-83SE-38

靚仔電源

其實部機既影音效果可以咁出眾,佢內部既電源系統應該都唔會太差,小瑟試完哂之後,就忍唔住拆開部機睇下內部結構,果然內部結構整齊有序,份電板上仲有二粒靚靚電容,唔怪之得83SE可以有咁穩定既畫面同音效出到大家呢!!!

OPPO-83SE-39

OPPO-83SE-40

OPPO-83SE-41

OPPO-83SE-42

大家留意勒,比多2千幾蚊就係為左呢個SPECIAL EDITION既RCA輸出端子呢!!!

OPPO-83SE-43

後話

其實係插好電,正式開場唔洗5分鐘之後,小瑟已經知今次"奶"野了,因為試過呢部機之後,已經返唔到轉頭了,呢部機畫汁,音汁都比到我想要既野,連LOAD碟速度之快,操作之暢順,如果冇睇清楚究竟係玩緊咩機,唔知真係以為係入左隻DVD碟入去,LOAD到快到。。。呢部機唔止LOAD碟快,LOAD MENU,都比到我返返去以為DVD PLAYER時代既感覺,估唔到,一部有樣有料既藍光碟機,竟然係由我地中國研發同製做。

一齊試玩

好勒,淨係得小瑟有得玩邊度夠過引架,小瑟反正都已經問左OPPO中國借左部機返來玩,我會同佢地申請將部機借比我地既會員們返屋企慢慢試,不過當然要等佢地批准同埋唔可以話指下個鼻就有得玩啦,一定要有小小要求同規則既.不過暫時我會同 WIL再研究一下D細則先,好快,就可以有玩法同規則比大家,如果對呢部OPPO BDP-83SE有興趣既朋友,記得每日都留意我地既網站公告同埋活動發佈呀!!!


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章