Love Mi 鄭秀文世界巡迴演唱會藍光碟 (完全版)

– 序

上帝早已預備………………..呢句對白成日都係電視聽到, 不過一路都係賣緊 DVD版既廣告……對我地呢D已經中HD毒入哂骨既朋友來講, 次次一聽到呢個廣告都不是味兒…………….係 2010年3月25日……….呢隻BLU-RAY版既 SAMMI LOVE MI 2009 演唱會藍光碟, 終於都見街了.

Sammi_live_2009_01

Sammi_live_2009_02

Sammi_live_2009_03

– 前言

係上年, 小瑟想買飛睇現場, 耐何…..真係同SAMMI講既一樣, 撲飛撲到面色涸黃, 最終都係買唔到, 最後, 唯有希望可以係 BLU-RAY版度, 以高清既角度, 去欣賞返 SAMMI呢個”重生”後第二次開既演唱會啦.

係月頭, 係各大媒體上, 都只係提及到 DVD版本既資料, 所有 BLU-RAY版既野, 完全冇任何消息幾時會出…..係呢刻, 小瑟究竟係買DVD先, 定係死等先呢?? 答案係, 小瑟早左身邊友人買左 DVD版先, 之後借佢來睇~~~XDDDD

– 演唱會小評

成個演唱會其實係DVD版時都已經睇哂, 但BLU-RAY版因為時間既關係, 應該會今晚先開場, 不過小瑟睇過好多評價, DTS-HD條聲好怪, 畫面唔係頂班馬, 呢樣唔好, 果樣唔掂……..不過點都好, 我睇完DVD版之後, 係 SAMMI既表演上, 狀態係完完全全壓倒性地好過上次 07年既演唱會既, 而SAMMI既魅力, 係佢份感染力, 當我睇佢呢個 LIVE時, 我不其然會諗, 其實上次佢拍完”長恨歌“出事之後, 佢應該死左了, 依家我地眼前見到既 SAMMI, 係真真正正比上帝救返返來既 SAMMI, 所以依家既 SAMMI所做既野, 其實都係上帝派比佢既任務, 而佢亦都做得好好, 佢將香港既流行音樂, 轉化成歌頌主既福音歌, 雖然有人會覺得可能好低能, 不過小瑟就覺得好受落, 亦都深信, 我地既下一代, 一定會有人係唔可以再好似以前我地細個咁, 企定定聽聖恩既人 所以一個可以感染大眾既人, 上天一定有其任務比佢, 問題只係呢個人, 會唔會有緣份可以同佢既主溝通到, 可能大家會覺得小瑟咩事講野咁玄, 不過小瑟相信, 只要係叫人向善既, 都係好事, 都係絕對值得讚揚既…………………譁………..越講越遠, 返返來先.

Sammi_live_2009_04

– 包裝小評

講返個BLU-RAY碟先, 包裝上係一個紙套入面內藏傳統既BLU-RAY盒, 老實講, 個封面小瑟就唔係咁鍾意勒, 呢張相雖然影得 SAMMI好有 POWER, 不過亦都冇咩美感, 色彩上亦都好黑暗, 唔係好配合呢個 LIVE既感覺. 不過係後面SPEC既排版又做得幾好, 夠哂清楚, 一睇就知有咩音軌同有咩制式係入面, 都OK啦!!!

Sammi_live_2009_05

Sammi_live_2009_06

開左紙套, 入面既封面同底, 都係差唔多…

Sammi_live_2009_07

Sammi_live_2009_08

之後就開盒睇下先, 入面有一隻BLU-RAY啦(廢話XD), 另外有一本小小既演唱會書仔, 都係記錄左演唱會同一D幕後SAMMI既相片, 有D相都幾靚既!!!^^”

Sammi_live_2009_09

Sammi_live_2009_10

係YOUTUBE上, 原來都好多朋友將呢個 LIVE既內容上載左…..好奇怪, 咁耐都冇唱片公司去KILL佢既, 不過其實唔KILL都好, 因為如果識得借YOUTUBE來宣傳, 其實仲更加可以另到人們對正版既 PRODUCT更感興趣呢!!!

– 終於睇哂全碟

好, 小瑟終於都睇完哂整隻演唱會, 同埋影好哂相同大家分享一下勒, 研究呢隻比上一次演唱會藍光仲要平小小既新藍光碟, 係聲畫既質素方面, 應該點評分好呢??? 好, 唔好講咁多, 先睇睇呢隻碟既資料先, 之後就開機去片!!!!^^

– 藍光資料

區碼: 全區碼
字幕: 繁體中文, 簡體中文
光碟格式: Blu-ray, 50 GB – Double Layer
音效資料: DTS-HD Master Audio, Uncompressed PCM 5.1., Dolby Digital 5.1, Dolby Digital
出品商: 東亞唱片

之後, 我地就入碟進入MAIN MENU先. 簡簡單單, 沒什特別!!!

Sammi_live_2009_11

再入入歌曲選單睇睇.

Sammi_live_2009_12

音效以及字幕選擇.

Sammi_live_2009_13

之後再下一個就係特別收錄勒, 一陣我地睇完個 LIVE之後, 再慢慢入去同大家介紹一下呀!!!^_^

– 畫質小評

先講講畫汁, 其實呢個 LIVE既畫汁唔算差既, 不過好靚又唔講得, 可能呢D流行音樂既演唱會都有好多唔同既燈光同煙火效果, 所以有好多時都會覺得畫面唔係好清好清果隻, 另小瑟又發現, 會場上有幾個位既機唔知點解, 硬係有小小 OUT FOCUS既情況出現, 小瑟覺得可能係某幾部機係用比較低檔次既機做錄影所致, 不過好彩, 果D位通常都係則邊位, 觀眾位, 唔太多鏡頭有呢D情況出現, 所以整體既效果都仲係滿意既, 不過如果對比上一次既 LIVE既藍光碟畫面來講, 今次既 LIVE就真係有小小不及上次咁好.

Sammi_live_2009_14

其實好似呢D位咁, 基本上真係收哂貨架勒, 尤其SAMMI手臂上清清楚楚見到好多一點一點既東西, 真係可以逐粒數到, 但係畫面既整體上, 就係欠缺左小小HD高清既立體感同穿透感.

Sammi_live_2009_15

小瑟之前係睇 DVD版既, 好似呢D咁多細節同色彩咁豐富既場面, DVD可以一個字講哂”爛”, 所以睇演唱會呢D咁多采多姿既節目時, 唔整返隻BLU-RAY睇, 跟本就唔叫做有得過成個 SHOW~~~XDDD

Sammi_live_2009_16

– 音效小評

呢隻碟有既音效選擇唔多, 一條PCM5.1同 DTS-HDMA 5.1係小瑟比較有留意既, 比較上一次有用 PCM5.1同 DD TRUE-HD5.1, 今次放棄左用 DD T-HD原因真係唔知, 不過自從高清HD世代以來, 小瑟睇 LIVE既 BLU-RAY未有一次係可以係 DTS-HDMA上, 可以得到一次覺得滿意既效果既, 反而 TRUE-HD就有D驚喜喎, 好似上次 SAMMI既 LIVE BLU-RAY咁, 用上 TRUE-HD既音軌音色通透, 重音樂感, 有感情, 真係令人可以投入音樂本身, 但今次放棄左佢而轉用 DTS-HDMA, 我諗都係市場關係啦, 不過小瑟就有D失望勒, 雖然DTS-HDMA取樣係用 24BIT/96K, 聽得出佢係真係細緻求非常之高, 基本上真係咩聲音都收哂入去, 唔知係咪因為咁, 聽出黎既感覺真係好生硬, 好數碼, 就好似有你冇你咩都比哂你, 好似D低音咁, 有幾首歌唱既低音直頭係有小小 OVER左其他既樂器既, 攪到整個演唱會小左一份音樂應有既感染力同陶醉感, 可能小瑟屋企既器材唔入流, 係炸野, 所以就聽唔出 DTS-HDMA既威力啦, 但聽歌睇戲既野, 永遠都係一件好個人感受既野, 小瑟只係講出自己既感覺, 希望大家都唔好介意呢!!!!^^”

而當小瑟轉用 PCM5.1去欣賞呢個LIVE, 雖然都唔係話可以有180度既轉變, 不過起碼聽落順耳左, 音樂感好返D, 但唔知係咪錄音既關係, 呢個 LIVE始終唔係話好高水準之作, 只可以係用 “高清收錄” 來形容呢~~~一_一”””

Sammi_live_2009_17

唔知點解小瑟成日都有個感覺, 新裝修後既紅館, 打D燈好光同太硬, 音響好似太新, 係BLU-RAY碟上, 畫面上成日感覺都好似D光想爆想爆咁款既, 而低音又勁到太硬太硬咁樣!!!

Sammi_live_2009_18

呢一幕唔係想笑陳煥仁既, 不過佢地二個併埋一齊時, 的確係高度上係形成一個幾滑稽既組合呢~~~XP

Sammi_live_2009_19

睇BLU-RAY演唱會, 另一個我覺得幾過引同埋以前唔會有興趣睇既一個環節, 就係睇觀眾, 以前D觀眾邊起眼架, 依家………大家如果坐 $480既, 真係女既要 SET 行妝, 男既要 JEL 好頭先好出席, 因為個高清鏡一 PLAN埋黎, 真係清清楚楚, 差D連鼻毛都見到架~~~XDDDDD

Sammi_live_2009_20

Sammi_live_2009_21

Sammi_live_2009_22

Sammi_live_2009_23

拿拿拿, 話口未完, 我地就見到原來亞DEEP個女友, 亞模特兒莊乜乜係度勒, 仲渣住部 CANON+55-200KIT鏡添~~XDDDD

Sammi_live_2009_24

– 特別收錄

好勒, 主菜就同大家分享過勒, 係時間一齊黎撈下呢隻藍光碟既汁既, 之唔係特別收錄囉, 小瑟都好小睇SF既, 不過呢隻碟既 SF真係值得一睇, 片長都有成廿幾分鐘既, 入面除左會講 SAMMI自己早係呢個LIVE既5個月前已經開始日日操練同節食之外, 仲有好多係佢身邊幫佢做呢個演唱會既朋友既一點點感想, 雖然每人都只係講小小感受, 不過就可以睇得出, SAMMI身邊都好多真正既好朋友, 好幫手, 好拍檔, 而係呢個 SF上, 我地更加可以睇到一D比較特別既嘉賓係呢個 LIVE既出現, 好似劉華啦, 林海峰啦, 同 BIG FOUR(安仔當然係唔小得啦XDD), 好可惜, 有好多好精彩既場口, 只可以係現場先可以睇到, 只我地就只可以係BLU-RAY既特別收錄上, 只睇到一丁點既精華片段…….真係…..@_@

而係呢段既SF上, 大家都唔好期望會有D咩質素可言勒, 總之就叫睇得清楚, 聽得清晰啦…..不過我諗大家對 SF既野都唔會有咁既要求啦!!!哈哈~~^.^

Sammi_live_2009_25

Sammi_live_2009_26

劉華呢段既獨白真係………………….好劉華架呢~~~XDDDD

Sammi_live_2009_27

呢個係SAMMI既髮型師哥哥!!!!

Sammi_live_2009_29

亞JAN呢段, 我只係聽左小小, 都覺得佢真係幾攪笑, 佢攪呢D食字野, 真係有一手!!!^.*

Sammi_live_2009_30

BIG FOUR就唔洗講, 大家既焦點都係安仔同SAMMI既關係啦~ 亦都可以睇到佢地5個人呢份友誼, 真係好難得, 尤其係娛樂圈!!(小瑟咪扮行內人啦~~XDDD)

Sammi_live_2009_31

好勒, 同大家介紹呢隻碟都差唔多勒, 今次呢隻碟小瑟一出就即時撲去買, 而本身未出時亦都會諗過呢個 LIVE會唔會好似上隻咁, 個價勁貴, 同死都唔落價呢??? 好彩答案係唔會既, 小瑟係 CD WAREHOUSE入手, 價錢只係 $238, 冇炒冇剩, 非常健康. 雖然碟內既畫汁同音汁都只屬合格好小小之列, 不過睇演唱會既野, 最緊要係氣氛, 歌, 同歌手岩唔岩聽, 小瑟就對 SAMMI既歌同人都OK鍾意, 所以基本上都唔太介意隻碟既質素係點, 況且, 呢隻碟又唔係叫差, 只不過唔係頂班碟, 好似亞蔡琴姐姐既碟屬頂班又如何??? 小瑟都唔識聽果D歌, 幾頂班都冇用….^^”

所以買碟既野, 最緊要岩聽岩睇, 如果唔係會飛都係假, 各位對全新 SAMMI有興趣既朋友, 唔好諗咁多, 入手啦!!!^^”


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章