新玩具Philips PFL9664H 42″TV(入手+安裝篇)

呢年因為睇得太多試聽會, 試影會, 所以攪到自己係不知不覺之間原來都中左毒,尤其係眼睛上, 因為睇投射出黎個效果真係冇得頂, 流暢度, 畫面細緻度, 黑位, 光位處理………………

返到屋企睇返部 TOSHIBA LCD TV, 雖然佢唔係差, 畫汁老實講, 我都好滿意, 不過小瑟始終都係鐘意睇戲同喜歡玩AV之人, 1080/24p 呢個字眼, 始終有小小情意結, 可以的話, 都希望可以將部 BD30校返去 24p輸出, 因為睇過以 24p輸出既投影機, 係重播變形金剛2, 進入沙漠神壇既一場戲, 由上 Pan去下……..果種流暢真係………….諗起都仲記得果種感覺…………

th_008_

可能大家會問, 咁不如你好心就玩投射啦…..更加會話, 你唔玩投射都唔緊要勒, 起碼你都買 47″啦……….其實各樣可能性我都諗過了, 之不過以我屋企既位置(由牆到梳化幅牆都唔夠8尺), 再加上我日日都會睇電視既, 16:9畫面用盡, 我都怕日日咁睇對自己, 對屋企人既眼睛都唔係幾好, 始終呢個家, 唔止我一個人住架麻, 仲有老婆同囡囡, 依家睇 42″都可以接受, 再加上BUGET始終有限, 就係因為種種因素,今次既換機行動, 我始終都係選擇返 42″既型號勒!!!

http://www.post76.com/discuss/images/smilies/onion/th_102_.gif

就係因為咁, 小瑟就不惜再向立法會申請撥款, 希望可以全數通過換機提案, 係進行左三個月既資詢期同不停到各大影音店比較之後, 終於呢部Philips 42″ 42PFL9664H正式入宮勒!!!!

philips_9664_01

呢日, 二位師父都好小心奕奕地將盒打開, 囉部 9664出黎, 不過其實見佢地都好輕鬆, 因為佢地話依家D LCD TV已經好輕, 一D都唔似2年前既機咁重.

philips_9664_02

philips_9664_03

philips_9664_04

之後, 一位師父就負責度牆開孔, 而另一位就負責係機身裝上掛牆架, 原來依家既掛牆架好簡單架炸, 二枝野, 就攪掂架勒, 真係估唔到原來咁簡單!!!!

http://www.post76.com/discuss/images/smilies/onion/th_099_.gif

philips_9664_05

小瑟就係吼師父攪其他野時, 走埋去影返張屁股相先, 方便第日有需要時, 唔洗下下都囉說明書出黎慢慢睇, 上返黎呢個 BLOG一睇就知道究竟後面係咩布局勒. 你知啦, 有時要插起野上黎, 又唔想囉說明書睇, 一般都係用”電筒+鏡去”睇位, 呢個時間如果有幅圖比對下, 就最好不過呢~~~

http://www.post76.com/discuss/images/smilies/onion/th_096_K.gif

philips_9664_06

另外, 飛記既 TV REMOTE, 都幾重手架, 好實在, 好有質感, 係金屬物料來的. 仲有係幾粒主要既制上, 仲有埋夜燈功能, 因為時間太緊迫, 我就影唔到比大家睇勒.

(其實依家已經開左夜光燈, 大家當已經睇到先啦!!)http://www.post76.com/discuss/images/smilies/onion/th_092_.gif

philips_9664_07

好勒, 二位師父都準備好哂勒, 埋牙插野勒…….大家睇下師父既功架幾………”得”

http://www.post76.com/discuss/images/smilies/onion/th_070_goodjob.gif

philips_9664_08

philips_9664_09

上牆過程就係咁簡易, 一勾一上, 攪掂, 再係下面上返好二個扣仔, 係咁多…..

philips_9664_10

philips_9664_11

師父即時比我睇下, 佢手功幾好…真架, 佢一掛好, 就一野囉個水平尺來話: (你睇下, 真係FIT哂, 完全平水架~~), 小瑟當然即時回報佢好幾下掌聲, 再加上周星馳式既“好野, 好野, 佩服, 佩服”過師父嘆下啦~~

http://www.post76.com/discuss/images/smilies/onion/th_072_.gif

philips_9664_12

好, 大家黎睇下 PHILIPS獨有既 Ambilight Spectra 功能先………………………..因為只此一次架炸, 事關小瑟會永遠將呢個功能封印, 唔會再開呢~~~~

http://www.post76.com/discuss/images/smilies/onion/th_091_3.gif

philips_9664_13

雖然執緊野, 不過都係影多幾張相仔先!!!!

philips_9664_14

第一次接觸 PHILIPS既電視機, 佢個 MENU都幾”得意”, 因為都幾多林林沈沈既功能, 不過有D香港都唔多用得呢~~~

philips_9664_15

之後, 小瑟就用EIZO既液晶螢幕測試精品工具, 即時 CHECK CHECK究竟有冇光點同死點先…….

philips_9664_16

philips_9664_17

CHECK完哂基本上見丁唔到有任何死點同光點, 呢關都算過左.

小瑟玩左呢部機幾日, 其實開頭都真係有小小拿手唔成世, 因為呢部可能係 PHILIPS既最高級 MODEL機, 好多功能需要調校, 而如果唔識校既話, 係絕對有可能另你覺得”點解部機D色可以咁怪??”, “點解部機D畫面咁爛??”, “點解……..”,”點解……..”,”點解……..”, 可以有數十萬個點解出現係用家既心入面.

現在小瑟先出呢個“入手+安裝”篇比大家先, 之後小瑟會不停上網睇文章, 不停調校, 希望可以得出一個另小瑟覺得滿意既畫質, 之後再同大家講解一下, 係調校呢部機既小小心得同一D必要知既技巧呢, 因為小瑟玩左呢幾日, 我絕對可以講係有小小氣餒同失敗感, 因為有D地方一SET錯, 畫面真係隨時可以差過我舊果部東芝呢!!!

http://www.post76.com/discuss/images/smilies/onion/th_058_.gif


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章