小瑟家訪 – 線王的高清影音世界

圖/文: 小瑟

前言……..

真係好慚愧, 呢個家訪其實已經係 2009年10月份既事, 家訪完線王之後, 其實佢都已經換左好多野, 真係講難聽D, 結埋婚, 生埋仔我都仲未出到個 REPORT來比大家睇, 呢個係小瑟既負責, 對不起, 對不起, 眼見 FORUM有好多新進都會私訪其他版友, 仲好快手就出哂 REPORT, 小瑟都覺無地自容, 唯一可以做既, 就係快快出左個 REPORT佢, 好等小瑟同線王兄有個交代!!!!

好, REPORT正式開始…………{:6_183:}

線王…..一個好傳奇既名字………….

線王………一個非常之泠酷既名字…………..

線王…………..一個你唔識佢會以為佢係神聖不可犯既名字……..

但係我地既線王, 反而係一個平易近人, 深得民心既世外高人…………究竟線王既名字係點既由來呢??? 我諗我地都唔洗再深究架勒, 因為我地既線王, 就係同係 AV界非常出名既”功夫熊貓”既主角亞寶一樣, 擁有一顆善良既心, 同埋一身連佢自己都驚既驚世影音造藝. 而呢日, 小瑟就有幸, 可以親身上到呢位人人都敬重, 影音界稱王既高手 – 線王的高清影音世界呢!!!!

hintel_hV_01

我地先黎睇下線王屋企器材名單先呢!!

TV:  Pansonic 42PY800 PLASMA
AV AMP: Pionner VSX-LX51
藍光影碟機: PIONEER 51FD
高清機頂盒: MTV3000
前置喇叭: Monitor Audio BR5
中置喇叭: Monitor Audio BRLCR
後置喇叭: Micropod SE
超低音喇叭: SunFire HRS-12

當日除左小瑟之外, 仲有Lemonstar兄一齊同小瑟家訪既, 我地一踏入線王既家庭影院, 即時比佢套機既氣勢吸引住, 整套機以黑色為主, 分別係 Pioneer既LX51 AV擴音機, Pioneer既 51FD BLU-RAY影碟機, 加埋前中置都係 Monitor既喇叭, 最後加埋 Panasonic既 42PY800 PLASMA, 呢個黑勢力既組合, 真係好強, 當然, 有埋岩岩加盟線王屋企既12″超低音 SunfireHRS-12, 我諗未洗開聲, 淨係個勢, 都已經夠哂照啦…..

hintel_hV_02

hintel_hV_06

係我地到訪線王屋企之前, 線王已經好細心咁開定機聽收音機來另佢所有既機都進入作戰狀態先, 而小瑟今次既到訪其實事前都冇咩預備, 可以講係話即慶到訪既, 所以都冇帶D咩重型傢生比線王玩, 但線王屋企叫得線王, 其實佢既傢生都多過小瑟既多多聲, 又洗咩玩我D野呢~~~~ 今次小瑟其實反而係最想試下 PIONEER既 AV AMP究竟係咪傳說中咁勁, 事關係家訪前, 小瑟跟本未真正聽過 PIONEER既 AV AMP既聲音. 所以今次除左參與之外, 就係去試試大家都話煥然一新既 PIONEER究竟係咩一回事呢~~~~

hintel_hV_07

hintel_hV_08

hintel_hV_09

我地不如先黎睇下可以進駐線王屋企既家庭影院, 成為5.1系統中, 最重要既一環既中前置喇叭先啦, 前置係 Monitor Audio BR5座地喇叭, 而中置就係 Monitor Audio BRLCR既喇叭, 線王既選擇都係好標準既同一系統喇叭咁選擇, 呢個當然架勒, 因為同系既喇叭始終係結構上同性格取向方面都比較相似, 係玩環繞聲時,D走來走去呀, 飛來飛去如果用唔同喇叭系列就最易奶野架勒, 始終唔夾聲係睇戲時一定投入感大打折扣架麻, 而一套戲中左中右三個聲道都會經常有好多場口係同時出現既, 所以用上同一系列就最好勒. 而線王之所以會選 Monitor Audio 無他既, 因為佢想聽埋歌, 咁呢隻英國喇叭又岩佢口味, 有時買野就係咁簡單…之麻……..

hintel_hV_03

hintel_hV_04

hintel_hV_05

之後我地鏡頭一轉, 就去左後置喇叭上, 大家可以睇到線王用既就係係我地討論區上非常之好評既 Minipod Se, 可能大家睇完個名都未知係咩, 但如果我話[小寶寶]咁大家知道勒卦…….冇錯, 線王就係用呢對咁可愛既小寶寶來做佢既後置喇叭, 唔好講聲音係點先, 睇樣都掂哂啦~~~~

hintel_hV_13

再黎我地就一齊黎睇下線王部 42″ PANASONIC PLASMA先, 42″呢個 SIZE講真開正小瑟果飯, 事關我屋企極其量最大都只可以擺 42″了, 再大就會好辛苦, 所以一見到有 42″型號既電視機, 都會十分起勁既, 尤其係近年 PANASONIC既 PLASMA都有唔錯既口碑.

hintel_hV_11

圖中大家見到既, 就係一部中國製造媒體播放器, 現今世界, 呢類既媒體播放器只會越出越多, 功能越來越強, 就以呢部細細部, 個款只係好似一部外置硬碟機既”一舊野”, 原來已經可以播放 1080P既網上多款流行既 FILE FORMAT, 最勁既係, 佢仲可以以 BITSTREAM形式將檔案上既高清音效以 HDMI直接輸出到你既 AV擴音機上, 以後點燈仲邊止 BLU-RAY PLAYER先可以………..哈哈

hintel_hV_10

hintel_hV_14

不過話分二頭, 當日小瑟同各人分別試過原碟由 51FD BLU-RAY PLAYER播功夫熊貓一段, 再係媒體播放器上放出同一段, 始終 51FD係表現上無論係聲音既細緻度同密度, 都係明顯豐富好多, 所以話, 就算大家都係可以點燈, 都唔一定有相同既效果, 唔係D BLU-RAY PLAYER仲點可以賣咁貴呀?~?~哈哈

hintel_hV_09

以下就係線王囉出黎哂小瑟泠既 BLU-RAY, 小瑟一見咁多碟, 即時比佢大到, 因為如果試哂咁多套, 我怕我會中毒身亡, 屋企又要換野呢~~~~ 所以最後都係搵左 KNOWING, 功夫熊貓, 變形金剛, 來試, 事關呢三套係小瑟聽得最多, 最有印象既三套了, 時間又有限, 所以只可以搵出最精選果幾段來試呢!!!

hintel_hV_12

第一套就試下功夫熊貓先啦, 就搵亞寶上山偷睇蓋世五俠同選出龍戰士一段, 因為線王佢換左新 woofer, 所以小瑟都好想試下Sunfire究竟係處理呢D低沈位上, 會係點樣樣, 尤其係星哥都話係亞寶暈左之後, 開返眼第5下果下低頻, 真係好考woofer既, 事關唔夠低既 woofer會出唔到應有既低頻, 出得到體質唔夠好既, 又會有”拍邊”既問題出現, 所以我地就以呢段來做個測試, 結果我地反覆試左好幾次, Sunfire果然係有D料到, 雖然小瑟都覺應該仲有D聲係未出到來, 但佢出到好實在既”轟轟”二野, 聽得出係應付到既, 可能因為個 Woofer太新, 仲未 Run in好, 所以先有出唔哂既感覺呢!!!

hintel_hV_15

跟住我地就放入係家訪期間最流行用來試機既”Knowing – 地球毀滅密碼”來再試試線王組合既連貫性, 高音既控制力, 同定位, 低頻既效果勒. 當然我地就係選左睇到熟到喊既炒機大爆炸來做試點, 當飛機就到既時間, 小瑟真係聽到由右邊上方好清楚傳來既飛機聲, 慢慢飛機進入射程範圍勒……………譁……真係炒到埋身勒, 好強勁既炒機高音, 呢段野個喇叭既高音小定功力都真係唔掂呀, 雖然呢段炒機既音效係設計到專登標高非常非常之多既, 但係呢套組合上, 都算係表現出最理想既效果. 當然, 應該係可以仲有進步既空間既, 如果唔係, 線王大人都唔會有一連串既升級計劃呢(究竟線王想升D咩, 我一陣再講)~~~~

之後我地就開左套變形金剛二來試試勒, 我地選擇左開頭火拚既一段來試, 由狂派機械人發難開始, 整段戰事小瑟同Lemon兄都睇得非常投入, 爆炸, 開槍既子彈聲, 柯柏文出場既配樂聲, 都細緻得非常可以, 此等效果, PIONEER既擴音機當然功不可沒呢~

hintel_hV_20

其實之後其實線王都囉左隻 2009 AV展既原音精選CD比小瑟欣賞架, 不過小瑟又趕住走人, 所以都冇點細心聽, 反而又係係度不停咁線王, 星哥吹水… 大家明架啦, 難得小瑟可以同老友記見面, 當然係吹多二咀, 唔守規矩架啦~~~(哈哈..小瑟既唔笑爛GAG又黎勒)

hintel_hV_21

好勒, 戲就試完, 小瑟係一個好八卦既人, 當然會周圍去睇下線王屋企既其他野啦…XDD, 睇睇呢對前置喇叭先, O~~inakustik LS 502既喇叭線喎……..E~~~原來佢隻腳仔都唔野小架喎, 有個Iinn skeet既私家腳踏架喎, 呢舊野唔好睇佢咁細粒呀, 呢D補品拿埋都成 $7XX/8隻架, 線王認真捨得….

hintel_hV_22

hintel_hV_19

hintel_hV_16

hintel_hV_17

hintel_hV_18

之後, 不如就由小瑟帶大家去睇下線王屋企既其他面貌先啦~

呢個就係線王既皇帝位勒, 大家可以睇到, 線王原來除左鍾情玩線之外, 原來都會玩下鹹水魚架喎, 小瑟睇左一陣都覺得好勁, 因為………….

hintel_hV_23

佢個位則邊原來仲有一個成個 SUB仔咁大既電泵, 小瑟唔係好清楚究竟呢舊野既用途係咩, 不過見哂線王成套鹹水魚裝備之後, 真係覺得玩呢樣野, 原來係覆習過玩影音好多, 果擔心機真係……….

hintel_hV_24

之後就帶大家入去平時線王同大家把MOUSE談心, 落毒毒害大家既大本營先……

小瑟屋企個電腦檯係非常之亂既, 估唔到線王既檯竟然……………係咁整齊呀~~~~

hintel_hV_26

佢腳下個 SUBWOOFER, 都大隻架, 不過小瑟就冇開來聲過呢~~~~

hintel_hV_27

大家又記唔記得呢粒釘腳呢?!??! (估中冇獎)

hintel_hV_28

因為線王屋企既視聽環境其實都幾大, 小瑟粗略估計都應該有15尺x8尺左右以上既觀賞空間, 所以以一部42″既觀賞畫面來講, 應付呢個咁深而又長既家庭影院, 絕對係未能夠令眼睛得到充分既滿足呢, 所以就係大家試完哂要試既野之後, 線王終於都道出佢未來既大計, 包括左先換電源系統由英式到美式啦, 加入後級以增強整個音場, 音色既控制力同量感啦, 攪大畫面啦, 裝修啦, 買車啦, 買樓啦, 娶老婆仔啦, 生細路仔啦, 乜乜啦, 物物啦…….好多好多野線王都想攪, 而大家睇到呢段家訪REPORT既同時, 其實線王已經做好左小瑟先頭講果二樣, 換全套美式電源同埋加入後級系統, 所以話, 線王兄果然係世外高人, 要做既野係一定會做到既, 希望好快, 小瑟就可以同大家再一次報導一下, [全新的線王的家庭影院], 等大家都可以同小瑟一同參與線王既幸福家庭影音生活呢~

最後, 小瑟當然要同大家介紹一下, 呢間屋既真正主人啦, 佢除左入來瞄左我一眼之後, 就一直係呢個位唔多郁, 果然係得呢間屋生活既, 除左人淡定之外, 連佢既愛貓都一樣淡家有錢剩既!!!

hintel_hV_25

如果你都想同各位版友討論交流一下影音事, 請CLICK入以下網址啦!!
http://www.post76.com/discuss/forumdisplay.php?fid=5


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章