小瑟家訪 – Raphael的家庭影院(下)

rap_hv_30

就係第一集既結尾, 大家都應該好奇怪點解一個家訪活動, 竟然無啦啦會全部人都舉人飲勝架呢??? 其實原因就係因為係家訪前一日, 就係我地既特攻隊員Lemonstar兄既生日, 所以今次其實我地係靜雞雞咁為佢預備左個小型生日驚喜既, 而過程中我地就洗左橫手叫左 Lemon兄返屋企囉部 Notebook既……..欲知後事如何, 大家睇埋落去啦!!!^^!

講返個家訪先, 今次我地去Rap兄家訪, 試完第一套戲之後, 作左小小既調校, 但今次我地除左 Milk兄係度之外, 仲有線王Hintel呢個[專業影音頻段分析員]係度, 咁我地又點可以浪費左佢呢?? 而因為線王Hintel要既工具就係 Notebook, 所以大家明白點解我地可以借D椅洗走 Lemon兄返屋企呢!!XDDD……..而係呢個時間, Rap兄為我地預備既 Pizzia亦都已經到場……不過大家都奇怪點解冇一張可以用來食飯既檯既時候……….神奇既事終於都發生勒……原本 Rap兄屋企, 除左暗藏德發光頭鋪之外(詳情請見上集), 仲收埋左一部活生生既[變形金剛]係大廳既中間呀…………

rap_hv_2_01
rap_hv_2_03
rap_hv_2_02
實在太過堅挺勒, 竟然一個完全唔起眼既茶機仔, 搖身一變就成為左一張可以排排坐, 食粉果既飯檯….@@! 小瑟真係睇到O 哂咀之餘, 在場既所有人都直頭開聲尖叫呀….XDDDD

rap_hv_2_04

E~~~~安頓好哂所有PIZZIA之後, 究竟咩原因大家都唔開餐呢?? 圍哂係度攪咩呢????

rap_hv_2_05

原來就係為左個 SUBWOOFER既聲音而大家係度諗緊, 究竟點解個 WOOFER既聲好似怪怪地, 好似唔係大力得來有D控制唔到既感覺, 之後, 見個 SUBWOOFER已經用左一個一開二既 WOOFER線, 唔知係咪呢個原因, 所以, 由線王提出不如只用一個 INPUT直入咁好唔好呢??? 當時大家都你眼望我眼咁…..事關, 我地大家都冇預過要搵個二合一既 RCA插頭, 咁點攪呢???

rap_hv_2_06

就係呢個時間, 線王就囉出佢既神奇百寶袋出黎, 呢個袋直頭就係叮噹果個袋仔, 雖然袋仔細細, 不過大家千萬唔好睇小佢, 事關….哈哈….哈哈…..真係咩都有架~~~~~XDDDDDDDDD

rap_hv_2_08

我地難得今次可以一窺線王全貌……….丫 SORRY, 係一窺線王個百寶袋既全貌先真…..呢個我夠膽講, 肯定係全港獨家同埋首次, 所以大家好快快手咁 CAP起呢張圖, 話唔定, 遲下會掀起炒風, 到時我會DELETE左佢架勒~~~~哈哈

th_051_

rap_hv_2_09

rap_hv_2_07

而與此同時, 小瑟都帶左一系列既毒物上RAP兄屋企, 本來諗住淨係遂條試, 都應該可以另RAP兄毒發身狂……..點知當晚整個家訪過程中, 竟然冇機會用得上….真係……….唉……….何必呢…..何必呢…..

th_003_

rap_hv_2_101

好勒, 換左個WOOFER線頭, 都叫做攪過下小小野, 而當晚, 其實成件事已經變成一個聚會, 影音家訪差唔多已經名存實亡, 而係等待Lemon兄囉Notebook期間, MILK兄就叫 RAP兄不如囉D平時聽開既 CD出黎, 等佢試下聽聽, 睇下有冇D基本野可以快D執執佢. 雖然今日都係大家開心吹水玩下多架勒, 不過始終攪一攪, 都起碼叫對RAP兄做左個小小既交代呢, 如果咩都唔攪下, 我怕 RAP兄會強力咀咒我呢~~~

th_010_

rap_hv_2_11

rap_hv_2_12

好勒, 一首歌聽完之後, MILK兄就覺得右邊既聲同左邊非常之唔平均, 所以就希望係擺位上, 作小小既改動, 將二隻喇叭既位置拉返近小小, 果然, 整個音場都生動左, 立體感都強返, 此時小瑟都睇到 RAP兄面露滿意之色, 噓…..咁都算交左小小功課啦!!!

th_014_

rap_hv_2_13

之後就到左今日既戲肉勒(竟然呢PART先係戲肉…….XDDDD), 就係 Lemon兄返來勒, 佢一入來時, 我地係熄哂燈架, 之後佢都好奇怪, 之後一開燈…..譁………佢真係嚇到面青口唇白呀, 佢點都估唔到, 我地一班網上萍水相逢既版友, 竟然會攪一個小小小型既生日會同佢慶祝, 雖然遲左一日, 不過當晚既氣氛絕對係同正日完全冇分別, 唔好話 Lemon兄本人, 就連 Lemon嫂都比我地嚇左一跳………之後佢話我地竟然唔同佢夾埋一齊玩驚喜呀!!!…XDDDDD

rap_hv_2_14

rap_hv_2_15

好, 廢話小講, 大家黎乾左佢先啦~~~~~

th_034_

rap_hv_2_16

好勒, 大家盡興過後, 又返返來呢個影音家訪既路途上勒, 線王就囉住部 Notebook係度不停咁整整整, 講真, 我對佢呢個 Program就一無所知既, 只見佢不停係度 SET呢樣校果樣, 好專心咁, 究竟佢係度攪咩呢???

rap_hv_2_17

原來呢個 PROGRAM 叫 Room Wizard 就係要來測試你整個家庭影院中, 整個系統中可以出到既聲音頻段既 PROGRAM, 呢個 PROGRAM都非常易用, 只需要你部 Notebook有 line-in位, 駁埋個音壓計, 再將一對 RCA線插入AMP中其中一個輸入上, PROGRAM就會發出一個音頻, 從而可以測量到你既系統入面, 究竟邊個一個頻段係冇左, 邊個頻段係小左咁既.

rap_hv_2_18

rap_hv_2_19

做完一輪SETUP之後, 終於線王都可以就位勒, 不過就係呢個就位, 大大話話都就左差唔多成10分鐘都就唔出個位來, 我地全部人都唔知仲以為好多野要調校, 見線王來來回回咁用左呢個[超大聲]音頻既測試音來試個PROGRAM 仲以為係整個 SETUP既一部份, 點知………….

th_019_

rap_hv_2_20

各人大大話話都等左線王好幾分鐘, 都仲未開始得, 大家當然係不停吹水講野架啦, 小瑟見情況唔多對路, 點解咁耐都未開始得呢……..原來……..線王話佢不停咁用音頻測試, 但因為我地不停吹水傾計, 發出嘈音, 所以佢跟本就一次都SETTING唔到………..

th_003_

之後我地就全部人, 安靜哂咁比線王做一次測試 TESTING….
線王話: 好開始……………DO…..DO…….DO……….DO……….DO…….DO…….DO……DO……………………好攪掂……….譁………完來整個過程都唔洗10秒就攪掂架勒…..大家當聽到線王講[好攪掂], 在座既全部人都即時爆笑超過30秒, 因為實在太攪笑, 太頂引勒………

th_074_

rap_hv_2_21

好勒, 終於都做好左一個完整既測試, 究竟RAP兄既屋企, 又有D咩問題呢?!?!?!?

rap_hv_2_22

大家見到呢個就係音頻表來架勒, 小瑟好難用到文字逐一同大家解釋到, 我只可以同大家講, RAP兄屋企本身係某個頻段係衰減左既, 之後等MILK兄將個 SUBWOOFER位置調校過之後, 就可以修補返當中既缺失, 而最後我地都係測出RAP兄既低頻係佢既屋企環境之下, 潛到最多50Hz左右既位置, 不過以 RAP兄呢個超抵價既SUBWOOFER來講, 可以有呢個效能, 其實已經係非常之唔錯既呢~~

rap_hv_2_23

最後非常之多謝RAP兄同RAP嫂既熱情招待, 講真, 小瑟都未試過家訪可以有咁多人一齊玩, 一齊傾AV經, 雖然可以測試既野唔係咁多, 不過可以同一大班志同道合既朋友可以開開心心咁度過一個晚上, 又係難能可貴既呢~

如果你都想同各位版友討論交流一下影音事, 請CLICK入以下網址啦!!
http://www.post76.com/discuss/forumdisplay.php?fid=5


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章