得利x76優先試影會-港版藍光<<地球毀滅密碼>>

knowing_meeting_index

Post76有幸可以同香港數一數二既藍光影碟發行商[得利影視]黎一個全面既合作試影會, 第一炮我地就搵左呢套有極浩大災難場面既<<地球毀滅密碼>>來做頭炮, 係度, 首先要多謝得利方面既配合同香港ONKYO方面借出豐澤二樓安橋演試廳作為今次既毒氣房, 令今次既藍光試影會得以順利進行.

另外亦都多謝chhanthony兄事見6:00就到會場為投影機作出調校.

knowing_meeting_03

knowing_meeting_04

knowing_meeting_06

係當晚, 一共有 19 名版友 + 1 名版友太太 + 1名版友女友(睇款都好快係太太架勒XDDDD) + 8 名版主 + 3 名版主朋友, 現場可以講話星光粒粒, 人頭湧湧呀, 真係好難得, 有版友仔都會帶自己既另一半來聽呢個試影會, 所以話, 睇戲玩 AV唔係男人既專利, 依家時代既女性, 都識聽, 識睇同識玩架~~~~(各位師兄, 我盡哂力架勒, 希望你地日後買機易批D啦~~XDDDD)

之後當然係一連串既 SETUP動作啦, 今次因為雷兄既面孕, 所以班到好多唔同品牌既線材比大家慢慢試, 平時想囉到咁多線來玩真係冇咩可能, 今次真係辛苦哂雷兄比左個機會我地試到咁多唔同既線材.

knowing_meeting_08

knowing_meeting_01

之後就同今晚D主角們, 影下相先…………大家仲記得最上果部機嗎??? PANASONIC BD30呀, 小弟屋企服役中既藍光機, 就試影當日,係 FORUM有討論話佢係 CHEAP機, 令小瑟果日心情勁 DOWN呢!!!!~_~

knowing_meeting_02

knowing_meeting_10

knowing_meeting_07

當晚, 因為係硬件調校需時, 入場時間遲左小小, 7:45分左右先開始比版友進場, 係度真係要同各位講聲唔好意思, 希望下次時間可以捉得更準呢!!^^" 當大家入場坐好左之後, 因為大家都係第一次見面, 雖然係網上面其實大家都已經吹左水好耐, 不過見真人就始終會生保小小, 所以, 小不免就當然係由我來開始介紹一下自己先啦, 之後就用左20分鐘左右既時間各版友都逐一介紹下, 其實我地係希望大家可以都認識到其他版友, 唔洗大家咁扣緊麻, 始終我地 POST76既活動係以大家可以係網上吹到現實, 同大家一般去既雜誌試聽會有分別, 咁先至覺得有意思麻, 如果大家都係聽完就走算, 算完就走, 洗咩 JOIN我地呀, 玩 E-XONE得啦~~~卡卡……希望E-XONE唔好睇到啦!!!呵呵~~~

knowing_meeting_09_edit

好勒, 之後介紹完一輪之後, 就到我地既BLU-RAY版版主 KEN704兄同大家介紹一下呢套由得利推出既港版藍光<<地球毀滅密碼>>入面既一D內容同值得炸機既地方, 過程當中, 當然不忙大家即時討論一下新鮮熱辣既 FORUM TOPIC #救命!地球毀壞密碼令我的Amp燒了# 因為就係試影會當日, 有版友出新帖求救話呢套毀滅密碼竟然令佢新既DENON AMP都燒埋, 睇黎, 呢套戲發行應該要諗諗唔好叫 <<地球毀滅密碼>>, 改名做 <<新AMP毀滅密碼>>可能更有卓頭呀!!!!XDDDDDDDD

knowing_meeting_11

當 KEN版主介紹完呢隻整既一D畫質同音效既數據之後, 當然就黎到戲肉啦, 呢套戲要試既我諗睇過都知, 有幾段係必試既, 第一段就係**Ch. 6 既 [飛機失事撞落公路], 而第二段就係**Ch. 7 既[森林大火], 之後就當然係**Ch. 9 [地鐵出軌]一段, 而最後就係**Ch. 16 [地界未日大爆炸], 戲既內容我唔多講, 因為我都未試過乖乖地由頭睇一次, 所以我唔會比任何意見, 不過就呢四段既試機位來講, 我可以講你如果買左套機返來, 好想試定位, 試 SUBWOOFER既能耐, 試埋超高音既控制, 大爆炸既應付, OK勒, 呢套碟你絕對可以入手勒, 我唔係同得利賣廣告, 只係如果以上既要求你都想可以一次過滿足到既, OK, 呢2百幾蚊你絕對超值, 因為就Ch.6 [飛機失事撞落公路], 已經可以另你炸到驚, 而 Ch.9既 [地鐵出軌], 小瑟睇到有小小毛管動添. 總之, 呢隻碟你買來係 FOR 炸機既就岩哂數, 當然, 小瑟指既只係炸機位, 套戲好唔好睇就………自己上網搵影評啦~~~XDDDDDD

炸機炸得咁開心, 當然唔可以比佢停啦, 當日我地除左優先試炸<<地球毀滅密碼>>之外, 我地仲預備左<<POST76我最喜愛藍光碟選舉2009>>入圍既電影既幾段精彩場面, 希望可以比各位兄弟們好好咁再重溫一次, 增加大家既投票意慾呀. 而重溫既分別有變形金剛同埋DIE HARD4.0, 而係試 DIE HARD 4.0既同時, 我地仲玩埋換電源線既遊戲, 我地係開始時, 部 PIONEER既 LX71已經係用上 IsoTek premium來做為電源線, 之後我地就換返條 LX71原裝線比 A/B比較, 係呢D情況下, 女士係意見係比較理性既, 所以小瑟一試完就即時問左二位女士們既感覺先^^" 二位都二口同聲話畫汁上係有分別既, SHARP左, 光左, 不過聲音上就原裝線反而 DETAIL多左, 哈哈, 果然係非常之理性呀~~~~ 其實大家都睇/聽得出呢二條線既分別, 畫面就真係唔洗講架勒, 光度同對比度都好左唔小, 不過音效方面, 可能條 IsoTek既特性係音色上係偏向圓潤, 所以係未作任何調校之前, 高音係會相高小左, 不過點都好, 換線既樂趣就係係度, 換一條線可以另整套機有著微妙既變化, 器材好玩之處, 莫過於此呢~~~~哈哈(小瑟又多個藉口買新線呢~~~XDDDD)

knowing_meeting_13

knowing_meeting_05

而除左試電影之外, hintel仲帶左係網上劣評如潮既<<久石譲 in 武道館>>日版藍光 BLU-RAY碟到場, 比大家睇下, 究竟呢隻咁經典既LIVE BLU-RAY, 係咪真係咁唔掂呢??? 我地先聽下大家都耳熟能詳既, 霸王原裝版"棟L"……丫 SORRY, 果個版太深入民心了, 一時間都唔記得佢個原裝名字添, 應該係崖上的波兒主題曲先岩XDD, 畫面的確唔係高水準既高清畫汁, 不過現場氣氛真係好好, 而畫面之所以咁我同雷兄都覺得因為佢有好多部唔同既 CAM影, 應該唔係部部都係好野來, 所以有D位就 OUT FOCUS, 有D就紫邊都幾明顯, 不過整個LIVE比人既感覺非常之認真, 場面非常之偉大, 尤其 hintel極力推介既[天空之城]一段, 睇到幾百人一齊合唱天空之城既主題曲, 唔好話當時, 就算我依家諗返起講出黎, 依家都有毛管動既感覺, 真係超感動, 十分非常之到位, 如果你係同小瑟一樣, 已經3張野樓上既, 又係當年有入戲院睇天空之城既, 我相信你睇完呢段之後, 都會好想囉隻碟返屋企……..真係正到冇哂朋友.

knowing_meeting_14

最後, 當然就係問問題同送獎品既環節啦, 今次我地有二套由得利送出既藍光影碟分別係 Navy Seals(飛虎神鷹)同 Walking Tall(以暴易暴)各一張, 而小瑟亦都讀出左由得利提供既二條簡單到不得了既問題. 係經過一番努力之後, 小瑟終於都可以順利送出二隻"經典"影碟. 而呢次既問答遊戲既過程, 更加令今次既試影會出左一陣陣既戲劇性既反高潮呢~~~~(小瑟只係如實報導, 如有得罪, 請多多包涵呀~~~)XDDDD

knowing_meeting_15

knowing_meeting_16

之後大家當然就係囉一張大合照, 同埋自由討論時間啦, 雖然時間已經去到 9:30, 亦有好多兄弟其實係連飯都未食, 不過大家都比當晚既氣氛吸引, 連飯都唔想食住勒, 忘形地互相討論影音既心得分享大家玩 AV既樂趣. 所以話, 攪試聽會唔一定要坐定定齋睇既, 有得睇又有得分享先係我地攪試聽會既原本意義呀!!!!

而小瑟最後係依度, 再一次多謝各位兄弟們同你地既太太/女朋友既參與, 亦都更加多謝各位對小瑟既體諒同包容, 小瑟知道當晚係某D地方係做得非常之唔好, 同埋可能另大家唔係咁舒服, 但大家都冇即場指責同即場界"木凳"走人, 小瑟真係要再一次同大家講聲…"非常之感激大家對POST76同小瑟"既支持. 亦都再三多謝當晚出席幫手既咁多位版主, 有各位版主既支援, POST76先可以有今日既景象. 多謝大家!!!

knowing_meeting_99_edit

*特別嗚謝以下之單位:
場地: ONKYO+豐澤電器
影碟: Deltamac – Michelle Tai
安排: Onkyo – PK Wong
現場技術顧問: Onkyo – 熊貓
技術顧問: Onkyo – KK Leung
所有線材: Jabis

Post76版主們
– wil-wil
– ken704
– 雷因
– avmilk
– hand神
– hintel
– lkljason

其他有關<<地球毀滅密碼>>之試影會之分享及討論串:

得利 x post76 優先試 … 《地球毀滅密碼》簡報
http://www.post76.com/discuss/viewthread.php?tid=15803&extra=page%3D1

[版主藍光小評及投票] post76 x 得利優先試:地球毀滅密碼 Blu-ray
http://www.post76.com/discuss/viewthread.php?tid=15799&extra=page%3D1

睇完今晚嘅試聽會
http://www.post76.com/discuss/viewthread.php?tid=15793&extra=page%3D1


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章