全港率先首試報導 – Onkyo TX-SR707 – 7.2聲道高清AV擴音機

呢個7月真係多野玩, 就係我地 76已經玩完試聽會又有打機會, 市場上各個單位更加係比書展呀, 乜展物展攪到非常之咁忙, 依家先知, 原來暑假好多公司都會借呢個時間來大攪活動, 以收宣傳之效.

AV界當然都唔例外, 8月頭就有一年一度既 AV影音展, 而係影音展前既呢個星期, ONKYO岩岩出左部607冇耐, 見大家都對新既 Dolby Pro Logic IIz制式非常之欣賞之後, 再下一城, 整多部 SR707上場, 希望盡快將第三代既高清擴音機, 快速咁推出比一眾AV男, 等大家可以有新機過呢個暑假呢~~~^^!

而我地 POST76真係好榮幸, 可以係呢部707第一日到ONKYO既 SHOWROOM就率先黎個 QUICK SEARCH, 快快手手咁同佢開個封, 見過面, 係我地落去 ONKYO既 SHOWROOM既時間, ONKYO既 貓哥真係岩岩先叫 SET好哂套機, 係咁椅校好左D SETTING炸, 我地真係可以係話新鮮熱辣到辣哂手架^^! 不過亦都再一次證明, ONKYO對我地 POST76真係非常之支持, 係度再一次多謝 ONKYO既 PK, 貓哥同KK既幫忙先~~~~~^.^

好, 廢話小講, 小瑟口水真係多過浪花, 大家黎係睇707表演, 唔係睇小瑟表演, 好勒, 大家不過先睇下睇 707既真身先……….^,^ 依家黑色既機身基本上都已經成為左主流, 再唔出黑色機既廠, 我諗都已經係對整個AV市場採取放棄既態度呢~~~~~

onkyo_707_01

怕大家睇得唔夠清楚, 不過 ZOOM埋小小睇下先……………拿…..唔係 607來架, 真係 707架~~~XDDDD

onkyo_707_02

之後睇完個相頭, 最好當然係睇埋707既背部啦, 今次佢個設計都幾特別, 因為又多左一個叫Audyssey DSX 既 front Wide既功能, 所以佢後面係可以一次過插哂11隻獨立既喇叭既. 大家都見到個插喇叭線既排位都清一式係哂最低, 小瑟覺得呢個設計排位幾整齊簡潔呀~~

onkyo_707_03

呢個就係 707既自動音場校正既MIC仔….譁….有型到呢…….小瑟都有部 705點解個樣差咁遠架…………~_~

onkyo_707_04

下面呢個就係 707既新款 REMOTE勒, 流線型得黎都幾靚仔, 不過就冇左夜光燈呢個咁好既功能, 呢方面有小小退步既感覺呢…..

onkyo_707_14

之後PK見我影707已經影到好似冇野好影咁, 就話”不如除衫丫”…….下…唔係卦…….我黎影下相姐, 唔洗除衫咁大件事卦……..哦, 原來佢地只係話不如同逝 707除左個機蓋, 比我睇一睇個全相…….噓…..嚇得我丫!!!!!^^”

onkyo_707_05

呢個我唔講大家都知咩來啦………707既水塘是也, 瞬間爆發既泉源, 就係呢二粒野勒~~~

onkyo_707_06

呢舊野我諗好多有留意安橋既朋友都知道係咩來啦~~~~ H.C.P.S.巨型大電流變壓器!!

onkyo_707_07

我地咁多版友都好鍾意玩電, 小瑟都同大家一樣, 所以就會特別留意一下究竟 707既內部既電源組件係咩料子勒…..雖然唔知 D線係咩料, 不過唔係最雞又幼既紅黑線就OK啦!!!!~^.^

onkyo_707_08

機箱內既佈局都非常整齊!!

onkyo_707_09

好勒, 影到咁上 下都夠皮了(雖然大家見到只係幾張相, 不過小瑟不材, 其實已經影左好多了..~_~) 係時間埋位, 開機聽聽勒~~~~ 大家見到呢個就好似平時既一般前 5.1系統咁, 不過……….

onkyo_707_10

不過, 上文講到 707有個新既功能, 就係可以再係前面加多一對喇叭, 黎做呢個 Audyssey DSX front Wide模式, 大家可能會問, 譁, 咁前面咪一共可以有 7.1個喇叭?? 係呀, 的確係咁, 不過因為 707只有 7份放大, 所以其實開左呢個 front wide功能之後, PLIIz 既上前置功能就一定唔可以用架勒, 同一道理, 用左前面5隻喇叭之後, 後置就只可以用到2隻喇叭, 開唔到呢個中後置果一對喇叭, 可能你會話咁咪唔夠好玩??? 雖然係就係, 不過當你知道另一牌子對手新出既 MODEL過萬既機種都係只有7份放大組件, 又係開左前置既特別功能喇叭都係開唔到後中置既話, 你都同會小瑟一樣, 覺得 ONKYO既機, 始終係非常之岩我地一眾推崇[性價比先決]既朋友入手呢~~~

onkyo_707_11

好勒, 介紹完一大輪, 真係要開機勒, 一入 MENU…………..@@! 實在太唔公平勒, 點解個 MENU介面咁靚仔架?? 又有之公仔又剩, 好過份呀, 我又要, 我又要, 強烈要求 705 UPGRADE FIRMWARE更新呢個咁靚仔既設定功能表呀~~~~~~>.<

onkyo_707_12

之後我地其實先試左既有[地球毀滅密碼] 炒飛機既一段, [殺神特工]超級市場槍戰既一段, 同埋 EASON 既 MOS LIVE BLU-RAY, 我地分別試左用最原裝既 DTS HD-MA 5.1, PLIIz 上前置 7.1同埋 Audyssey DSX front Wide橫前置7.1同播呢三段去測試一下呢部 707究竟表現如何. 先講原裝5.1先, 707果然比 607有力水, 係 [地球毀滅密碼]既炒機場面的確係比 607得黎得心應手, 定位亦都非常準, 細緻度就分別不大, 而轉左用 PLIIz上前置既感覺, 整個音場拉高哂, 對於好似[地球毀滅密碼]呢類好多由上而下既超多動態場面來講, 用呢個 mode就真係岩哂feel, 個引擎飛埋黎既時候, 細緻度同立體感都豐富左好多, 不過始終因為要推多二隻喇叭既關係, 力水始終都係比用 5.1時冇控制得咁好, 感覺有小小吃力, 但香港地既家庭一般我諗都唔會有 showroom咁大既地方去玩AV, 如果真係有咁大地方既朋友, 目標對象都可能已經係喉緊 907既新機呢….^^:

onkyo_707_15

最後當然要講埋 Audyssey DSX front Wide呢個新功能啦, 呢個新功能係用我地係試殺神特工一幕飛車時,巴士由右邊快速地衝去左邊, 呢對 front wide既喇叭就完全另到整個環境拉闊左好多好多, 架車好似真係穿過左showroom既右邊牆, 之後由左邊牆沖左出去, 真係勁正, 而整個功能我覺得係可以另到左右既環繞聲更加強, 另人多左一份現場感. 不過香港地既地方可以玩到呢個 front wide既真係唔多, 大家如果真係想用盡 707既功能, 我諗首先真係要係擺位上下一下苦功, 諗好D擺位先. 如果唔係, 就只可以好似小瑟咁, 用返最基本既 5.1就算了!!!!

onkyo_707_16

Audyssey DSX & Dolby Pro Logic IIz 展示圖
如果大家都想瞭解下D有關呢個 DSX既資料, 我地WIL-WIL副版管已經早就出左個POST比大家多D瞭解!!
http://www.post76.com/discuss/viewthread.php?tid=16365&highlight=

onkyo_707_13

今次係小瑟第一次作出硬件新機既全港率先報導, 因為時間有限, 所以只可以以一個上二代既小用家身份去感受一下 ONKYO係第三代新機出黎既效果究竟係點樣. 雖然小瑟個人覺得 707同 705基本上除左機身顏色, 多左二個 Audyssey DSX 同 Dolby Pro Logic IIz模式之外, 其他音色上同環繞聲效果上, 都分別不大, 所以現有 705既用家其實如果唔係貪新功能既話, 基本上都唔會由 705升級上 707, 但如果你係 6系既用家或岩岩想以有限既預算去買新既擴音機既話, 707我覺得係絕對超值既, 尤其當你知道個價錢之……… 我諗係呢個水位, 其他既品牌暫時都仲係未有呢個咁完善既性能可以比到出黎呢.^_^

onkyo_707_17

Onkyo TX-SR707 – 7.2聲道高清AV擴音機規格一覽

– THX Select2 Plus 認證
– HDMI 1.3a版本, 6入1出 (其中1組設於前面板, 方便接駁HDMI便擕設備)
– Faroujia DCDi Cinema HDMI視頻升頻至1080p
– 具備最新環繞聲格式: Audyssey DSX 及Dolby Pro Logic IIz, 讓用家隨個人喜好任意選用不同環繞聲效.
– Audyssey 音效技術
Audyssey MultEQ
– 使用隨機附送之Audyssey收音咪, 可測試多達8個測試點, 為居室設定更廣闊的聆聽音場.
Audyssey Dynamic Volume
– 修正及平衡不同節目製作產生之不同音量, 使收看電視節目時音量能保持穩定, 悅耳舒適.
Audyssey Dynamic EQ – 於夜深欣賞電影時, 啟動此功能, 可減低騷擾別人之同時又能保持電影情節之聲音動態, 電影氣氛絲亳無減.
– 採用先進Burr-Brown PCM1690晶片, 更能準確還原高清音頻信源.
– 採用2 片TI(德州儀器) 最先進的DSP晶片(DA830, DA788),在處理龐大高清訊號流量時依然遊刃有餘。
– 三級達寧頓推挽式設計 – 利用推挽(push-pull)原理,引入三階段式的達寧頓電路,消除偶次諧波失真而減少諧波失真,顯著減低噪音形成,提升功率放大的運作效率,將高頻寬的音效訊息完全忠實還原。
– 預設編程RI遙控器- 一項體貼功能, 已記憶其他器材遙控器編碼於產品內, 只需進入set-up menu/ Remote control set up 跟著指示進行簡易設置.
– Universal Port 以簡易連接Onkyo UP-A1 最新iPod 機座
– 7.2 聲道, 175W/每聲道
– 4種新增遊戲模式 – Rock, Sports, Action and RPG,
在家中玩Xbox360時, 增添更多氣氛,玩得更投入,升級過關無難度。
一按遙控器上’Display’鍵, 畫面會顯示輸入及輸出的狀態, 方便體貼.
– By pass 功能

Onkyo 已於4個陳列室設置Front High喇叭, 要體驗Dolby Pro Logic IIz 最新環繞聲效果, 可親臨Onkyo 陳列室, 陳列室地址請 Click 入http://www.onkyochina.com/main/support.php

產品將於八月推出市場, 售價待定.

其他相關資料網站:
Dolby Pro Logic IIz http://www.dolby.com/consumer/technology/prologic-IIz.html

Audyssey DSX http://www.audyssey.com/technology/dsx.html


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章