AudioQuest HDMI-A入手

小瑟自從開始左第一條換線之旅之後, 就不自覺咁迷上左呢個玩意, 始終試過幾次換線發覺效果真係幾明顯之後, 就知道, 器材雖好都要好線扶持, 就係咁, 諗諗下依家部 Toshiba XDE-500仲係用緊好雞既HDMI線, 所以就起左換HDMI線既念頭勒!!!^^"

不過買來買去, 都係 BJC, 始終真係有D悶, 係係同價位上搵 D新線玩下, 係上網搵料睇下人地評價之後, 就膽粗粗走左去鴨記, 整左呢條 AUDIOQUEST HDMI-A既入門線來玩玩, 幾百蚊呢個水位, 就可以玩到名牌 AQ線, 真係一人世, 物一世, 點都要試佢一試, 況且幾百蚊既BUDGET岩哂我玩…….就係咁小瑟就接左佢入宮勒!!!^.^

aq_hdmia_05

名牌果然係唔同, 包裝認真精美, 雖然只係入門版既HDMI線, 不過包裝一D都唔馬伕, 咭紙盒內仲有一個FIT哂位既膠盒, 真係送禮自奉, 樣樣階宜呀~~~XDDDDD (小瑟, 依家叫你賣廣告咩~~~)

aq_hdmia_04

aq_hdmia_06

aq_hdmia_07

aq_hdmia_08

再囉埋條線出黎, 線身好軟, 鍍金頭, 外表平實, 唔會有好多華麗既裝飾, 始終都係最入門既線, 係咁上下架勒!!! 不過我地玩機唔係睇樣, 係睇表現既, 最緊要佢出到黎既表現係交足功課, 比到"戲"我, 咁就OK啦. 你地話係咪先~~~~^^"

aq_hdmia_01

好勒, 廢話小講, 一返屋企唔係插佢上部XDE-500先, 而係用返舊線試下聽返首歌仔先, 事關小瑟一路都對XDE-500既表現都抱有希望既, 不過唔知點解, 次次都另我失望, 所以為左想可以認清呢條HDMI-A既分別, 我決定先靜靜地用買機送來既舊線聽一次 BEYOND既早班火車先, 過程中, 高音有小小標, 效果平平, 一早已經意料中事, (因為已經唔係第一次聽, 不過因為要認清分別, 所以好用心咁忍多條舊線最後一次……一_一"), 之後就熄機, 換上左呢條AQ HDMI-A線上去, 好勒, 開機, 再聽返同一首早班火車先…………………音樂慢慢由細變大…….細微既感覺開始黎勒, 第一下家強既 BASS結他既低音, 好圓滑, 好舒服, 家駒既歌聲, 舒服左好多, 我開 PURE-A用 ONKYO SR-70來欣賞呢首歌, 估唔到, 比到我音樂感, 好耐都冇試過呢個感覺了, 不過係高音既處理上, 都係差小小, 唔夠SHARP, 不過已經比我有小小意想不到既效果, 估唔到呢條線係處理音色上, 比到我好圓潤既感覺. 暫時係音色既表現上, 我都好滿意. 突然, 想起, 條 BJC都好似冇比過我呢個感覺, 如果我將呢條線換上我部 BD30 BLU-RAY PLAYER上, 音色再提升, 咁咪好正………

就係咁, 左換右換, 將條本身插開 BJC既既 BD30, 換上左呢條 HDMI-A既線, 開機當然要搵套勁野炸炸佢先, 今次我就搵左一套我非常之鍾意既BLU-RAY舊作, 第五元素, 又係歌劇院一幕, 籃色外星人唱歌果段, 果然, 音色真係冇咁標, 成個歌劇既音色感染力都有所提升, 而畫面方面佢都係以鮮艷為本, SHARP方面同 BJC其實差唔多, 畫面分別唔係太大, 當然我係以我既 42″ LCD TV作準, 可能你地玩大畫面會睇到個分別多D, 但我就覺得差唔多勒. 到之後既連環槍戰, 之前既 BJC係某D位都會有D爆爆地既感覺, 但呢條線就明顯冇咁標, 控制得比較好, 好彩呢次都冇買錯野, 呵呵~~~^^"

睇下睇下, 估唔到已經11點幾, 再炸機我怕都會比人拍門都似. 而呢條本身諗住係FOR XDE-500既 HDMI線, 當然係好順理成章地, 永遠咁插實係我既 BD30上面, 始終, 最好既野都係要留比部 BD30,  XDE-500, 你都已經好開心架勒, 有 BJC旁身!!!!XDDDDDDD

aq_hdmia_03

aq_hdmia_02

**以下之文章絕非專業之評論文章, 只係筆者之個人感覺, 敬請大家留意**

如果你都想同其他版友文流影音資訊, 請到我地既[高清家庭影院與硬件討論區]
http://www.post76.com/discuss/forumdisplay.php?fid=5


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章