首試QED Qunex Silver Reference SR-SW Subwoofer Cable

早幾日同朋友傾開SUBWOOFER線, 先知道原來友人一早已經用緊 QED既 SILVER REFERENCE, 而友人亦都二話不說, 一野就"蚊"走機上既線借左比小瑟玩, 所以小瑟先有機會可以囉到條 QED Qunex Silver Reference Subwoofer線來先試為快呢!!!^^"

囉返去第一日, 即時插入AMP同 WOOFER先, 條線好軟身, 線係好似係PVC咁既質地既, 感覺良好, 不過唯一就係3M其實對我來講真係太長, 因為我個 AMP同個 WOOFER其實都唔洗3尺位, 多左成6尺出黎唯有質哂去櫃後冇眼屎乾淨盲勒!!*.*

因為星期六日小女在家, 唔可以試得好清楚, 所以只係小試左套DIE HARD4, 殺手刺殺主角果後, 效果已經好明顯有好大分別 , 感覺上好似冇咁侷促, 不過因為亞女係屋企, 我仲未試清楚, 所以暫時都係忍多二日先………@@"

而尋日終於都有時間勒, 尋日下午偷左小小時間係屋企開套新變型俠醫來試大學大戰果段, 因為貪佢個低頻去得夠低呀,呢次真係開行佢堅試呀, 之前用舊線老實講, 低音真係好濛胡, 唔清楚, 個 subwoofer開得越大聲, D低頻就越濛越難聽, 所以見大家都話 QED好正, 就一於跟大隊, 都整條玩下, 尋日終於都知道點解大家出哂 POST話要買, MILK兄都打過電話來指教過, 真係同佢講既一樣, 低頻尾音收緊哂, 快左, 爽左, 完全冇左之前既拖泥帶水, 含糊不清既感覺, 如果講得白D, 就係低頻 SHARP左, 多左層次, 估唔到換條 WOOFER線可以有咁大既分別, 睇黎呢次真係冇買錯野, 亦都好多謝各位毒門兄弟既好介紹!!! 呢幾百蚊真係唔慳得~~

qed_subwoofer_01

qed_subwoofer_02

qed_subwoofer_03

qed_subwoofer_04

qed_subwoofer_05


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章