小瑟家訪 – Lemonstar 設計與影音的家

呢日, 小瑟就去左Lemonstar既屋企, 參觀佢既家庭影院, 而今次一行有小瑟, ROY同 AVMILK兄, 而今次我地既目的, 只係見識一下係室內設計師既設計下既家庭影院, 究竟係幾咁有生活品味.

lemonstar_hv_02

果 然, 我地一上去, 已經比到人一種非常之舒服既感覺, 全屋客廳同工作間都大大既玻璃窗, 透過自然光入黎既光線, 照射係LEMON兄既影音器材上, 真係比人有一種非常之高雅又有格調既感覺. 果果然係室內設計師, 見佢整個器材既擺位, SUBWOOFER同防潮箱做成一個非常之好既對稱, 就知道LEMON兄一定花左唔小心思係佢呢個工作與生活併重既影音之家!!!^^!

lemonstar_hv_01

廢話小講, 一於睇下 LEMONSTAR兄既器材簡介先:

BD Player: Pioneer BDP-05FD
DVD Player: Sony DVP-NS92V
HD-DVD: Toshiba A35
STB: Eight-838
AV Receiver: Onkyo TX-NR905
LCDTV: Sony KLV-V40A10 40〞
Projector: Sony VW-60
Projector Screen: OS pure matte II plus 80〞 manual
Front SPK: KEF iQ9
Centre SPK: KEF iQ6c
Surr./Rear SPK: KEF C1
Subwoofer: Klipsch RW-12d
Game Console: Xbox 360, Sony PS3

lemonstar_hv_05

lemonstar_hv_06

lemonstar_hv_07

lemonstar_hv_08

lemonstar_hv_09

lemonstar_hv_10

lemonstar_hv_14

lemonstar_hv_22

lemonstar_hv_21

lemonstar_hv_20

一入屋, 除左比家居既設計吸引之外, 我諗, 最吸引我既, 就係 LEMION兄已經預備好既BLU-RAY影碟, 全部都係十分之好爆又正既電影, 睇黎, 呢次我地都係有排都唔洗走呢~~~哈哈!!!

lemonstar_hv_03

之後, 當然就係逐一同LEMON兄既各大名將, 黎個埋身寫真先啦, 當我地岩岩到既時間, LEMON兄只係用呢部 905
插上 USB手指, 來聽 阿SA既新碟, 你話幾咁型仔先得架~~XDDDD

lemonstar_hv_04

逐一參觀完, 又影左一輪相之後, 就開始到戲肉, 開機上下電先勒, 首先我地就用左港版BLU-RAY既變形金剛先, LEMON好細心架, 係每套碟都SET好左 BOOKMARK, 方便佢一下就可以飛到去佢平時爆開既章節, 非常善用籃光碟既功能, 講落, 小瑟到依家都未識 BLU-RAY PLAY上果幾個制,究竟係點用, 真係….一_ 一」………..我地一開始就轉到去直昇機變身炸美軍基地果段, 第一下炮開始……譁…………..好堅呀, 好肥美既低頻, 你冇睇錯, 係好肥美, 估唔到呢個低音可以出到咁肥美既低頻呀, 好震撼, 真係好震撼, 如果LEMON兄屋企唔係新樓既話,我估佢呢個低頻唔洗睇幾多套戲, 一定已經比管理處列入黑名單上XXDDDDDD, 但經 ROY聽完之後, 佢點點頭話講左需要改變既地方, 不過等我地睇多一陣先.

之後我地睇左一陣, 就轉左睇功夫熊貓, 當然, 試呢套片, 一定係大炮逃獄果段, 同埋阿寶同師福搶包果段啦, 好勒, 如是者, 都試左半個鐘左右,休息一下, 而 ROY亦都指出左雖然 LEMON兄係用上 7.1既喇叭系統, 但每次 LEMON兄都會用上 Dolby Pro Logic IIz來另到後面二隻喇叭都出埋聲, 不過此舉其實係反而會另到 Dolby TrueHD不能完全發揮, 之後我地來回反覆試過之後, 都覺得只係 Dolby TrueHD的確係來得清晰D, 同震撼D, 當然用唔到最後果二隻喇叭就始終不是味兒, 呢點就唯有 LEMON兄自己來取捨了~~~~^^!

lemonstar_hv_11

lemonstar_hv_15

之後 ROY就用佢既獨門秘方來同 LEMON兄來逐一調校, 當然, 調校之前就例牌要囉哂D喇叭既 SPEC出來睇下先,
先瞭解一下所有喇叭既功力先, 之後再調校啦. 唔講你唔知, 雖然 LEMON兄有哂音壓計去作量度, 不過 ROY係完全唔需要用到, 佢只需要用耳仔就可以SET好所有喇叭既音壓應該係用幾多,而之後 LEMON兄原來都已經記低哂佢所有 SETTING既參數. 咁我地就校得安心勒. 連我自己都冇咁細心記低參數, LEMON兄真係好心機.XDDD

lemonstar_hv_16

lemonstar_hv_17

lemonstar_hv_18

lemonstar_hv_19

lemonstar_hv_31

lemonstar_hv_25

就以小瑟來睇, ROY真係以佢既經驗來調校, 而 ROY指出, 低音雖然係好勁, 不過就過肥, 搶過哂高中音既平衡性,而其他既參數, 都需要作出調整, 經過左大約半個鐘既調校之後, 終於都大功告成, 之後我地再黎搵套岩岩睇完既功夫熊貓睇下先, 今次就搵師徒搶包試下先, 大家都定哂咁由頭欣賞多一次, 當睇完既時候, 我同 LEMON兄都講左同一句說話…………」我覺得可以大聲D 添」………哈哈XDDDD,之後因為時間既關係, 我地就轉過另一隻非常之爆得既電影, 就係變形俠醫第二集勒, 飛到去美軍圍捕果後, 呢次黎料勒, 中音同高音都清爽左好多, 之前好似中前置都比層野隔住咁依家冇哂, 低頻爽勁左好多, 再冇肥既感覺, 完全敏捷左, 而爆炸既力量都重左, 實左, 呢段大家真係睇到投入哂, 大家都好安靜咁睇哂為止, 到睇完之後, LEMON既第一句係………」E~~~真係要搵碟煲煲佢先得喎」, 聽到 LEMOIN兄呢句, 攪到我都好想返去自己屋企, 炸一炸機, 睇下可唔可以有呢個感覺呢~~~~~XDDDD

lemonstar_hv_26

之後我地就開始玩下變電源線勒, 之前 ROY就帶左二條線來比 LEMON兄品嚐下, 第一條係」JPS Digital AC」, 而第二條就係 「NORTHWIRE 18A美式」, 首先我地就用返 LEMON兄依家用緊既 「MAS Music Foundation」線來睇下BLU-RAY IRON MAN先, 一野就飛到去佢去中東炸人地D導彈果段, 當 IRON MAN比人打左落地, 之後爬返上黎, 再之後佢避過導彈還擊, 換左線我地見講個畫汁先, 一換完再開機, 我已經睇到, IRON MAN爬上黎既面部大特寫, D金色同之前非常唔同, 睇得出個色深, 對比度同立體感都明顯有提升,而 AVMILK兄仲留意到D NOSIE冇咁粗糙同埋畫面滑左, 條線果然有料到呀. , 而聲音方面, 佢避前粒導彈果下由右至左咁飛去, 之前只係聽到係D聲一炸咁飛過去, 換左線之後, 就聽到明顯粒導彈既飛左去 AVMILK兄既正前方, 成個音場都立體左, 真係好正呀~~~ ^^」 之後睇完一輪, 試多幾次之後, 就換埋線 「NORTHWIRE」比部 905嘆下先, 今次換完都係睇返果段, 呢次大鑊勒, 換左條 AMP既電源線之後, 竟然個低頻既量感可以直接到到ROY同 AVMILK既腳邊, 而未換線之前佢地都係冇呢個感覺架. 估唔到真係有咁大既改進, 大家都不其然咁 嘩嘩聲咁譁哂出黎, 大呼過引呀~~~~XDDDDD

lemonstar_hv_27

lemonstar_hv_28

其實, 除左參觀Lemon兄既影音家居之外, Lemon兄既SOHO OFFICE一樣非常之好睇, 一個完全理想既工作環境, 莫過於此……………..因為既可以有一個咁靚既22吋 LCD MON, 亦都有一個大到老連咁大既 WOOFER供佢打機之用, Lemon兄既屋企, 真係娛樂與搵食一樣掂呀!!!XD~~~

lemonstar_hv_23

lemonstar_hv_24

經過左4個多小時既家訪過程, 小瑟學到好多野, 好似 SETUP AMP同喇叭需要既認知同理論等等, 都係好多玩 AV既朋友經常想知既野, 小瑟好好彩, 可以有個機會同大家報導呢次既家訪, 而除左 LEMON兄既家庭影院係好多人都夢寐以求既組合之外, 我地更加可以感受一個咁有生活品味既裝潢, 精心設計既家居佈局, 真係可以完全附合 「時尚之家, 生活品味」 呢八個大字呢~~~~

lemonstar_hv_29

lemonstar_hv_30

如果你都想同 Lemon兄來個互動交流, 歡迎進入以下網址, 到佢既家庭影院討論帖, 一齊來傾下丫!!!

http://www.post76.com/discuss/viewthread.php?tid=9366&extra=page%3D2

76家庭影院討論區

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章