2008 香港高級視聽展 – 現場實況

今日一早就去到灣仔, 就係為左睇下今年既 AV展有咩好睇, 其實今次小瑟係有目標既野想睇的, 想睇咩??
其實只係想去米樂影音, 親身感受一下 M&K SPEAKER + DENON 3800BD + DENON頂級 AVP A1HD + POA A1HD出黎既家庭影院效果.

就係咁, 星期六一早就到灣仔, 諗住可以早D入場冇咁多人, 點知一去到, 就知道原來同我一樣諗法既人人都係, 入場人潮真係唔野小呢!!!!^^"

買完入場票就會有呢炸野送比大家.

一入場, 就會見到 OLEVIA好大既展區.

之後都係一系列既影音展區, 包羅萬有, 而我覺得做得比較靚既就係 MAGIC TV同埋 DENON+MARANTZ 都做得唔錯.

當然就仲有唔小攤位即場賣好多林林種種既特價品同做推廣啦!!!^^"

而會場內, 亦都建立左好多唔同既房間, 展出好多價值連城既HIFI器材呢!!!!

之後就來到DENON+MARANTZ既展區勒!!!

呢部就係大家都好期待既黑色版 DENON 3800BD, 不過問過代理, 睇黎要佢出行貨都要等到2009年先睇下會唔會有機會呢.

之後就到左我此行既目的, M&K+DENON THX家庭影院示範既地方勒!!

當然就係排隊等入場啦!!!

主持人向大家講解M&K喇叭既"三極"專利同埋呢套 DENON前後級既各項功能呢. 小瑟聽完之後, 心目中已有一定既了解何謂"好"野, 希望小瑟有機會可以係屋企都做到呢個"好"字既一半, 小瑟都心滿意足了!!!^_^

再同大家一齊睇下睇其他影音牌子既展區呢!!!!^^"

行完5樓之後, 就上左一層到左6樓既另一展區, 呢層既野比較HIFI D, 所以係門口已經聽到好強勁既音樂聲, 而同一時間, 因為雷因兄都係會場6樓, 我地就會合行左一陣呢, 佢仲介紹左另一位 POST76既會員比我識, 之後大家就一齊慢慢行, 逐個地方參觀一下呢!!!!^^"

係6樓入口都聽到連續有勁既抽鼓聲, 就係呢對有個人咁高既喇叭同埋出名掂既MCINTOSH+ASCENDO既示範呢.(因為小瑟對 HI-END音響唔係好熟, 所以牌子有錯請多多指正:P)

以下都係6樓各展區所展示出黎既影音器材, 小瑟唔同大家一一介紹勒!!!^^" 總之大家都見到, 各展區都人頭湧湧, 大家都聽得不亦樂乎呢!!!!

其中更加有通利既展區將佢地既新一代 HD AMP YAMAHA DSP Z11 11.2環繞聲既強力添, 不過小瑟就覺得細小左D, 同埋附近太多嘈雜聲, 唔明點解通利要租個咁細既地方來 SHOW出佢地既新產品呢!!!!~_~

呢款潮人喇叭, 年年都一定見到佢, 不過就好似年年都一定變左唔同既品牌出咁…….

去到呢度, 其實小瑟已經行到差唔多, 因為要睇既都睇左, 想要感受既都感受過, 而 HI-END野礙於真係太貴, 小瑟跟本就係得個睇字, 係呢個情況下, 小瑟都係幫大家影多幾張相, 好等大家就算真係未能親身去到, 都可以睇下相, 止下咳, 因為今次都幾左唔小既相片, 如果大家仲有興趣睇埋其他既相片, 可以到本文中最下方, CLICK返本展覽既相簿, 再慢慢欣賞今次小瑟為大家影既相呢.^_^

依家每種各式各樣既展覽, 都一定會有好多MODEL小姐為大家介紹介紹一下, 今年雖然唔算好多, 不過都有幾個, 但因為小瑟唔係好習慣要同人迫, 同人爭咁影MODEL, 所以只係小小地, 影左二張同大家分享埋今次影音展中, 除左AV器材之外既小小花絮!!!

好勒, 今年小瑟就同大家講住咁多先, 希望下年有機會再同大家影多D相, 分享一下AV展既現場實況呢!!!

多謝大家收看.

2008.08.09 2008香港高級視聽展(相簿)

http://gallery.post76.com/thumbnails.php?album=23

POST76高清家庭影院與硬件討論區

http://www.post76.com/discuss/forumdisplay.php?fid=5


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章