小瑟的家庭影院 – 電視篇

經過左二個幾月既不斷重覆重覆, 又重覆咁去各大電器鋪睇各品牌既 LCD TV最後我都係選擇左呢個東芝 42C3000H, 原因有幾個……..貪佢個 SPEC齊, 支持現今最流行既各種制式包括1080/24p, FULL HD 1080面板, HDMI 1.3 而最緊要既, 就係佢既售價, 真係平到冇朋友, 我係尖沙咀海港城既X林以 $16000既售價就可以入手, 而最正既係, 東芝代理再有優惠截至2007年12月31日之止, 但凡價買37C3000H與 42C3000H系電視機東芝都將會免費送一部, TOSHIBA EP10 HD DVD PLAYER比大家如果唔想要 HD DVD PLAYER又得, 都可以有現金$2000蚊回贈換句話來講, 我即係只需要$14000蚊就可以擁有一部19020x1080p既日本大廠LCD TV你話係咪真係抵到冇哂朋友勒!!!

外型大家都可能係各大電器鋪見過了, 所以我都唔作詳細既解釋我會集中講下呢部機係官方宣傳既各大重點上, 我自己對佢既睇法!!

影像: 「meta brain PRO」數碼影像處理晶片+1080p面板


呢部42C3000C既影像處理晶片係用左東芝最為高階既 Meta Brain PRO晶片呢個晶片集結左多項東芝既技術, 對於色彩, 層次, 線條, 清晰度, NOISE控制同埋黑位既表現對比前作都有好大既改善, 在官方既資料入面, 呢個晶片的確係十分之咁強勁, 但有好既晶片都要有好既面板配合先可以有高質素既表現, 就我係網上搵到既資料呢塊應該係屬於三星S-PVA既面板來既, 我冇對呢個面板既資料作深入既研究不過當我行到電視既左或右方時, 畫面就開始會有變色既情況出現咁好明顯, 係可視角度比較低所致但如果我係中間既位置, 畫質同對比度都係可接受水平呢!!

對於LCD早年存在既殘影問題, 我就用上左蜘蛛俠既 BLU-RAY去作出測試因為此片有大量快速移動既畫面, 用來試LCD既反應時間就最好不過架勒係官方資料中指出, 呢部42C3000H既反應時間係6.5ms同坊間一般既電視都差唔多而就測試畫中所見, 基本上都唔係好覺有另人覺得突兀既殘影問題存在係一部以$15000既價位上既42″ LCD TV黎講, 已經算係交足功課了!!

聲音: New Jet Slit揚聲器系統
其實我地呢D會用埋AMP既人, 對電視既喇叭都冇咩大要求不過如果日常睇無線或亞視既節目既話, 都會係用返電視內置既喇叭42C300H標榜自己有同 ONKYO 合作推出既 “New Jet Slit揚聲器系統"係電視既背部設有後置式音箱, 會輸出比一般電影喇叭有更動態既低頻云云…….就我自己睇, 我一開機時就唔係好接受到由佢呢個 New Jet Slit揚聲器系統 所發出既聲音始終覺得D聲好平面, 一D立體感都冇, 成日好似唔出唔出咁但睇多左一排, 就覺得低音好左小小, 人聲比較厚, 質感都豐富返, 唔知係咪因為佢個喇叭比一般既唔同真係要煲煲佢先好架呢???但其實同我之前我聽過既其他LCD TV出既電視聲, 其實分別都唔係好大呢………~_~

連接端口:
依家呢個時代, HDMI真係已經到左必備既輸入端子既其中一種 而42C3000H就有二組分別係支援 HDMI1.3a(支援聲畫同步)此外仲支援 1080p/(50Hz/60Hz/24Hz), 真係現今市面上有既標準規格都一一落齊而接駁電腦除左有 HDMI之外仲有一個D-SUB 15針頭可供使用, 不過呢個 D-SUB就只可以 SUPPORT最高 SXGA(即 1280X1024)基本上依家祟上全高清既朋友, 呢個 D-SUB端子對佢地來講, 可以話全無用途呢另外仲有二組色差輸入同二組COMPOSITE輸入, 基本上都已經係一應俱全.

總評:
現時坊間都有幾隻比較出眾既品牌係 LCD TV 既領域上都有唔錯既表現好似 SONY既X系, PHILIPS既9系, SAMSUNG既F系, 都係係市場上帶有領先既地位但佢地既售價就往往另我地一眾打工仔有小小望而卻步但東芝呢個日本品牌竟然可以讓我地一眾影音迷可以用超值既價錢享有到最優質既畫面表現, 真係值得一讚但話分二頭, 係呢部 42C3000H上, 的確係睇得到有唔小地方係將價就貨既好似面板既質素就係一個好例子勒@@"希望日後我小瑟再買電視既時候, 係市場上可以搵到一部由東芝推出既完美電視啦!!!


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章