PS3 Firmware (v.2.30) 支援 DTS-HD MA.

終於, PS3都可以內置支援埋音效格式中最高既 DTS-HD MA, 就呢幾日睇到網上既文章, 知道現今市面上既 PS3既音效晶片係用左 Silicon Image 9132, 而只有 Silicon Image 9134既晶片先有可能以 BITSTREAM形式輸出高清音效, 換句話黎講, 想 PS3用 BITSTREAM方式將音效輸出至HD AMP將高清音效解碼, 大家現用戶已經可以話係唔洗幻想………

但係PS3始終都係 BLU-RAY PLAYER中既最出位代表, 雖然先天不足, 不過現今所有野都可以用軟件來攪掂, PS3就係今日2008年4月15日, 將 FIRMWARE升級至 2.30版本, 正式支援埋 DTS-HD NA, 咁究竟呢個 DTS-HD MA只係可以出到聲, 得淡笑, 定係真係有料到呢???? 小瑟岩岩試完, 可以同大家分享一下, 不過大家都知道, 小瑟唔係咩專業發燒友, 我只係以一個最一般既用家既角度去同大家分享一下我既感受. 我只係囉左一段我覺得到依家來講, 無論係 DVD版, BLU-RAY版(DTS ONLY)都覺得只係得個嘈字既一幕, 就係 BLU-RAY版既 I,ROBOT勒, 有一幕係機械人係隧道內暗殺男主角既一幕, 呢幕係我未更新2.3是, 用 BITSTREAM去 AMP以 DTS解碼睇過好多次, 真係冇計, 次次都嘈到不得了, 吵耳到死, 但今次更新左 2.3之後, 用 PS3解碼 DTS-HD MA之後再以 LPCM形式輸出到 ONKYO SR705, 今次竟然唔再吵耳,細緻度強左好多, 仲要係極多音訊不停交往既時候, 主角既對白都仲可以好清楚咁聽到, 今次我終於可以以一個唔吵耳, 唔辛苦既形狀下, 睇哂呢段肉博場面, 估唔到, PS3內既 DTS-HD MA音效都可以做到呢個地步, 以後, 任何BLU-RAY內如果有 DTS-HD MA既話, 我都一定會諗都唔諗就轉做 LPCM去欣賞. 今次佢既 UPDATE, 我真係可以講, 除非市面上出返一部價錢又岩, 又可以 BITSTREAM既 PLAYER, 否則PS3我諗我都一路可以開開心心咁用落去……….當然, 希望 PS3唔會好似我以前用過既 SONY DVD PLAYER, 一過保養就即時出事, 咁就真係還得神落呢!!!!

PLAYSTATION®3 系統軟件更新
http://asia.playstation.com/hk/ps3/chi/ps3_softupdate.htm


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章