2006中期BBQ版聚

29.09.06 BBQ版聚

文: JASON | 圖: 小瑟, JASON, 威廉, RONALD, LOLOPOPO

今年過得好快, 話咁快就9月, 雖然今年攪左幾次小版聚, 好似攝影呀, 家訪呀, 飲酒呀, 樣樣都有D, 我亦都好開心 Post76可以做到另大家真正聚到腳既地方, 但年成來正式既版聚始終冇攪過, 所以就諗住係 9月攪返個勒,呢次版聚可以話係一波三折, 先有赤富夾唔岩時間, 再有小瑟要去珠海, 而壓軸既更有 JASON去迪士尼, 差小小, 9月既版聚就攪唔成了, 好在, 係 9月29日, 始終都係攪左出黎~~

估唔到今次一改再改既版聚都可以聚到成18人,Post76果然真係人才鼎盛!今次版聚我地約左為8點鐘,咁呢D大日子梗係一返工已經等緊收工啦 (關咩事丫~~平時都係咁架啦),所以一放工第一時間閃人,點解好似咁趕?明明未夠鐘架?咪就係因為約左Ming sir、小瑟、小肥、雷因、lolopopo、人生如夢同大佬John Happy hour囉 (排名跟到先既次序),雖然飲左唔係好耐,但我地已經全部warm up晒滔滔不絕黎傾計,當然亦都要多謝小肥既Cake同Ming sir請飲酒兼幫我燒左隻碟啦,真係出錢又出力好唔話得,請掌聲鼓勵

終於到差唔多時間,赤貧電話到催我地勒 (車~~其實佢都未到啦XDDDD),咁我地咪拿拿林走人,跟住分兩部的士去到目的地,一落車就見到正經人,再行上樓梯就見到赤貧同赤貧嫂。埋到去BBQ既地方其餘d人都陸續到齊 (當中包括nel、Ronald同Ronald嫂、Jones同k妹、威廉同Idy (排名不分先後)。首先大佬john可能之前空肚飲左d酒,一到果度就第一時間坐低dum低頭小休,好彩當有野到肚之後就成個醒晒無樹。今次我都係一如以往一樣小食多飲,所以真係無乜點食過野,好在今次有兩個人陪我一齊練仙,唔使估勒~~~就係ming sir同雷因勒,最衰湊唔夠8個人,如果唔係就可以練醉8仙,而家最多都係福祿壽炸!

成個BBQ過程都由係由幾位大廚操刀,因為果度唔係每人都有叉用 架,我意思係每人一枝燒烤叉黎用姐,所以我見幾位大廚好不忙碌,聽講好似有d唔熟都照掉出黎比大家食,~~好有美男廚房feel呀!

全過BBQ一如我所想,無論氣氛、話題都係一流既,大家都非常之投入,乜都吹得一餐,乜都笑得一餐,極之happy,不過當中出現重覆既話題最多就係講我去迪迪尼既次數勒,唉~~~夠啦!收手啦!

開心既時間過得特別快,又到時候講 ,話咁快就到11點幾,睇場人員走埋黎問我地加唔加鐘 (頂~~dum骨咩 ),我地就梗係唔加啦,咁早你地都會估到實有人建議去第二度再飲架啦,但因為第二日要返工,所以好遺撼地無出席到,最後同lopo,人生如夢一齊上路~~~~~踏火車歸家姐 (Jones:真係兩個幾字到火車站架炸 )……….小記完畢!

後記 –
今年小型版聚就好多, 但真正全部唔同組別既版聚就只有呢個, 黎緊 12月2日既5週年版聚, 就係希望你都會記得唔好約人, 留時間一齊出黎玩下, 食下, 開心下!!!


🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章