天仙配討論 | Marantz Model 10 x B&W 801 D4 Signature 旗艦靚聲

erinerin

B&W x Marantz 天仙配計劃!!! 第一日!! Leo 師傅同 Post76 為大家精心準備咗重量級旗艦嘅體驗🧡

器材我哋揀選咗目前非常旗艦靚聲嘅組合—— Marantz Model 10 x B&W 801 D4 Signature，希望今日揀嘅歌，以及我哋準備咗好耐 Marantz 工廠遊嘅絕密片段俾到驚喜大家🥰🥰🥰🥰

感謝大家支持 😸😸😸 希望玩得開心!!!!!!

erinerin

擺埋啲相出嚟先😎😎😎

samuel8892000

我只可說聲音十分真實 不得不佩服威廉sir 擺位功力 音場寬闊定位清晰 是我近期聽過最好聲嘅組合。

fungl

首先多謝76 俾機會我參加今次活動，好正！
器材嘅配搭、Leo 師傅嘅經驗及軟件分享、威廉Sir 同 Patrick 嘅器材擺位，76 嘅活動安排，樣樣都好好，
學到嘢之餘又欣賞到靚聲，渡過一個好開心嘅晚上, thank you!

Foreverwest

非常靚聲！全套組合真係做到傳真，由錄音大師親自証明就絕無花假！全晚印象最深係播放兩段嘅鋼琴錄音，真係大開耳界！可惜嘅係時間太短，好快就完咗一節，下次如果可以有兩小時，聽多啲不同曲目，坐不同位置肯定再好玩啲。

老五

我昨晚都有去聽，一心只係想聽下一部合併Amp 夠唔夠力推801 D4，縱觀琴晚覺得最靚聲係林子祥同羅文，鋼琴、小提琴、色士風同音效聲就冇乜感覺，因為我一向只喜歡聽人聲，係覺得個音場好闊，個空間感都好大，估唔到馬蘭士Model 10做後級推801 D4會可以咁靚聲

wllee

聽完真心有驚喜, 估唔到n40推到705, 而且仲有板有眼！！期望大王快啲出返活動當日playlist, 等我哋返嚟再聽下比較下

victorwk1628

好多謝Leo大師有關錄音經驗嘅分享，增加了對於錄音方面的知識，至於聲音就估唔到馬蘭士合併機推B&W 801D4 Signature 都咁好聲，有高有低，音場又深，真係超高性價比.

小瑟

多謝大家留言，我地都會參考大家意見係未來做得好D！

小瑟

【B&W x Marantz 天仙配會員實測】頂級旗艦 MODEL 10 登場！正式挑戰 B&W 801 D4 Signature！新世代 Class D 旗艦推「大喇叭」再次打破迷思

好多傳統兩聲道玩家一聽到「Class D（開關式放大）」或者「合併機」，再望望 B&W 801 D4 Signature 呢對旗艦巨獸，第一反應通常都係搖頭：「合併機點會推得好 801 呀？」、「Class D 聲底會唔會好乾好硬呀？」。

今次小瑟同埋Leo師父、Patrick，就喺活動現場用最真實嘅聽感，同大家拆解分享 Marantz 籌備多年、日本製嘅最新旗艦合併機 MODEL 10！

顛覆想像嘅 Class D 驅動力 💥
MODEL 10 每聲道坐擁 400W（4歐姆）嘅輸出，最難得嘅係佢解決咗傳統 Class D 缺乏音樂感嘅痛點。現場實測大編制交響樂同人聲，低頻嘅控制力、收放速度快如閃電，但同時保留咗 Marantz 最引以為傲嘅音樂感、暖意、尾音同埋極細緻嘅微動態。

現場真實聽感點評：
片中我哋會試盡古典大合奏、爆棚位同埋人聲細節。你會聽到 801 D4 Signature 展現出驚人嘅音場密度同定位，樂器多而不亂，完全唔似由一部合併機推動。呢部機究竟點樣做到「有 Class D 嘅怪獸級控制力，同時有 Class A/B 嘅動人情感」？即刻入嚟聽吓我哋嘅 100% 真實評測！

特別鳴謝：Leo師父、Patrick 現場專業分析！