Acoustune HSX ONE 真無線藍牙耳機登場 搭載日製分層金屬腔體

edita

採用創新的一體式分層結構設計，呈現獨特機械美學與現代透明設計風格。搭載改良型第三代 Myrinx 單元，首度加入 ANC 主動式降噪。

瀏覽新聞：https://news.post76.hk/2026/02/acoustune-hsx-one/

小瑟

【小瑟評測】Acoustune HSX ONE：日本製造 + ANC 注入！$2,280 入手金屬腔體 TWS 之選

前言：
大家好，又係我 Post76 嘅小瑟！今日同大家實試嘅係 Acoustune HSX ONE。呢隻耳機今代除咗加入咗大家期待已久嘅 ANC 降噪功能 之外 ，最驚喜係價錢壓縮到 二千多元 ($2,280) 就可以入手。究竟喺金屬腔體加持下，佢嘅聲底同上一代有咩分別？即刻話你知！

-------------------------------------------------------------------------

外觀設計：透明電競感 + 日本製造

• 兩款配色： 分別有石墨灰同水晶透明。小瑟自己就覺得透明白色非常有型。
• 電競味濃： 透明材質配合內部燈號眨吓眨吓，極具電競感覺。
• 日本製造： 呢點對於追求 MIJ 嘅朋友嚟講非常有吸引力。
• 金屬腔體： 採用 CNC 精密加工金屬做聲學腔體，暫時 TWS 之中好少品牌會咁重料。
  

技術規格一覽：

單元	第三代改良型 Mirus 10mm 動圈單元
編碼支援	SBC, AAC, LDAC, aptX, aptX Adaptive, aptX Lossless
續航力	連續播放約 8 小時
定價	HK$2,280

-------------------------------------------------------------------------

音質實試：Android (aptX Adaptive) vs iPhone (AAC)
小瑟分別用咗 Sony 同 Apple 電話去試，發覺兩者口味各有千秋：

1. Sony Xperia 1 VII (aptX Adaptive 96kHz)：
人聲非常溫暖豐滿，低音處理比上一代更實在。空間定位雖然唔算好闊，但有一種好似喺錄音室 (Studio) 聽歌嘅親切感受。

2. iPhone 16 Pro Max (AAC)：
人聲位置會企得再前一啲，鼓聲彈性好，分析力竟然比想像中高。雖然 AAC 喺高音尾音圓滑度略遜於 aptX，但音樂感依然十足。

-------------------------------------------------------------------------

功能與通話：

• ANC 降噪： 效果係舒服嘅，唔會覺得好大壓迫感，能有效過濾環境空氣聲。
• 通透模式： 表現合格，聽得返自己講嘢嘅聲，但未到完全「無感」。
• 通話收音： 實測通話穩定清晰，背景車聲過濾做得唔錯，辦公室或一般街頭使用都完全冇問題。
  

小瑟總結：
如果你係偏向鍾意聽 Pop、流行曲，或者追求重低音口味，HSX ONE 比起 1001 版本更容易入口同消化。以二千頭呢個價位有 MIJ 加金屬腔體，性價比真係幾高！


✨Acoustune HSX ONE產品詳情 :
https://soundwaveaudio.com.hk/acoustune-hsxone-product/