【活動報名】🥂 KEF Coda W & HEGEL H150 黑膠體驗會🎶🥂

erinerin

KEF x AV Life x Post76
從零打造「黑膠音樂空間」體驗會
組合一: ⭐️KEF CODA W 喇叭⭐️ x 黑膠唱盤
組合二: ⭐️HEGEL H150 串流擴音機⭐️ x KEF LS50 Meta 喇叭 x 黑膠唱盤



「從零開始」玩黑膠最基本概念，當然由聲音播放開始：第一步係由聲音源頭製造訊號，第二步放大訊號俾喇叭接收，最後由喇叭播放。入門嘅我哋想輕鬆體驗黑膠嘅快樂，就當然要輕鬆使用又靚聲🔥🔥 今次我哋就帶嚟 KEF CODA W 主動式喇叭同 HEGEL H150 串流擴音機  兩套組合🥂 分別連接黑膠唱盤，嚟到時代廣場嘅 AV Life 同 主持小瑟@ Post76 一齊聽吓點樣透過黑膠同無線連接，輕鬆玩出屬於自己嘅「黑膠空間」啦!!

⭐️KEF Coda W 主動式喇叭⭐️就係為咗各位想輕鬆享受音樂嘅師兄而設計嘅!!! 無論係黑膠、串流平台、定係電視音訊，只要接收到訊號，KEF Coda W 喇叭就可以做到處理並播放高質素嘅靚聲。Coda W 喇叭搭載一個 5.25 吋第 12 代 Uni-Q 同軸共點單元，更配備 KEF 研發嘅 Music Integrity Engine，提升音質嘅細節表現。內置唱頭放大器，適用於黑膠玩家。另外支援藍牙 5.4 aptX Adaptive 無線傳輸同 aptX Loseless ，高達 16-bit/44.1kGHz 嘅音質播放表現。配備 USB-C、HDMI ARC 等輸入端子，亦可以連接超低音，真正做到聽歌、家庭影院「我全都要」嘅多元玩法!!!

想進階啲師兄，絕對唔可以錯過⭐️HEGEL H150 串流擴音機⭐️ 加 KEF LS50 Meta 喇叭嘅進階玩法!!! HEGEL H150 串流擴音機 - The Prodigy 係 HEGEL 最新推出嘅新作，今次活動更加係😆「全港首試」💥 Prodigy 意思「天才」，蘊藏無限嘅潛力， 能夠將嚟自黑膠唱盤嘅訊號再次昇華，帶嚟更細膩入微嘅黑膠音樂體驗。HEGEL H150 串流擴音機 採用訂製嘅 A/B 類擴音機設計，搭載 HEGEL 專利嘅 SoundEngine 2 技術，擁有兩個 75 W (8Ω) 嘅輸出功率；擁有 XLR 、同軸、光纖 同 MM 唱頭輸入，串流方面支援 Spotify Connect、Tidal Connect、Apple AirPlay、GoogleCast 等等。 再配合 KEF LS50 Meta 喇叭，增加整體音樂感!!!

今次我哋更加邀請咗重量級嘉賓——喺音樂發行同娛樂產業工作超過35年嘅 ⭐️Keyman Luk⭐️ ，分享作為唱片公司製作時嘅幕後故事，更加會帶住非常珍貴嘅黑膠唱盤 Stamper 母碟級素材嚟到現場!!! 想知道對於品質、音樂咁有執著嘅 Keyman 聽咗來自 KEF 同 HEGEL 嘅黑膠音樂組合之後會有咩驚喜呢？快啲報名參與啦!!!!!

活動詳情🔎
日期: 2025 年 11 月 20 日 (星期四)
時間: 16:30-17:30 (AV Life專場)
                18:30-19:30 (Post76 專場)
人數: 每場 16 人
地點: AV Life 銅鑼灣 時代廣場分店
        (銅鑼灣勿地臣街時代廣場8樓830-831號店)
            
-----------------------------------------------------------------------------------------------------------------------------------------------
參加辦法:
版友必須於 2025 年 11 月 17 日 14:00 前申請，報名時須「聯繫方式」欄目中填入所需資料，最後請點擊「我要參加」選項才算完成。
於截止後，如報名人數超於上限，76-FriendClub 會員可優先進行抽籤，被抽中會員將經系統訊息 (PM) 或/及 Whatsapp 通知「活動的申請已通過批准」。收到訊息後，須盡快回覆 erinerin 小編 以確實預留位置，如於指定日期內未能確認，被抽中之會員將當作自動棄權處理，該名額將由輪候冊上的其他會員再抽籤補上。最終截止後見到自己頭像出現於【已通過】名單中，或於確認出席帖內名單上出現自己名稱，才算被安排出席，而我們亦以會員的個人訊息 (PM)、WhatsApp 或電話直接聯絡，確定該出席名額。
-----------------------------------------------------------------------------------------------------------------------------------------------
注意事項:
1) 網友被抽中出席後，必須於指定日期內確認以確保活動名額，否則視作放棄該出席權利；
     如該名額因此被分配到另一版友，且已得到確認出席，網站絕不作出任何安排或承諾。
2) 當日出席版友必須於活動開始前 15 分鐘到達並向現場工作人員簽到；進場次序將按簽到順序，如因任何理由而錯過入場隊列，則視為放棄該入場順序。
3) 未經確認身份謝絕 walk-in 參與。
4) 如被安排出席的會員於當日活動缺席，並且沒有合理解釋通知版主，網站有權取消該會員再次參加活動的權利。
5) 是次活動只供 Post76 玩樂網之會員參加，任何與該會員一同出席而非 Post76 會員的親朋戚友，一律不可參加活動前後相關的一切跟進安排與獎賞。
6) 如因天氣或其他情況臨時取消是次活動，我們會於網站內公佈，並可能以 網站 PM 或 Whatsapp 通知受影響的版友。
7) 網站有權按情況需要，自行更改相關內容及取消被抽中出席會員資格，並不作任何通知。
8) 如有任何爭議，Post76 及相關合作伙伴將保留最終決定權。
-----------------------------------------------------------------------------------------------------------------------------------------------
Post76 玩樂網 「爆發影音‧新體驗」
**********************************************************************************************************************************************

小瑟

入門既KEF CODA W用來方便玩黑膠真係幾唔錯, 有興趣就報名參加啦!!!