帝國驕雄 II 了無新意 男主角和特技平平無奇

龍無忌@FB

288/2024 70🥰

2000年列尼史葛的《帝國驕雄》(Gladiator)實在太勁，劇情甚佳，麥師武本是羅馬大將軍，想告老歸田卻被捲入政變漩渦，險死重生成為奴隸，輾轉被賣成為鬥士，在鬥獸場上復仇取回自己名聲，成為傳奇。電影將澳洲演員羅素高爾直接捧紅，可惜24年後才拍續集，氣勢不繼，羅素高爾也胖了三個碼。不過麥師武已死，下集唔會翻生。

《帝國驕雄 II》(Gladiator II)點都要同上集連接，靠的就是女角Connie Nielsen 演的Lucilla，這裡就不爆雷了。可惜劇情毫無新意，套路依舊，沒有驚喜，又係將軍厭戰、主角變奴隸、成為鬥士、復仇⋯⋯等炒冷飯情節。多年後特技效果改善，但場面未見新意，異獸、鯊魚、犀牛，以至開幕海路攻城戰，只是標準之作，並未突出，也不特別。如果加插多一段愛情綫及兄弟義氣嘅戲份調劑一下，可能降低冗長和添加感人的感覺。

致命傷要算男主角，由保羅麥斯卡(Paul Mescal)演盧修斯(Lucius)，毫無英雄感，不知由誰相中他，貌相文弱，樣子平凡，身型不夠魁梧，毫無魅力。感覺將貝哲羅柏斯卡(Pedro Pascal)及丹素華盛頓也拖下去。

對不起，上集實在太利害，我哋要求高咗好正常，如果唔係續集，《帝國驕雄 II》算是一部不過不失的電影。

同樣三級兼講羅馬角鬥士的，有一套電視影集十分精彩，是威爾斯演員安迪·懷特菲爾德（Andy Whitfield，1971-2011）演出的《斯巴達克斯：血與沙》（Spartacus : Blood and Sand, 2010)。有血有肉又有慾！男女演員個個都身壯力健，好爽嘅片🤪🥰

#帝國驕雄2 #GladiatorII
#PedroPascal #丹素華盛頓
#Spartacus #PaulMescal
#列尼史葛

Ed.YEUNG

。。。《帝國驕雄 II》(Gladiator II)點都要同上集連接，靠的就是女角Connie Nielsen 演的Lucilla，這裡就不爆雷了。可惜劇情毫無新意，套路依舊，沒有驚喜，又係將軍厭戰、主角變奴隸、成為鬥士、復仇⋯⋯等炒冷飯情節。。。

作爲續集，人物"過橋"發展延申必須有些小"交代"。Lucilla嘅角色存在就係為佐"延申逝者精神"，而且對阿仔成長嘅過程扮演重要角色，不能缺少。
今次嘅復仇"純屬私人恩怨，意外發現"，與前集雖然有異曲同工磨合，但係依然有些小唔同。
前集係"一人對暴君"，續集就"邊個同我唔妥，我就冧邊個"。

。。。多年後特技效果改善，但場面未見新意，異獸、鯊魚、犀牛，以至開幕海路攻城戰，只是標準之作，並未突出，也不特別。如果加插多一段愛情綫及兄弟義氣嘅戲份調劑一下，可能降低冗長和添加感人的感覺。。。

電影特技效果已經嚟到瓶頸好耐。宜家唔係邊個做得好，而係邊度做得"平"。
假若荷里活電影製作公司考慮將電影特效外包，佢地會將此"工程"外包俾香港公司，泰國公司，或者印度公司咧？
延續前集"故事架構"，電影開幕必須有"震撼感"。雖然無"搶救雷恩大兵"咁震撼，先由大約十分鐘嘅主角介紹，再進入十幾分鐘戰斗畫面。。。今次算係好收斂嘍。至少今次由陸面戰鬥，轉去海陸作戰，可算係有小小提升啩？

。。。致命傷要算男主角，由保羅麥斯卡(Paul Mescal)演盧修斯(Lucius)，毫無英雄感，不知由誰相中他，貌相文弱，樣子平凡，身型不夠魁梧，毫無魅力。感覺將貝哲羅柏斯卡(Pedro Pascal)及丹素華盛頓也拖下去。。。

講到主角Paul Mescal，對我嚟講真係好陌生。
揾番佢舊戯。。。
https://www.blu-ray.com/Paul-Mescal/1597103/
。。。實在完全無留低任何印象，因爲我完全無睇過。不過今次選佢為主角，完全符合角色成爲武士嘅發展。
角色原本就係個皇族後裔嘛，應該係"軟"男嘅，番嚟為"硬"漢。。。少佐大家期待嘅英雄感，無麽問題呀！皇族後裔應該唔參與任何戰役嘛。。。

Pedro Pascal，留低最深印象嘅祇有佢嘅喜感。。。
https://www.blu-ray.com/Pedro-Pascal/355983/
。。。能夠出力，今次算係"硬"小小喇。

話到 丹佐。華盛頓 ，近十幾年都係俾佢嘅英雄印象深刻民心。好少人會諗起佢嘅"奸角"，除非大家會時不時揾番Training Day嚟回顧一下。
https://www.blu-ray.com/Denzel-Washington/65491/
與Ridley哥嘅合作，祇限於 Man On FIRE 與 American Gangster 兩部戯。
前者英雄感強，後者由狠轉弱。今次羅馬帝國背景就將佢角色提升至"奸"，復仇恨意不易顯露。。。直至電影終結嘅最後一粒鈡。可以收貨喇！

小瑟

我未睇, 不過聽講票房好慘淡!!! 因為好似冇咩院做~~

Ed.YEUNG

目前先由國際市場開映。。。
https://www.blu-ray.com/Gladiator-II/1661032/
。。。美洲方面就哩個星期。
票房熱度方面。。。
https://www.boxofficemojo.com/title/tt9218128/
。。。未見其它亞洲市場嘅數目。

LeoChin@FB

#Spartacus #PaulMescal
非常正

marco

龍兄,話時話呢套會三級既?場面好血腥架

rach

marco 發表於 2024-11-18 15:52
龍兄,話時話呢套會三級既?場面好血腥架

幾血腥架🙈

marco

rach 發表於 2024-11-18 19:46
幾血腥架🙈

搵日睇下先，親仲未落畫

Ed.YEUNG

血腥畫面方面，與前集不分上下。
與 奧利華。史東 嘅《亞歷山大》相比，收斂好多嘍。

龍無忌@FB

marco 發表於 2024-11-18 15:52
龍兄,話時話呢套會三級既?場面好血腥架

我唔係好覺，不過都係因為血腥評為三級。沒有福利。