【活動報名】Sony x Post76 專業級音響產品技術交流工作坊

erinerin

Sony x Post76
專業級音響產品技術交流工作坊

耳機產品已經成為生活中不可或缺的一部分。無論係通勤中 定 運動嗰陣，定係工作中，我們都可以見到大家戴著各種不同形式或接駁方法嘅耳機，形形式式，五花八門嘅組合。例如以『換能原理區分』嘅動圈式、動鐵式、壓電式、氣動式、靜電式；或者以『開放程度區分』嘅開放式、半開放式、封閉式；亦有「佩戴方式區分」嘅耳罩式、貼耳式、平頭式 (Earbuds)、入耳式、耳掛式、繞耳式；更以『用途區分』嘅便攜式耳罩、耳麥(如電競耳機/接線生使用嘅耳機)；又或者以「音源訊號傳輸方式區分」嘅有線傳輸、無線傳輸；甚至有『抗噪方式區分』嘅主動式抗噪與被動式抗噪等。



無論你選擇邊個類型，一對高質量嘅耳機都應該能夠還原初心，俾你享受美妙嘅聲音世界嘅同時，都能夠聽到製作人真正希望帶畀大家嘅聲音效果! 🎧✨ 音樂製作人嘅耳機絕對係「還原初心」嘅 「靈魂」，而這個製作 「靈魂中嘅靈魂」，正係錄音室或製作團隊工作時，常用到嘅 Sony MDR-CD900ST、MDR-7506、MDR-M1ST、MDR-MV1 等。🎵

如果仲有關注華語定日本樂壇嘅版友們，相信都聽過 <The First Take> 呢個 YouTube Channel，由日本 Sony Music 製作。除左日本嘅歌手，華語及我地香港區都有唔少歌手喺節目獻唱，如陳柏宇、林奕匡同蔡依林等 ... 佢哋喺節目中戴住嘅耳機就係 MDR-CD900ST 頭戴式監聽耳機。MDR-CD900ST 喺 1989 年推出，係因應 CD 市場而生嘅產品，也是全球不少音樂製作人經常使用嘅專業監聽耳機，原因係其原音與出色嘅細節的表現，而且長時佩戴相當舒適，CP 值又高、就算黎到 2024 相隔 35 年，Sony 嘅專業與及質素亦由此可見。



而製作 "靈魂中嘅靈魂" 人物中，有份參與近年 Sony Pro Audio 系列 ~ 2020 年推出 MDR-M1ST 及 2023 年推出 MDR-MV1 聲學設計部分嘅專業聲學工程師 ~ 潮見俊輔先生將親臨香港；兩款都係耳罩式錄音室監聽類，MDR-M1ST 針對高解析度嘅音樂製作開發者，而 MDR-MV1 更著重空間音效同 360 度嘅聲音定位重現。

Post76 有幸聯乘 Sony Pro Audio 訪問潮見先生，當然要預埋 76-會員一齊參與，讓大家可直接同潮見先生對話，了解佢參與嘅 Sony Pro Audio 產品時，係點樣滿足專業製作嘅要求? 而製作一隻專業耳機或相關專業產品嘅過程中，專業耳機同靚聲耳機係設計重點或概念上到底有咩分別? 或者聲學工程師嘅參考標準又係點樣 ...? 總之想問乜，mark 低晒畀我哋預先翻譯好⚠️，現場潮見先生就可以一一解答啦! 🎤👂

仲有，叫大家嚟點會只得問無得睇，無得試聽!? 🎶 我哋亦同 Sony 安排咗唔同配搭嘅 Sony Pro Audio 產品，仲有大家熟悉嘅 Sony 神器，讓大家一個下午中，可以體會到專業同發燒神器嘅分別。不論你係 YouTuber、獨立製作人、專業製作人，定係發燒玩家，呢個難得嘅機會，真係唔可以錯過!!🎧🔥


活動資料:
日期 : 2024 年 9 月 7 日 (星期六)
時間 : 14:00 - 16:00
名額 : 35人
嘉賓 : Sony 專業聲學工程師
          潮見俊輔先生
地點 : Sony Store 香港專門店
          香港銅鑼灣軒尼詩道 500 號希慎廣場 503-504 號舖
         

⚠️歡迎各位版友係呢個報名帖下面，留底你哋想向潮見先生請教嘅問題!!!
⚠️不設即場提問，我哋將會預先收集好所有問題以便安排翻譯。
⚠️問題收集截止日為 2024 年 8 月 30 日(星期五)。


---------------------------------------------------------------------------------------------------------------------------------------------------
參加辦法:
版友必須於 2024 年 9 月 2 日 14:00 前申請，報名時須在『聯繫方式』欄目中填入所需聯絡資料，最後請點擊「我要參加」選項才算完成。
於截止後，如報名人數超於上限，76-FriendClub 會員可按當時報名狀況，相應比例作優先安排，而可出席會員將經系統訊息 (PM) 通知『活動的申請已通過批准』。收到訊息後，須盡快 pm 回覆 erinerin ... 你們的聯絡電話以確實，如於指定日期內未能提供所需資料，被抽中之會員將當作自動棄權處理，該名額將由其它落選會員再抽籤補上。
---------------------------------------------------------------------------------------------------------------------------------------------------
注意事項:
1) 網友被抽中出席後，必須於活動開始前 24 小時確保名額以被確認，並同意接受一系列防疫措施，否則視作放棄該出席權利；
    如該名額因此被分配到另一版友，且已得到確認出席，網站絕不作出任何安排或承諾。
2) 當日出席版友必需於活動開始前 15-20 分鐘到達、簽到以確實，並填寫健康申報記錄。
3) 由於場地座位有限，未經確認身份謝絕 walk-in 參與。
4) 如被安排出席既會員於當日活動缺席，且並沒有合理解釋通知版主，網站有權取消該會員再次參加活動既權利。
5) 如因天氣原故或疫情突然惡化需臨時取消是次活動，我們會於網站內發帖公布，並可能以 SMS 短訊通知受影響嘅版友。
6) 網站有權按情況須要，自行更改相關內容及取消被抽中出席會員資格，並不作任何通知。
7) 如有任何爭議，Post76 及相關合作伙伴將保留最終決定權，所有安排不得異議。
---------------------------------------------------------------------------------------------------------------------------------------------------
Post76 玩樂網 「爆發影音‧新體驗」

*******************************************************************************************************************************
會員報名須點擊本帖頂部「我要參加」選項，並須填寫姓名、聯絡電話 及 電郵等資料，最後點擊「提交」選項完成申請。
最終截止後見到自己頭像出現於【已通過】名單中，或於確認出席帖內名單上出現自己名稱，才算被安排出席，而我們亦會以會員的
個人訊息 (PM)、WhatsApp 或電話直接聯絡，確定該出席名額。
*******************************************************************************************************************************

小瑟

⚠️歡迎各位版友係呢個報名帖下面，留底你哋想向潮見先生請教嘅問題!!!
⚠️不設即場提問，我哋將會預先收集好所有問題以便安排翻譯。
⚠️問題收集截止日為 2024 年 8 月 30 日(星期五)。

活動資料:
日期 : 2024 年 9 月 7 日 (星期六)
時間 : 14:00 - 16:00
名額 : 35人
嘉賓 : Sony 專業聲學工程師
          潮見俊輔先生
地點 : Sony Store 香港專門店
          香港銅鑼灣軒尼詩道 500 號希慎廣場 503-504 號舖