《無間道》導演劉偉強Post76 專訪背後心路歷程

龍無忌@FB · 發表於 2022-12-4 10:43

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由影音小編輯於 2022-12-16 12:45 編輯

12/2 星期五晚本來一心一意準備去K11 Art House欣賞《無間道》4K復修版本，點知突然收到Hugo 話導演劉偉強先生會在開畫前半小時接受訪問，咁即刻做足準備，然後又收到訊息話再早啲，導演會再早多廿分鐘到；我即刻由銅鑼灣用極速途徑飛過海。💪

去到Art House 電影院入面個靚靚酒吧，Hugo 正在set 機，導演已經係度同十幾人傾計，以為訪問已經開始！我行埋去問Hugo 情況，佢話那些都是導演助手朋友和公關同事，原來今次導演是特登給Post76 《好熱戲》專訪而不是圍訪！嘩，真的感謝公關和導演咁俾面，我馬上緊張起來，走埋去同Hugo 講：「兄弟，不如你嚟訪問，我揸機啦🤪🤪🤪」，Hugo 緊係捉我上前線😱

於是硬著頭皮埋去同劉導演打招呼破冰閒談，點知劉導演劈頭一句：「我成日睇你哋Post76 㗎！」✌️🤪「哈哈，原來你係Hi-Fi 影音發燒友！」跟著從佢每個區嘅工作室都設有私人影院，講到年輕時佢都有踼足球⚽️⚽️⚽️，講講下仲拉起兩條褲管，俾我睇佢兩隻腳上下五吋留低嘅歷史痕跡，果然同我一樣係波痴加影痴，於是成個人鬆晒，天南地北地和劉導演閒談起來，我仲話下個禮拜會去布吉同表哥勝庭哥一齊踢波⚽️⋯⋯ ⋯⋯

由於劉導演的健談和平易近人兼和藹可親，正式訪問開始已經十分順利，而且無所不談，回覆問題非常深入透徹👍👍👍
大家記得留意Hugo 極速加班下輯錄快將出嚟嘅《Post76 好熱戲》精彩訪問嘞！🤟❤️🥰