PAC 家訪後感2022

pac

一連兩日三場家訪完滿結束，非常多謝各位師兄今次踴躍參加
氣氛好好，各位師兄都好肯分享。有機會再玩過，祝大家身體健康，影音越玩越精。

SteveMCWong@FB

今日有幸可以到PAC家中拜訪，感受KEF reference 5 + ANTHEM AVM 90嘅效果，印象最深刻是播放一代宗師同龍虎門，一套高水準的家庭影院，原來可以做用舊制式，營造到好似由天花落雨，落石嘅效果，我仲以為條片係有用天空聲道😂。今次除咗可以欣賞到一套hi end 家庭影院外，PAC 亦都好樂意同我哋分享HTPC的知識，智能家居點樣溶入家庭影院，subwoofer 相位嘅玩法，我亦係另外三位師兄身上學到唔少心得，希望以後大家多D互相家訪，齊齊愈玩愈好，總給今日嘅心情就係眼界大開，獲益良多。

pac

SteveMCWong@FB 發表於 2022-11-27 09:31
今日有幸可以到PAC家中拜訪，感受KEF reference 5 + ANTHEM AVM 90嘅效果，印象最深刻是播放一代宗師同龍虎 ...

多謝光臨。
一齊玩開心啲

jluke7

好有幸尋日可以上PAC 大師度家訪同現場感受對KEF ref 5 meta.因我形容詞貧乏,所以只係講D感受-最深印象係嗰一連串嘅鼓聲,極震撼但又唔覺得over, 每件樂器聲都極通透,耳界大開.另外部anthem avm90睇戲時嘅環境聲,臨場感一流,睇morbius 一幕d蝙蝠聲連每一隻飛去邊個方向都好清晰係到要再多謝PAC大師嘅招呼同各樣setting嘅分享！

pac

jluke7 發表於 2022-11-27 10:41
好有幸尋日可以上PAC 大師度家訪同現場感受對KEF ref 5 meta.因我形容詞貧乏,所以只係講D感受-最深印象係嗰 ...

AVM90夾THE REFERENCE 真係幾好架

lokki

二次PAC有新KEF Reference 5入屋都有機會上去家訪
二次比我體驗都好有新鮮感，今代二聲道KEF Reference 5 Meta表現有明顯改變，背景好靜不失空氣感
平日播絳州大鼓第一首時正常喇叭振膜就開始瘋狂跳動
但今日播絳州大鼓成間屋量感十足亦睇唔出KEF Reference 5 Meta喇叭振膜有震動，可見整體系統相當迎刃有餘，仲有好多潛力解放，期待下次在去會有咩新境界
家訪最後我對天花喇叭好有興趣，PAC也很願意介紹，但當一介紹就知唔簡單也沒有在問落去，邊個會諗天花會裝隻8吋喇叭，環繞喇叭都未必會裝到8吋
師兄獨樂樂不如衆樂樂心態絕對係Post76清泉，問得既都實教

pac

lokki 發表於 2022-11-27 13:35
二次PAC有新KEF Reference 5入屋都有機會上去家訪
二次比我體驗都好有新鮮感，今代二聲道KEF Reference 5 M ...

獨樂樂不如眾樂樂是我的座右銘

jjwenda

自己作為一個新手，呢次聚會，好老實真係令我大開眼界，原來兩聲道和家庭影院，經過悉心調教後，係可去到呢個境界，真係難以簡單用文字和語言來表達套機嘅效果表現，暫時係自己聽過嘅組合當中數一數二嘅

其中令自己最深刻回味嘅就係睇演唱會和電影，置身其中嗰種包圍感，聲音嘅密度，其次就係去到咁大嘅音壓，喺冇乜做吸音acoustic 嘅情況底下，居然冇駐波出現，調教技巧加上對Kef嘅表現應記一功

覺得自己係一個發燒友嘅，有機會真係要上去睇一睇，聽一聽，感受吓，就知道留言絕冇誇大到

最後非常多謝Pac師兄的招呼，分享玩機心得，下次有機會小弟都想再上去傾吓偈，吸吓毒～

pac

jjwenda 發表於 2022-11-27 17:11
自己作為一個新手，呢次聚會，好老實真係令我大開眼界，原來兩聲道和家庭影院，經過悉心調教後，係可去到呢 ...

𣎴過下次無THE REFERENCE META架喇！
明天收走了

jjwenda

pac 發表於 2022-11-27 17:54
𣎴過下次無THE REFERENCE META架喇！
明天收走了

正如Pac師兄所講，調教技巧尤勝於音響器材本身，如果各方面配合的話，二佬有時都會贏大佬，相信就算冇Meta，都會有好表現