[分享]Intime 碧Ti 耳機 - 耳機討論 - Post76玩樂網

Post76玩樂網

搜索
查看: 684|回復: 0
打印 上一主題 下一主題

[分享]Intime 碧Ti 耳機

[複製鏈接]

22

主題

111

帖子

0

精華

星級玩家

Rank: 7Rank: 7Rank: 7

積分
16449

76-FC 綠翡翠勲章

跳轉到指定樓層
1#
發表於 2022-5-2 22:41 | 只看該作者 加入黑名單 |只看大圖 回帖獎勵 |倒序瀏覽 |閱讀模式
本帖最後由 chief424 於 2022-5-2 22:43 編輯

好耐冇上Post76討論區了, 而最近身邊發生左唔少事 (先後中左O記 , 跟住老政派5雞消費) , 趁自己仲未死得就買下玩具...LOL

上年就用FD5同ZX507,  今年換左Intime 碧同埋Fiio M11 Plus ESS版, 同埋買左香港買唔到的Fidelio X3耳筒, 同埋MV500耳機...大消費XDDDD

咁小弟想分享下碧呢隻耳機的聽感, 點解選呢隻耳機, 一來最近做特價, 二來大陸唔少網話呢隻耳機可以呢個價錢KO晒Final的音質  

如是者去左荔枝角某鋪頭買, 特價之餘估唔到老細都係巴沙拿的同好, 好感動...^_^



^個盒好細...

外觀好簡潔, 冇其他大牌咁重科技, 雖話唔可以換線但係原裝有3.5同4.4版, 咁我買左4.4版

(其實我唔鐘意換線耳機, 因為又要額外俾筆錢出黎加野, 同埋換線總覺得係間公司對自己作品冇信心或者話自己雞野自要咁做 [同果D可換filter的耳機一樣], 當然有人話如果壞左可以即刻換而唔洗企係度...)



^拜一拜巴沙拿, 保佑自已唔好聽D垃圾背書歌...


入正題:

今次我用9068 ESS M11試 (其實想買AKM, 不過貴同埋驚壞果時冇晶片換, 點知早幾日就話出4499EX...吹啤)

選曲我選左EXINA(西澤幸奏)的歌去試 , 西澤妹未改名之前隻隻歌都好正, Rock得黎果種唱功好表達果種宣洩不滿的情感, 好鐘意, 所以當年都花左成千蚊去九龍灣聽現場

第一隻歌就係西澤的歸還; 想當年某大作劇場版的主題歌, 隻歌的MV係youtube都好紅

一開波西澤由rock妹變左乖乖女唱solo, 開頭好普通, 但係背景的鼓聲係砰砰聲打落個肺度, 好有動感, 到中段西澤妹由乖乖女變左一個怨女mode, 開始Scream歌, 女聲果刻好前好震撼, 配埋背景的樂器聲, 加埋套動畫本身悲壯的主題就變得好夾, 只可以話"好精彩", 即係冇睇過艦娘都feel到果種慘慘豬的感覺
(如果同以前FD5比FD5音場會闊D, 人聲壯D, 但係碧做到的效果我會用乾淨去形容, 雖冇FD5咁勁但係又有另番味道)

之後第二隻歌就係西澤妹的Gray Blaze, 唔知某隻online game的歌, 隻歌又係好勁, utube有成百二萬點擊率(當然唔係印巴人的專利), 記得以前用IE400定舒耳技安力3去聽隻歌的處理又係一般
(拿埋一舊), 但係去到碧呢一代就可以分得好好, Rock 得黎唔會嘈, 唔會嘈得黎可以慢慢品嘗西澤妹的感情演繹, 變得聽得好舒服, 好enjoyable

最後就選左Exina, 西澤妹轉型後出左冇幾耐的歌Ending Mirage, 呢隻歌係某套咸濕卡通的ending, 短短幾個月就30萬點擊率 , 擊敗左其op...LOL(OP又真係一般), 隻歌有兩個版, 一個piano同正常版
先講講正常版, 可以話同碧好夾, 西澤妹的Bowie髮色配GAGA髮型好入神...LOL (笑), 隻歌第一次聽會覺得一般, 我聽左幾次先入味...
咁好聽在那兒? 一來西澤的唱功, 二來隻歌果種爽快, 流暢度, 令我諗起以前Flock of seagull (誇左D...LOL)的玩法,  中段又快轉慢而慢轉快好頂癮...
而碧好玩的地方係將隻歌分層得好好, 有層次感之餘同歌聲痴埋一起好爽, 好果有心去睇翻譯歌詞就會覺得呢隻歌好精彩...好match套咸濕卡通

聽左3隻歌, 碧處理西澤妹的歌可以話好聽
(如果同FD5比, 個人覺得FD5係studio唱Phantom of opera俾你聽的感覺, 而碧就係Mike oilfield好溫柔咁唱Moonlight shadow的方式唱俾你聽, 各有各, 不過碧的清晰度個人覺得好過FD5少少)

聽完西澤妹, 就梗係聽巴沙拿的歌...LOL

總結呢隻耳機印象好深刻, 果然係次旗艦, 2000蚊樓下已經好好玩, 仲好聲過A4000

評分:

外型: 30/100 (雖然話Kira同Yo好靚但係我係實用為先, 不過個設計又真係太簡單...好似當年的CX500咁)
音質: 150/100 (以前買過好多耳機唔少都要"夾歌", 而且出黎的效果唔差, 比較什食...可以一戰)
價錢: 200/100 (超值啦, 買黎粗用, 街用都抵)







您需要登錄後才可以回帖 登錄 | 成為會員

本版積分規則  允許回帖郵件提醒樓主

重要聲明:本討論區是以即時上載留言的方式運作,Post76玩樂討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。權利。
快速回復 返回頂部 返回列表