談談錄音鑑聽喇叭

koalaau

我之前用yamaha ns1000m，聲音取向真係好清淡，高音中音通透，低音快放快收，分析力細節豐富，好能反映其他不同器材的特質和分別，不過就真係冇乜味道，聽音樂時會有總監聽感覺，而不是嘆世界。

後來我換了diatone ds2000，整體表現與1000m比較各有高低，不過ds 2000音色濃厚嬌艷較討好人，外表亦美觀好多，以家用來說，ds 2000更合我意。
不過如能夠有位有錢讓我收藏好多喇叭，而同類只準揀一對，我會選ns1000m。

koalaau

監聽喇叭其實唔係人人啱，監聽喇叭的特式就係準確，對系統頗有要求，如夾得唔好可以好衰聲。而重播錄音，系統攪得好，播靚聲碟就靚聲，衰聲碟就衰聲，唔會好似好多家用喇叭咁播乜都好聽。所以我之前話聽ns1000m會有種監聽感覺就係咁，如果鐘意嘆世界，監聽喇叭就不是你杯茶。

不過如果玩幾對喇叭，有其中一對係監聽喇叭作參考係好事。

koalaau

MDLP 發表於 2022-4-14 16:27
呢種角色對調
就解釋到點解近代港產錄音
遠遠不及八十年代錄音

認同但不是全部。
轉變左唔等於好左，大型監聽與小型監聽位置對調明顯係遷就電台播放和普遍用家，而非追求品質。情形與loudness war好相似。
八十年代錄音靚，與用模擬錄音、多用真樂器都有關係。

koalaau

我冇聽過ns 10，講真yamaha的聲音係有個譜，應該唔會去到衰聲，但同一般家用喇叭比可能真係會唔討好，尤其如果聽慣英系喇叭，果種甜美聲底其實幾重味精。

koalaau

old8woman 發表於 2022-4-14 17:29
LS-3/5A都係BBC電台設計的Studio monitor,但味精甚重...........

3/5a唔係錄音室監聽，而係廣播車流動廣播用，所以強調中頻人聲。