另類推介 BIBI - LIFE IS BADX 專輯

Davidfwh

韓國女Hip Hop/R&B singer songwriter BIBI 。我係YouTube追佢啲歌追咗幾年,終於等到佢有第一張實體CD個人第二張專輯推出,我有聽開佢啲歌,就緊係第一時間入手啦！但如果從來冇聽過佢啲歌,淨係睇個封面應該唔會買（趕客封面）。
我鐘意聽BIBI是因為佢根本成個人都 係流着Hip Hop 嘅血,佢一企出嚟就係唱Hip Hop ,無任何雜質可言，好有個人Style冇得輸。
講返今次張專輯,5首歌也是她親自有份監製,創作,填詞，全面參與。每首歌都好有佢自己嘅Hip Hop style, 錄音水準很高,低頻又夠強勁,試喇叭最啱。
唯一缺點,歌曲太少又太短,全碟十五分鐘聽完,我要連續聽四五次先夠皮。如果佢遲啲可以把之前網上啲歌輯錄製成另一張新專輯,咁就正到爆,由其是佢唱果一首「Restless」真係正到冇朋友。各位師兄師姐,有興趣都可以上網聽吓BIBI呢張專輯和佢其它歌,聽下啱唔啱心水。