試聽咗一日,同我手上現有嘅幾款不停比較,個人覺得Galaxy Buds Pro 都算唔錯 同聚多唔同brand 嘅TWS 都係有同樣嘅死証,就係出厰時配嘅耳套。 我發覺跟機嘅耳套都唔多好聲。 由唔駛錢跟機送嘅buds/buds+/buds Pro 到TrackAir+SE/MTW2/MTW。全部都比跟機嘅原裝耳套限制咗發揮。 我自己鐘意試pair 唔同嘅耳套,用啱自己嘅耳套對隔音同音質可以有好大提升。 我自己最喜愛嘅pairing: MTW/MTW2 配AZLA SendaEarfit Light (MS) TrackAir+ SE 配 AZLA Xelastic (MS) Buds+ 配 Final Type E (TWS version) Buds Pro 配 AZLA Xelastic (MS) 我主要聽Rock/Pop/Movie soundtrack 為主。 我自己覺得音質嘅排名係: 1) Momentum True Wireless (到而家都係最鐘意佢) 2) MTW2 (High end 無第一代咁好。) 3) TrackAir+ SE / Buds Pro (中上。同MTW2 好接近。) 4) Buds Live (ok la. Bass 係重但人聲同details 相對以上嘅掙啲) 5) Buds + (普通。佢嘅分析力比buds live 好,但bass 唔夠presence) 我自己嘅操控排名 1) Buds+ (1/2/3按,可自訂嘅左右不同長按,加左右上短拍大細聲) 2) MTW2 (可自訂1/2/3按,左右長按大細聲) 3) MTW (左右不同 1/2/3按,左右長按大細聲) 4) Buds Pro (1/2/3按,可自定左右不同長按,語音activate ambient mode) 5) Buds live (1/2/3按,可自定左右不同長按) 6) TrackAir+ SE (只可自定2/3 按) ANC/隔音質數 1) TrackAir+ SE (好effective,仲有好有效嘅抗風噪!) 2) Buds Pro (同TrackAir+ SE 好接近但抗風噪慢過TrackAir+SE 啟動) 3) MTW/MTW2 (雖然MTW2 比MTW,但本身passive noise block 已經好好,MTW2 個ANC 比較唔明顯) 4) Buds+ (InEar 比buds live 有ANC 更隔音) 5) Buds live (好過無) 通話質素 1) TrackAir+ SE 2) MTW2 3) Buds Live 4) MTW/Buds+ PS. Buds Pro 未認真試所以未排上去 Apps special feature 1) MTW2 EQ 同只有佢個app 可以控制對耳機轉連唔同嘅device! 2) Buds Pro/Buds Live/Buds+ 大家都係用Samsung Wear,可以係samsung account device 自動switch。 3) MTW EQ 4) TrackAir+ SE 無咩特別功能 TLDR: Buds Pro 最有用嘅係,比起buds+個盒可以容納長少少嘅耳套,可以有更多嘅選擇。用啱咗耳套,啲聲比bud+ 靚好多。 ANC 都好effective。 如果各位買手機有得送(或只加400蚊換) 一定唔好錯過。 我相信暫時Buds Pro 可以令我把Buds+/TrackAir+ SE/Buds Live 放埋一邊。 如果要更好音質我就會用MTW2/MTW。 或者用返我啲綠/鋼/黑仙女加Zorloo...... |