《新異變人》+《花木蘭》藍光入手速試

Hugo Fok

《新異變人》講述五名年青異變人各有不尋常的黑暗背景，卻一同被困在仿如鬼屋的秘密機構內，被禁絕與外界接觸，恐怖怪事卻接連發生，他們想合力逃出生天，彼此的友誼即受到最嚴峻的考驗... 《新異變人》為《變種特攻》系列外傳, 以同名原著 Marvel 漫畫作藍本, 開創暗黑驚慄新路線,突破《變種特攻》系列電影設定。主角包括《思．裂》 Anya Taylor-Joy﹑《權力遊戲》 Maisie Williams﹑《怪奇物語》Charlie Heaton 及 《始祖家族》Blu Hunt 等...  港版以 BD50 作載體，電影為《變種特攻》系列中首部採用 16：9 畫幅的電影作品，呈現打鬥戲碼時較 21：9 顯得較爲震撼。聲音方面藍光版用上 DTS-HDMA 7.1 作收錄，應對片末 Boss 戰時都所呈現的超大動態表現及量感表現都可算交到新片水準。坦言以驚悚片自居的《新異變人》在製作規模、故事節奏上只算是一部單元劇，亦未能為系列再創突破。然而當作是為久候多時的期待感作一個小了斷，《新異變人》仍是可以一看。

畫質 3/5：16：9 畫幅打鬥場口來得震撼
聲效 4/5：DTS-HDMA 聲底爽快，險勝 ATMOS

















迪士尼真人電影《花木蘭》講述中國古代，一位年輕女子為了救她的父親，女扮男裝代父從軍。在穿越中國廣闊土地的壯麗征程中，她從緊張的訓練和戰爭中存活下來，並且最終從外族侵略者手中拯救國家...主角包括：劉亦菲、甄子丹、李連杰、鞏俐及鄭佩佩等。港版以 BD50 收錄，畫質因電視風格所致，顔色略為鮮艷濃鬱，銳利度亦因復古取向而較 Soft。音效上港版只有英、韓兩款語言選擇，較可惜是未有提供任何華語聲音作選擇。 而 DTS-HDMA  英語效果表現平均，聲效定位元素偶有發揮，以新片而言算達標。

畫質 3/5：鮮艷濃鬱、銳利度因風格所致較 Soft
聲效 3/5：DTS-HDMA  表現平均   聲效定位元素偶有發揮   

tinlunlau

花木蘭反而歐美地區嘅Disney Plus串流平台有普通話配音頻道。又話李連杰喺國語版以原音演出，聽落嚟佢把聲怪怪地咁。

:o)

        劇情又如何呢？

Hugo Fok

講起劇情... 我覺得套片直接叫《花木蘭：原力覺醒》會比較貼題，編劇好似已將「氣」同「原力」既概念混爲一談... 而魔幻元素亦蓋過左「孝」既教誨意味

22333000

Hugo Fok 發表於 2021-1-17 10:44
講起劇情... 我覺得套片直接叫《花木蘭：原力覺醒》會比較貼題，因此編劇已將「氣」同「原力」既概念混爲一 ...

Hugo Fok，你講既「原力」係咪  ( 星球大戰 )果隻「原力」？

如果你講係 ( 星球大戰 )果隻「原力」，我就睇唔到係《花木蘭》裹面有( 星球大戰 )果隻「原力」。

係套戲裏面未見過《花木蘭》可以用念力囉劍。

我睇到成套戲裹面都係講把劍果三個字 《忠，勇，真》




到最後更要提到《 孝 》！

Hugo Fok

多謝 22333000 兄既見解，不過因為一部電影可以有好多唔同既解讀方式，正如“原力” 系唔同時代、導演同班底既出品下都有唔同既解讀方式... 歸根究底最緊要套片拍出來令人共鳴，大家睇得開心之餘片商又回到本，已算系合格呢

teddy

每次見到鬼佬話“氣”就覺得搞笑，中國人邊會咁講嘢架，佢哋係同龍珠混為一談

teddy

Hugo Fok 發表於 2021-1-17 17:15
多謝 22333000 兄既見解，不過因為一部電影可以有好多唔同既解讀方式，正如“原力” 系唔同時代、導演同班 ...

呢套藍色戲回到本真係冇天理

22333000

teddy 發表於 2021-1-18 10:01
每次見到鬼佬話“氣”就覺得搞笑，中國人邊會咁講嘢架，佢哋係同龍珠混為一談 ...

你係邊一段戲入面見到有鬼佬講[ 氣 ］？

teddy

22333000 發表於 2021-1-18 10:30
你係邊一段戲入面見到有鬼佬講[ 氣 ］？

你睇既係卡通版定老翻？