《刺客教條:維京紀元》遊戲速評 - 電玩天堂 - Post76影音玩樂平台
設為首頁收藏本站76Youtube 頻道

Post76影音玩樂平台

搜索
查看: 1176|回復: 1
打印 上一主題 下一主題

[原創文章] 《刺客教條:維京紀元》遊戲速評

[複製鏈接]

1079

主題

1萬

帖子

41

精華

行動組版主

Rank: 8Rank: 8

積分
338232

76 榮譽版主勲章76 榮譽VIP勲章76 精選榮譽會員勲章76-FC 黑鑽石勲章

跳轉到指定樓層
1#
發表於 2020-11-10 15:39 | 只看該作者 加入黑名單 |只看大圖 回帖獎勵 |倒序瀏覽 |閱讀模式
本帖最後由 阿定 於 2020-11-10 16:28 編輯



在經歷過接近二十小時的維京世界後,小編終於可以一寫今集 《刺客教條:維京紀元》的感想。作為新主機的首發作品。 《刺客教條:維京紀元》在各方面都充滿話題性,當然,亦包括河蟹版方面…的話題。不過先讓我們由遊戲性方面講起。



維京狂戰士與他的快樂小夥伴
容許我先由結論講起,今集 《刺客》毫不刺客。今集是一部以維京海盜作為題材的作品,故事一開始由於主角在挪威失去了安身之所,所以主角及其快樂的夥伴們很快就坐快艇、揸雙刀成為了英格蘭的「新移民」。



遊戲當中的其中一個新要素就係要為主角建立新家園,在為新家園升級的同時,除了基本要帶來新建築外,亦要增加基地的新功能,而小編認為這個新的育成要素的確為本作增加了不少耐玩度。另外,建立新家園當然需要唔少材料,而作為一個揸雙斧的維京人靠搶係好正常嘅。遊戲的另一個新要素就係「劫掠」系統,如果主角去到一些特定的據點,可以吹起號角,主角的一眾快樂小夥伴就會出現進行團戰,大家就可以一起快樂地殺人放火、搶資源。但同時亦因為上述的新系統會成為遊戲的主軸,所以以前的潛行暗殺、一人屠全城的情景會被大大減少,小編十多個小時遊戲以來大多以團戰為主,而這個改變好唔好相信純屬個人口味,大家都可以作一個新嘗試,小編甚至有時會坐埋一邊休息,等小夥伴幫手攻城。



維京狂「隻狼」
首先,遊戲中打擊感、手感都做得非常出色、戰鬥十分爽快。而主角亦有大量不同的武器可供選擇,有單手、有雙手、有弓、有盾、當然作為一個專業的維京戰士緊係唔少得雙持武器,而雙持武器係可以自由組合的,由於不同的武器有不同的動作模組,所以為小編帶來不少新鮮感。而戰鬥系統其實由《刺客教條:起源》開始已經偏向《黑暗靈魂》風,而由於今集其中一個主打為雙持武器,所以「格反」動作變得在戰鬥中非常重要;特別是BOSS戰一對一時,熟練「格反」會有極大優勢,因此小編覺得有一陣「隻狼」的味道。可惜的是在一個開放世界遊戲中要做到「格反」實在有一定難度,例如時不時會有小卒偷襲你,又或者因為有其他要素要LOAD而引致FPS不穩令你捉錯時機。



遊戲中的選擇
遊戲途中有唔少可揀選的對話場景,不同的決定會有不同的結果,小編同編輯部另一位同事就因為在同一個場景揀了唔同的答案,所以後來的結果會有少許出入,而呢類出入對後期戰鬥有無重大影響就要再玩落去先知了。



小遊戲
今集有唔少小遊戲玩,釣魚,擲骰子就唔多講啦,而其中一個係鬥嘴遊戲,說老實小編就覺得唔太識合非英語系的小編玩啦,不過有咁多小遊戲,玩少一個半個都無咩所謂啦,而且答案有得揀,咪試下撞答案囉。



課金系統
遊戲有課金今時今日就好平常,就算買到終極版都有可能忍唔住想課金,其中全地圖物資組合包,小編就好想狠狠地課落去啦,因為地圖之大,找物資絕對超花時間。



遊戲畫面可圈可點,內容豐富、小心揀選不同版本
小編測試期間主要使用PS4 Pro來玩,配合4K HDR畫面雖然唔錯,但明顯已經有點負荷不了今集 《刺客教條》,除了上面提到因為FPS不穩,所以影響戰鬥外,四圍參觀時亦會有貼圖錯誤情況出現,今集跟上兩集內容差不多,同樣有大地圖、大量收集要素,相信要打到十二月甚至一月都毫無問,長期戰的玩家可能要考慮一下購買新世代主機了,而一隻遊戲可以有咁多內容可以算非常抵玩。最後,作為一隻維京遊戲,血,係絕不能缺少的,因此如果大家想要多多血、多多頭,大家就要小心揀對應的版本啦。



最後,小編用行動表示,自己買番隻返屋企快快樂樂玩埋去。

[電玩新聞]《刺客教條:維京紀元》11 月 10 日全球推出

評分

參與人數 1威望 +20 金錢 +20 收起 理由
momolee + 20 + 20 報告非常詳盡,用家心得

查看全部評分

1079

主題

1萬

帖子

41

精華

行動組版主

Rank: 8Rank: 8

積分
338232

76 榮譽版主勲章76 榮譽VIP勲章76 精選榮譽會員勲章76-FC 黑鑽石勲章

2#
 樓主| 發表於 2020-11-10 16:27 | 只看該作者 加入黑名單
本帖最後由 阿定 於 2020-11-19 12:41 編輯



上面講到,小編最後打算換上XBOX版繼續PS4上未完的旅程,無論你的理由係因為訂唔到新機要轉會,定係接受唔到唔夠血腥而要轉會,甚至單純係買了新機想升級都無問題,只要利用Ubisoft Connect就可以無痛將遊戲進度由一個平台轉移去另一個平台啦。

首先,大家要登入番 Ubisoft Account



之後就會點入去帳戶資訊



之後拉落少少就會見到連結的帳戶,大家可以連結番自己用緊的Playstation Network 或 Xbox 帳戶,
而EPIC GAMES / NINTENDO SWITCH / STADIA / STEAM / TWITCH的帳戶就要用其它方法連結,可以參考 官網 Q&A



之後只要開Game時揀番之前連結了的帳戶,無論你用邊個平台,都會見到有雲端存檔係度,可以繼續玩落去,唔駛重新開始。



小編實測跟終極版的狂戰士套裝同符文套組都可以跟著雲端存檔四圍走,無論之後登入XBOX或PS都唔會唔見了,不過季票內容因為未出所以試唔到,而Helix點數同季票會如何處理都要之後再試先答到大家,不過成就/獎杯就幫唔到你轉移啦,有強迫症要100%完成的朋友都係由頭玩過吧。

13/11更新: 問完客服之後得出有關Helix點數及季票轉會時如何處理的答案,其中有兩個重點,首先所有額外購買的內容,都係依照你平台上購買的版本提供,所以無法轉移,其中包括付費購買的點數(Helix)同相關的DLC,不過遊戲內的物品會被視為存檔的一部份,因此應是可以隨著存檔進行轉移的。



14/11更新: 由於決定係XBOX玩埋落去,所以實試係MS Store買Helix點數,之後得出的結果係,購買完地圖同屍鬼組合包後,Helix點數只剩100,然後試著存檔再轉移到PS4,在PS4上查看的話,Helix點數會變回300(即我未轉會XBOX之前的結餘),而裝備同地圖,都同XBOX的一樣,新購的屍鬼套裝,同埋終極版的狂戰士套裝等都已變成存檔的一部份,順利過渡PS4。

18/11更新: 雖然已經唔會係PS4上玩,但因為想買多套隱身精靈套裝,所以決定試下今次係PS Store買點數,情況同之前一樣,於PS4增值後的Helix點數並不會帶去XBOX,不過已轉換成存檔一部分的隱身精靈套裝就成功帶到去XBOX,所以如果大家對課金有疑問的,可以放心去試。



19/11更新:  實試了有血無中文的(英國區)歐版PS4,使用之前的PSN港服戶口,無論本機存檔定雲端存檔都可以直接使用亞洲版的玩落去,存檔係100%共用的(CUSA18534),已有裝備同存檔都用得番,連Helix點數結餘亦一樣,所以已經購買了歐版的朋友,可以試下借朋友的港版來試試,存檔無問題的話就應該可以安心購買Helix點數了,至於打算放棄港版轉玩歐版的朋友,小編建議大家等多陣唔好咁衝動住,因為會有更新檔推出啊

注: 實際情況以 官網Q&A為準

現時已宣報遊戲進度可以保存在Ubisoft Connect中,讓你更換遊戲機或切換到電腦也不會失去任何進度的包括: 《刺客教條:維京紀元》,《芬尼克斯傳說》,《極限共和國》
及《超能競地》。


最後,小編新的旅程用上XBOX Series X後,再無因為FPS不穩而格反失敗,貼圖出錯亦少了好多,而最最最重要的畫質同Loading Time都改善勁多,小孩子才做選擇,大人全都買,錢真係可以解決問題架,所以作為一個大人,玩番血腥版係好合理的。

下圖係PS4(左)及XBOX(右)版本的遊戲選項分別


評分

參與人數 1威望 +20 金錢 +20 收起 理由
momolee + 20 + 20 報告非常詳盡,用家心得

查看全部評分

您需要登錄後才可以回帖 登錄 | 成為會員

本版積分規則  允許回帖郵件提醒樓主

重要聲明:本討論區是以即時上載留言的方式運作,Post76玩樂討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。權利。
快速回復 返回頂部 返回列表