初入兩聲道選購的生路曆程

加里

小弟第一之出Post，前文比較長，因小弟想分享下最終入手的生路曆程，如果想直接睇開箱可以跳過

小弟剛剛加入兩聲道，之前係用AKG K702耳機 + 韓國Audinst HUD-DX1 的USB DAC耳廣聽音樂，而本人比喜歡聽古典，爵士，舒情同女聲多，喜歡音樂中的細緻度同層次感，偏向清淡監聽口味，但近一兩年開始想踏入兩聲道的喇叭世界。

當初係考慮主動式監聽喇叭，呢個時間得到位音響前輩同指點教導後放棄左主動式監聽喇叭，轉向綜合擴音機 + 被動喇叭，因財力所限當初的預算是喇叭連機係15k-20k內，之後係好多音響店同網上睇好多關於書架喇叭資料，最先鎖定係ELAC BS-312, 聽過佢D聲音好鍾意 ，無諗過書架喇叭有咁強勁音量輸出，而且細細隻好得意，特別係佢高音分析力，而佢上一級的Vela BS-403係低音方面更上一層樓，不過兩對喇叭價錢超晒班，所以轉向KEF LS50, 知佢係監聽級喇叭，但發現要發揮佢實力一D都唔易，如果要聽到音響舖試的味道，合併機要有返咁上下，而差唔多時間出左Wharfedale EVO 4系，EVO 4.2價錢同LS50差唔多但易推好多，試聽EVO後發覺可能受ELAC影響，對氣動高音單元D聲音特別有好感，所以就選擇佢。
之後係綜合壙音機到做左好多功課，由TEAC AX-505 > Audiolab M-DAC+ > Cambridge Audio CXA81，Cyrus One Cast等等，但左諗右諗都係差小小，可能因為對Elac諗諗不忘想買套可係方便以後有機會帶佢返屋企時用的合併機，就呢個時後個前輩提我，反正我有DAC前級，點解唔比多D錢買個好D後級，等將來升級都唔洗換咁多野換，咁又開始左後級尋找之路，但要應付到將來有機會入手的Elac呢隻有幾大W 食幾大W的性格，配得起佢的後級價錢都唔講得少，係呢個時候網上見人地話Nuprine STA-9推Elac BS-312好好力就再向呢個方向睇，不過唔試唔知，原來想BS-312出到我想要的聲起碼要到ST-10呢D無加味精的級數，但個價錢夠買兩部STA-9有多，又係錢⋯

見只差後級差唔多係時候去馬就同家中財務總監申請批文，話小弟會買喇叭，當然如實講買價錢同選擇EVO 4.2原因（就係錢），仲講左以後會再升級等後路比自己，點知得到個回覆係：『既然呢對唔係自己最想要點解又買呀，第時再換又嘥錢，如果係唔係都會再換就買最好啦，一次過麻，當然家用唔可以少個崩啦⋯！』聽到呢句說話我當堂感動到眼濕濕，唔通上天知我日做12個鍾搵錢辛苦所以憐憫我？(T^T)，收到上方寶劍當然二話不說就訂Elac Vela BS-403啦，馬死落地行，其他野之後先算。

不果因喇叭太貴，所以我不停搵有無其他門路可以平D入手，用左成個月時間最後都係決定係外國郵購返黎，價錢比香港代理平，當然相對風險高好多，不過慳左D錢可以當補貼買後級。

因銀彈不足下後級係到諗可能得NuPrime STA-9，最多到時發現唔夠力儲錢買多部行Mono，咁計都平過買一部ST-10，忽然發現網上有人提過NuPrime STA-9呢個價位得KECES S125有得同佢鬥⋯咁就好似發現新大陸咁去搵呢部傳說中的S125，點解係傳說？因為網上搵到佢D資料少之右少，多數係網媒或編輯介紹，用家開箱同分享文真係少到無朋友，YouTube介紹的片都唔多，不過有條片個外國人用S125同國內出品的Kinki Studio EX-M1比較，呢部EX-M1我都有留意佢，比好多人高度評價超強性價比的合併廣音機，不過都係果句⋯又係錢⋯

個外國人對部S125一樣讚不絕口，係價錢比STA-9貴少少而推力高咁多，我更想試下佢的聲底，所以約咗代理上去試機，順便試佢同門部S3 DAC(套裝強迫症發作)。帶左幾隻聽開的CD上去，一試之下，咁覺好似用緊自己個耳機聽歌咁，但高音伸延同分析力，低音下潛同層次感，樂器邊緣清脆聲，女聲活潑清爽，甜甜的感覺，完全係第二個層次享受，當然知道現場環境同代理器材有關，同代理老闆傾左一陣，佢話S3同S125係偏向清淡無味，你比咩佢食佢就比咩你聽，係好有監聽感的前後級，而且佢同STA-9的AB+D唔同，S125係一部A+AB純後級，係6ohm以下係已純A類放大，聽到我好心動。試聽左個幾鐘後已經覺得⋯係你啦⋯雖然超出預算(其實係買BS-403就超晒)，不過我都係咁乖乖比錢帶左S3同S125兩姐妹返屋企。(點解會多左部前級？財務總監話架麻，係唔係都會換就一之過買好D)，但今次就真係超支到凸晒肚，所以線材同其他補品只能買平野，真係要等儲夠錢先可以再換。

兩箱野差唔多20kg，帶住去坐巴士有D辛苦


以上就係小弟買機入手的生路曆程，以下就係不專業開箱。

一返到屋企喇叭已經送到


開箱前先幫佢地嚟張大合照先


喇叭開箱，上面張貼紙提示單元方向，要小心


包裝好嚴謹，膠袋入面仲有個布袋


登登登⋯正身出場


德國🇩🇪製造，信心保證


腳底有三粒防震膠


低音反射孔係後方向下，對我呢D地方細要貼近牆方係好消息


首先原裝Jumpers換成同喇叭線一套先


S125開箱


細細部但出奇的重





S3開箱


超鍾意佢個遙控器，成隻鋁金屬做，好有手感


雖然輕D，但一樣好重手




平價線，佢話Made In Taiwan唔知真定假，用他錶度過電阻都好低，用住先





經過幾個鐘執位走線終於set好個壇，唔完美，可接受，有代改善


以上就係小弟不專業開箱文，而家開始要進入慢長的煲機日子。

加里

cheungliu 發表於 2022-6-25 16:54
問 師兄 elac 外國邊度買可以平？

我當時係英國Audioaffair到買, 不過而家佢好似冇代理ELAC了

keung3467

師兄可否PM 德國邊度買ELAC

cheungliu

加里 發表於 2021-3-2 16:23
多謝咁多位師兄的提醒同建議, 我成日比唔可以放客廳限住左個諗法, 師兄提醒左我仲可以咁去試, 決定搵一日 ...

問 師兄 elac 外國邊度買可以平？

dplqb

加里 發表於 2021-2-26 12:33
分別都好明顯，而且係好大的正面提升，不過唔好的野一樣雙陪提升，好似背景唔夠黑，大聲時的毛嘈感等等一 ...

加里哥，你要了解一下聽音樂的目的，在大廰一定好聲，但可以在什麼時間開機，可以享受多少時間，在房內是否早已確定一邊做事一邊聽音樂呢？享用時間較多？我也分享一下，未有小朋友時可以每個星期六日在大廳開機，但小朋友來到時，差不多十年也沒有用，之後也壞了。早二年開始重新再來，因為上了CAS之路，也和你一樣在電腦枱上開始，mom 左右是喇叭，也是開音量過九點位時就有毛燥感，之後不斷尋找解決，擴音機買時試聽過的聲音我受用，走近一些也沒有毛燥感，但回家煲了後也不太一樣？想想試機時大多店鋪不會用原裝電源線和接線.但缐材如大海邊條可以呢，只有回店舖看看，看完計算一下No la。咁我跟據這些缐材質量找價錢平啲來試，好似上化學課，銅，銀，單晶，幾多N.左右配著，這樣歴程到有位大師指點後才見到光明.想著原來在枱上玩機比較方便，差不多每天也使用，覺得比以前享樂很多，這是我的心得。只要可以多些時間享用，不要被位置和房間大小束縛著，唔通細空間不能享受音樂嗎！

一斤花生@G

  簡簡單單 移下擺位   聽番半年先啦， 一陣換下線 一陣又買個電處，一闊三大， 咁何必當初  唔儲多少少買好D

先聽多一段長時間，再諗自己要買乜就去買啦，    其實位置咁細 買部力水大小小AＭＰ就係啦 實推到對喇叭，再加部Streaming

想聽乜歌都可以 簡單又好聲，既然洗濕左個頭就盡做啦～  

我早二年  初燒二聲道就 都係買部合拼機 加對喇叭 聽下歌   再睇下咩情況，  先升級 ，


  

vf4fe

加里 發表於 2021-3-2 16:23
多謝咁多位師兄的提醒同建議, 我成日比唔可以放客廳限住左個諗法, 師兄提醒左我仲可以咁去試, 決定搵一日 ...

試完應該會成日心思思😁⋯⋯返房再慢慢試下唔同喇叭擺位移前移後toe in /out，另外我見你用木墊墊起後級，有無試過唔墊？
電處唔會完全幫到你解決問題，到時可能又有第二個問題，正所謂多隻香爐多隻鬼🙈

加里

bbc701 發表於 2021-3-2 11:56
如果搵到有一日屋企完全係冇人，首先應該將你而家嘅器材搬去一個家中比較空曠嘅位置，喇叭相距大約七尺以 ...

多謝咁多位師兄的提醒同建議, 我成日比唔可以放客廳限住左個諗法, 師兄提醒左我仲可以咁去試, 決定搵一日成套機拎出廳試佢半日, 睇下同骰仔咁細間房聽有幾大分別, 之後先再考慮有咩可以做.
不過我最擔心係係廳聽完之後會更加唔想收返入房......

hungsh626

師兄 不如等對喇叭煲耐啲再考慮換嘢都未遲
我同你差唔多時間入坑 對喇叭啲聲一路聽一路變 今個星期d低頻又同之前唔同咗
你等對喇叭啲聲定咗先知自己想要改善d乜

bbc701

加里 發表於 2021-2-26 12:33
分別都好明顯，而且係好大的正面提升，不過唔好的野一樣雙陪提升，好似背景唔夠黑，大聲時的毛嘈感等等一 ...

如果搵到有一日屋企完全係冇人，首先應該將你而家嘅器材搬去一個家中比較空曠嘅位置，喇叭相距大約七尺以上距離聽返兩三個鐘，感受下有什麼分別先，你要搵嘅聲未必係因為線材或者配件問題，可能擺其他位置已經有你需要嘅聲音

事後再還原去返你而家嘅擺法，你就會知道你而家嘅器材到底可以出到啲乜嘢聲，唔係普通換條線買電處就會有改變，亦唔好因為空間問題就覺得買呢樣買果樣可以幫到好多，兩對喇叭擺到咁近，你真係要試清楚放其他位置聽到乜嘢聲之後先好再決定買其他配件，而家你嘅擺法加幾多補品落去其實都未必有太大效果，喇叭擺得越近，其實兩邊單元發出嚟音頻有部份係會互相抵消咗，情況如有你只要試吓將兩隻喇叭放埋一齊面對面普通音壓播歌，就知道我講乜，自己試清楚，配件有無限咁多花款，但係你而家用緊嘅空間上邊未必發揮到實際功效，慢慢玩

frankpoon

真幸福, 一野就去到MONO AMP, 令人羨慕.
你喇叭同器材應該都冇買錯架喇, 慢慢玩下電源同接線來調音.
電又係好好玩架...