設為首頁收藏本站76Youtube 頻道

Post76影音玩樂平台

搜索
查看: 627|回復: 0

[原創文章] FIFA 21 - 可免費升級到下一世代的足球遊戲【遊戲速評】

[複製鏈接]

1071

主題

1萬

帖子

41

精華

行動組版主

Rank: 8Rank: 8

積分
331517

76 榮譽版主勲章76 榮譽VIP勲章76 精選榮譽會員勲章76-FC 黑鑽石勲章

發表於 2020-10-14 16:20 | 顯示全部樓層 |閱讀模式
本帖最後由 阿定 於 2020-10-14 17:19 編輯

FIFA21_VOLTA.jpg

足球遊戲大作《FIFA 21》剛剛已經上市了好幾日啦,作為一年一集的足球遊戲,今年同以往有少少唔同,就係當大家購買PS4/XBOX ONE版本的話,可以免費升級到 PS5 / XBOX Series X 版本,如果好似小編咁作為一個休閑玩家,並唔係每年都會買一隻又或正打算購買新一代主機的話,今集買一得二就更加值得大家考慮入番隻來玩啦!

FIFA21_MBAPPE.jpg

《FIFA 21》今集找來巴黎聖日耳門及法國前鋒Kylian Mbappé作封面人物,當然要同件波衫合照一下啦,小編雖然玩了好多年足球遊戲,但一直都好少會玩FUT,一來打機時間唔多,二來打足球Game對我來講只係得閒同朋友對戰下,又或睇波前的一個小娛樂,所以今次主要想同大家介紹番普通的球會賽事,同埋上集才開始推出的VOLTA街頭足球。

FIFA_Liverpool.jpg

首先講下普通球會賽事,小編打完一次歐聯賽事,整體感覺係節奏比以往慢,而同隊的電腦球員AI都唔錯,攻防跑位比以前合理得多,特別係無球走動勤力了好多,唔會成日企係度唔走位幫手聯防,加上今集有新玩法Creative Runs,玩家只要同時使用兩個Analog Stick就可以自己操控晒兩個球員的走位,傳波同接波的走位都由自己操作,進攻時就更加靈活多變啦,特別係用來對付電腦的越位陷阱就更加有成功感啦。

FIFA_VOLTA_Cham.png

而上年新加入的VOLTA街頭足球,對喜歡爽快踢一場波的朋友就更加適合啦,受惠於同正賽使用相同的操作方法,同以往FIFA Street年代比,大家唔駛重新學習操作就可以即刻開始玩,由於球場比較細,人數比較少(3至5人賽事),快上快落的攻防戰,一對一的過人技巧亦受惠於新功能Agile Dribbling,只需運用R1鍵即輕鬆可扭波過人,(當然老手可以用番Skill Moves),連小編本來只係想試玩一下,都不知不覺玩完整個VOLTA故事模式,除了過場故事本身唔太長氣外,打贏對手可以揀選對方一名球員加入自己隊伍,都係非常吸引人的地方,因為升級隊伍會變得更加容易(笑),不過主角自己就要透過贏取比賽賺取技能點後,通過技能樹自己強化自己了,而遊戲入面角色因為係著便服的,所以商店有唔少衫褲鞋比大家更換,基本上只要完成指定任務或打多幾場比賽就會有更多的服裝比大家使用,大家唔駛擔心會不知不覺變成課金Game就是了。



上面條片係PS4的內置錄影功能,大家可以作為遊戲開場同過場動畫,聲畫方面實際要好得多就是,小編雖然全程用上4K加HDR電視遊玩已經好滿意,但仍然期望PS5推出後可以感受到更好的畫質,始終人係有要求的,特別係玩開影音的朋友,總希望光影處理更好,人面更真實,肢體動作更加自然,之後就要等PS5入手後再試了(前提要買到機)。

評分

參與人數 1威望 +10 金錢 +10 收起 理由
Wilsonbird0328 + 10 + 10 超正, 一定要加分

查看全部評分

您需要登錄後才可以回帖 登錄 | 成為會員

本版積分規則  允許回帖郵件提醒樓主

重要聲明:本討論區是以即時上載留言的方式運作,Post76玩樂討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。權利。
快速回復 返回頂部 返回列表