今日入咗部二號機

johnwick

近排想入多部二號機，試咗好幾部有220MAX , K100, M15,  同埋見之前有師兄介紹去試嘅SE200, 當初其實冇乜留意呢部因為之前入咗上一代SE100，後來用咗幾個月放咗換入N8, N8聲就真係冇投訴，但係玩開好易身痕又想入多部新機玩吓，呢排都做過吓功課，220MAX 力大，可推盡唔同類型耳機，節奏感強，但個介面真係麻麻地， 硬係疾疾吓好似就hang機咁，仲有個叉電真係好麻煩要分開叉，加上揸上手真係幾鬼重(其實N8 我都覺有啲重)，而我估係二手湧現嘅主要原因。而大屎忽K100，焚低頻係幾爽，呢兩日再去試打算聽師兄講換粒電睇吓聲係咪有提升，去第一間諗住換電試點知店員竟然話：“冇得換電試喎，其實聲就冇咩分别，比多粒電你等冇電可以即刻換電有得聽，不過你出街要帶定枝批換電。”我心諗：“吓？乜唔係褪個蓋換㗎咩？”之後去第二間試，店員好好換咗粒黃色電比我試，不過好老實分別真係唔太覺，原本好勁低頻好似再誇多啲啲，另外高頻衝多少少，我唔知係唔係心理影響，個反智機身手感我真係唔知點拎上手，最大鑊係唔知點袋入褲袋。試個完陣仲要比個朋友串：“駛成皮幾嘢好心唔好試部咁柒㗎啦，而家國磚都好樣咗不如試部M15仲好啦。”比佢寸完仲要比隔離個師兄聽到，臘到佢面帶恥笑嘅笑容好似笑緊我咁....頂佢! 算, 佢咁講唔爭咗試埋m15, 聲唔錯都清嘅，但分離度真係唔太夠，密度又爭咁啲，力水ok 的，但兩粒4499應該唔止係咁，個扭制發光幾型不過點解係個膠蓋唔做埋金屬，同埋做乜抄黑磚設計呢....不過1皮嘢佢同之前兩部比佢係叫做比較平玩嘅一部。

跟住玩埋SE200，見好似同上代差唔多以為好似每代iphone 咁改少少就算，試咗幾次認真比較過，揸上手好輕同算薄袋入袋冇問題先，不過角位仍然拮手，要戴番個套先掂，扭制一樣係發光圈係幾型嘅，控作介面同上代一樣易用順暢，而一部機可兩隻完全好唔同嘅聲係幾驚喜，換插第二個插頭就搞掂，本身聽歌都幾雜食，貪心嘅我中到應一應，而家手頭上3種聲，基本上各有特色，一號機N8 ：味重夠密度，好力，而二號機SE200：AKM-埋身夠清，好有layer，分離度幾好，而ESS-空間感重，動態夠強，低頻好有節奏感不失層次，基本上一機可以應付雜食向，個filter就未認真玩。

雖然SE200同220max一樣唔駛皮半，力水當然唔夠220max 強捍，但SE200力水比上代大咗而且夠推手頭嘅耳機合格有餘，起碼操作同介面易用夠順，如果講抵玩同便攜性高起碼出trip去旅行我會帶，所以最後課埋金，呢幾日煲吓部機，之後再睇吓有冇驚喜先。

仲有想買個孖插轉4.4, 究竟PW定Effect好? 見PW好似有分版本，請教吓有冇師兄知有咩分別？

ip_csl

對比 Sp2000, se200 輕巧好多,但 volume制就手感一般(個人覺得較細)
另pw audio adapter 分別是貴版內部接線是用 1960,另 2.5mm 插頭則用 pentaconn.

德仔老豆

恭喜師兄入手

我嗰日出去試K100 見啲師兄話出街聽都唔會袋唔好
諗住上手睇下係我審美觀有問題定大家包容程度太高
點知冇得就咁甩個蓋出嚟都算 問多兩問先知入面唔跟支星批嗰下大獲
仲要呢啲時侯帶支野出街 一陣俾人查身份證搜到
同呀蛇講你用嚟換電聽唔同聲 佢應該當你忽忽地的你返去坐兩晚先走得

不過SE200個樣係真係幾靚仔 佢個發光環感覺仲靚過SA700嗰個

mcmxp

更新左聽MQA好正😀

ip_csl

mcmxp 發表於 2020-8-11 21:54
更新左聽MQA好正😀

師兄放 220 max入 se200?

mcmxp

ip_csl 發表於 2020-8-11 22:35
師兄放 220 max入 se200?

係，接受唔到區個操控😂

ip_csl

mcmxp 發表於 2020-8-11 22:49
係，接受唔到區個操控😂

因我無意中在肥花發現.

mcmxp

講真、hugo2比dac好聽好多、比220max還好聲

vivibo

Johnwick終於入手了, 恭喜晒呀! 宏觀近期萬多元價位之中, SE200在外型,重量, 規格,音質,操控, 玩味性, 個人認為都係最好的一部, 我都準備入手.

Johnwick兄, SE200果個EQ是怎樣玩的? 因為失真問題, 傳統上我們玩音響絕對不會用EQ的, 但我見今代SE200的EQ跟以往有點不同, 好像是跟DAC chip有關連, 不知閣下有無研究是什麼回事? 謝謝!

ip_csl

vivibo 發表於 2020-8-12 09:32
Johnwick終於入手了, 恭喜晒呀! 宏觀近期萬多元價位之中, SE200在外型,重量, 規格,音質,操控, 玩味性, 個人 ...

代答,不是傳統eq, 是 set dac filter(首次出現在 AK 的 DAP)